كل الشكر للأخوه على مروركم وتعليقاتكم
الاخ سالم .... اصبحت الكويتية مسلسل مفروض على المشاهد كل يوم .... وللأسف هناك من يقول انها بخير .... ونحن نقول انها ليست بخير والكل يعلم انها ليست بخير إلا المسئولين بالكويتية .. ويقولون نرجو تحري الدقة في نقل الأخبار ... ونحن نقول لهم اصحوا يانايمين .. العالم يتقدم وانتم تخطون خطوات إلى الخلف ... عموما كثرة الأخبار المحزنة على الكويتية يؤكد ان الفرج سوف يكون قريبا جدا إن شاء الله .. نأمل هذا .
اهواا صح محد ينكر أن الكويتية قاعدة ترجع لي ورا و أن حالتها غلط لكن أغلب الأخبار غير صحيحة..
يعني على سبيل المثال، رحلة كولومبو تاخرت 3 أيام مو 4، و الطيارة الي كانت طالعة من الكويت إلى كولومبو ما كان فيها خراب.. لما وصلت الطيارة كولومبو و ركب عليها الطاقم الثاني طلع هالخراب، و لنفرض أن هالخراب كان موجود من اقلاع الطيارة بالكويت، شنو هو الخراب ؟ الخراب كان في الWindow Heat و هو يزيل الضباب من على الزجاج الأمامي للكبينة.. هل تعتبر هذا كان ممكن يسبب كارثة ؟ كون الأجواء في كولومبو رطبة مثل ما هو معروف فمستحيل يكون ضباب.. و برحلة العودة للكويت الطيارة كان ممكن تطير من غير الWindow Heater لأن الجو بالكويت حار.. فهذا بس كلام فاضي من وسائل الإعلام..
و فوق هذا كاتبينلك أن قائد الطائرة رفض الإقلاع كون مسار الرحلة على البحر و مافي مطار يمكن الهبوط اضطراريا فيه، أي إنسان ممكن يفكر هالتفكير هذا ؟ يعني الطيار مو خايف على نفسه يجازف و يعتمد على الهبوط الإضطراري ؟
و في شي اسمه الحد الأدنى للأعطال يعني إذا الخرابات تعدت حد معين ممنوع يطير الطيار و ينسحب ليسنه دوليا إذا طار، فالأخبار هذي الي بالأيام الأخيرة أن الطيارين يطيرون مع وجود خرابات هذي مستحيل تتصدق إلا الي جاهل في القوانين الدولية..
و أغلب الأعطال تكون أعطال سخيفة تسوي تأخير للطيارة لكن لا تؤثر على سلامة الركاب.. يعني أنا الحين من شهر تقريبا، الخبر الوحيد الي قريته و كان فيه خطر هو رحلة جدة.. أما غيره كله حشو اعلامي نفس رحلة كولومبو الحين.. و هذه الأعطال تصير لكل خطوط و لكن الفرق بنقطتين:
الأولى: الحين التركيز على الكويتية و ناطرين عليها الزلة
الثانية: الطيارات قديمة ( لا يدل على خطورتها ) فلما تبي قطع غيار في مطار غير مطار الكويت تضطر أنك تنطر جم يوم عشان توصل القطعة، مثل رحلة كولومبو تاخرت 3 أيام لأن القطعة مو موجودة بكولومبو و لازم ينطرونها توصل من الكويت، أما لو الطيارة جديدة ممكن يستعيرون القطعة من أي خطوط ثانية عندها نفس الطيارة.. فأي تأخير يصير تطلع لك الأخبار الكاذبة و كل واحد يقعد يألف من عنده، مثل رحلة كويت-كولومبو الي نجت بأعجوبة ههه