هههه على حظك!! يمكن هالامتحان ما ياخذونه بجدية و يركزون على المقابلة اكثر شي..
كيف كانت المقابلة؟ و شو كانت اسئلتهم صعبة؟ من اللي يقابلك واحد مواطن ولا أجنبي؟ و اذا كان مواطن المقابلة بتكون بالانجليزي و لا عربي؟
و السموحة من كثر الاستفسارات بس حبييت اعرف عشان ما اتوهق > <
لا لا انا عدت الامتحان بيوم ثاني
والمقابلة اثنين مواطنين بس بتكون بالانجليزي وتتكلم عن نفسك اول شي وعن اهتماماتك وسألوني كيف تطير الطيارة وشو اللي يشلها بالجو وشو صفات الطيار والمخاطر وتاريخ تأسيس طيران الإمارات وكم وجهه واخر خط فتحوه بالشركة والوجهات الياية وشو سبب اختيارك وظيفة الطيار وسبب اخيارك طيران الامارات بالذات ولو ما انقبلت شو بتسوي ووين بتروح عقب وهل انت مستعد وقد الطيران يعني ما بتخليهم يندمون انهم قبلوك وخسروا عليك وبتشد حيلك الخ.. ها اللي اذكره تقريباً
بس لا تعتمد على ها الأسئلة لانها تتغير وكل شخص غير يعني حتى لو مب لابس غترة بيقول لك ليش
المهم انت خذ لك معلومات عامة عن الطيران وعن طيران الامارات وعن الطيار
وحاول انك ما ترتبك بالمقابلة وسولف ولا تتردد واذا ما عرفت تجاوب حاول تقنعة واقعد زين خخخ