[DHIS14]

ياشباب اقسم بالله ان الحاله اللي فيكم غريبه

يعني ليش كل هذا التخوف
صح انها مستقبل وتدرس سنتين وراتب مطنوخ مايحصله مدرس كرف5 سنوات في الجامعه

لكن برضوا الشغله ماتستاهل كل هذا الخوف
اللي يقول شعور غريب في بطني ههههههههههههههه
واللي ماينام الا ست ساعات<<مدري كم بغيت تناام !!

والله انا كنت متخوف مثلكم
لكن الوالده الله يحفظها قالت لي كلخمه والله راح الخوف

قالت لي والله يا ولدي ان الخوف مايجيب نتيجه وما بيسير الا اللي كتبه الله لك ولا تحط في بالك انك تنقبل اكيد وفوق هذا تفاؤل
وانسى الموضوع ليين يجي وقته و لو ماقبلوك يمكن تكون خيره اختارها الله لك

اللي اقصده ياشباب ان الواحد لا يفكر في الموضوع اكثر من اللازم لانك راح تكون بين نارين
الاول اذا انقبلت وان شاء الله هذا اللي يسير راح تفرح فرحه غير طبيعيه
والثاني اذا ما انقبلت راح تنصدم صدمه مايعلم بها الاربك

وفي الاخير ما اقول الا الله يوفقنا ويكتب لنا اللي فيه الخير