[Fighter Jet]

اخوي الله لايهينك عندي كم سؤال


بخصوص طول المدرج اللي تكلمه عنه الاخ واحد ..

كيف تتم حسابه ؟ .. واعتقد هو نفس السؤال اللي انت وضعت صورته في جدول الماثماتيكس اذا ماخاب ظني ..


وفيه سؤال ان فيه سرعة وارتفاع واتجاه وانت تعبيها بالاوتو بايلوت .. بعد مافهمته ايش المقصود منه ؟؟

وماهو ال ibr ؟ وماهو قانون الرزستنس "المقاومة" ؟


استجابة لما وصلني على الخاص أعلاه

1- الماث
يعطيك ثلاثة جداول في ورقة
ويقول لك إذا كانت الفلابس على الدرجة الفلانية (15/20/Full) ووزن الطيارة كذا وحالة الهبوط كذا ويطلب منك طول المدرج .. أو يعكس المطلوب مع أيا من المعطيات
كيف تحلها؟؟

= عناوين الجداول تكون بالفلابس (الفلابس = القطع الصغيرة خلف الجناح تستخدم للإقلاع والهبوط وغيرها)
= الصفوف معنونة بوضع الطيارة عند الهبوط (مكابح/دفع عكسي/ثلوج ...)
= الأعمدة معنونة بالوزن
تتقاطع الأعمدة مع الصفوف تعطيك طول المدرج
عاد انت تشوف وش المطلوب وتطلعه حسب الجدول

اعتقد واضحه .. وإلا لا؟؟


2- الأوتو بايلوت
يعطيك ثلاثة شغلات
الارتفاع، السرعة والوجهة وتكون في مربع على الجهة اليمنى تحت
وأنت تعدل الإعدادات في الجهة اليسرى وفق المطلوب
الارتفاع تستخدم + / -
السرعة تستخدم الأسهم فوق وتحت
والوجهة تستخدم الأسهم يمين ويسار
وبعد ما تضبط الإعدادات تضغط Enter
بالإضافة إلى 9 مربعات على شكل 3×3 (نفس الآلة الحاسبة في الكيبورد) تكون فوق يمين وفوق يسار كلها سوداء اللون وبدون خطوط فاصلة
بعدين يتغير لونها للأحمر مربع واحد كل مره وتروح تضغط الرقم المقابل له في الكيبورد
(مثلا الوسط يمين = 6 وتحت يسار = 1)
الشغلتين هذي مع بعض .. التعديل وضغط الرقم المقابل

نصيحة .. احرص إنك تضغط الرقم المقابل أول ما يطلع لك أكثر من التعديل للأوتوبايلوت .. لأنو لو اخرته بعد ما تخلص من الأوتو راح يحسب عليك وقت استجابة

3- الـ RBI
هذا الله يسلمك
تشوف المعطيات الله الثلاثة فوق
= الأولى على اليسار
تحدد لك اتجاه الطائرة بالنسبة إلى الـ RBI (جاية رايحة على اليمين أو اليسار) ويقابلها تحت اتجاه الطيارة بالنسبة للـ ٌRBI
= اللي بالوسط
تحدد لك حركة الطيارة (طالعة، نازلةن لافة يمين أو يسار) بالنسبة للأفق ويقابلها تحت السهم الأخضر
= اللي على اليمين
يحدد لك اتجاه الطائرة على افتراض الشمال فوق

كيف تحلها؟؟
في الصورة المرفقة في ردي هذا .. رقم 2 هو الحل
ركز زين وتعرف كيف تسويها

RBI = Relative bearing indicator

قانون المقاومة .. ما اعرف أي واحد تقصد
لكن على العموم ما يفيدك في الاختبار ابد
ممكن تستفيد من قانون حساب الوتر تبع المثلث .. ترا جانا في الاختبار

اتمنى لي ولكم التوفيق جميعا
أبو الوليد