حياك الله مرة اخرى يا ابو عزيز
الى التحقيق 
الله يستر ،، ترى ما كنت أدري إن إحساس الكـرسي صعب جذي بس بعد حلو هذا الإحساس
7
7
7
7
7
7
7
7
7
7
7
7
7
7
7
7
7
7
7
وش تقديرك ونسبتك في شهادتك الثانوية ؟؟ 
الحمد لله رب العالمين 
،،،، شهاداتنا في قطر ما تنكتب فيها نسبة ،، تطلع الشهادة بمجموعة مواد والدرجة من 1000 وكم خذت
فيها ،، يعني مثلاً دراسات إجتماعية 800 من 1000 وهكذا
على حظي هذا النظام إستوى حديثاً 
بشكل عام الحمد لله جيد جيد جداً مب عبقرينوا لكن شهادة فرحت
الوالدين بدرجاتها الحمد لله
تخرج عبدالعزيز الآن من الثانوي فماذا سيكون طموحه ؟؟
بالتاكيد الطيران لا محاله وسـ أستمر بمحاولاتي
للنجاح فيه حتى لو بعد فترة من الزمن
أي من الدول قد زرتها ؟
وايد دول والله وجه الخير ،،، لكن بذكر لك بشكل مبسط
ماليزيا - بانكوك - فيينا - فرنسا - بلجيكا - تركيا - ودبي أكيد فوق 15
مره هذا الي قدرت حالياً أذكرها
أي من الدول تود أن تزورها ؟
والله ودي ألف الولايات المتحده الأمريكية ما رحت إلا لوس أنجليس
و على السريع ،، لا أنا ودي أخذ جوله في أمريكا كلها
وخصوصاً هوليود
موقف محرج حصل لك على متن السفر ؟
في السفر ،،، والله هذه للحين أتذكرها وأتذكر أبوي شلون قفل علي
بسببها لأني خسرته وايد وايد بمعنى الكلمة ،،
كنا في باريس في إحدى الفنادق و الوالد بارك الله فيه ،، أقول له
يا يبا خلني أنزل البرجه أروح أسبح أستانس يقول لي لا لا ما يحتاي
الليلة طالعين من الفندق لأن كنا إحنا يومين في الفندق وبعدها ناقلين على والت ديزني الفندق الثاني ، ، فـ حاولت لكن ما رضى
ويتعذر بالزحمه بعد وإن البرجه فيها مناظر مب زينه ،، وقتها كنت
15 سنة ما أدري بداية 16 قبل سنتين من الحين و ما وافق إني أنزل
قلت له يبا ولدك كبر بغمض عيوني وبسبح ،، قال خلاص لاتحن
خلصنا من الموضوع ،، تضايقت بعدين إكتشفت شغله في الغرفة
فوق ، حمام الغرفة عزك الله في سداده البانيو ،، يات لي فكره
وأنا متحمس وخاطري بالسباحة ،، قمت سديت فتحه البانيو وشغلت
الماي وخليته ينترس حده وما تشوفني إلا أنا طاب فيه مستمتع والله
البانيو كبير تهيأ لي مثل البرجه ماي وقاعد أسبح
الحين المشكلة مو هني ،، المشكلة ما كنت أدري إن مافي تصريف
في الأرض نفسها مالت الحمام عزك الله والماي قاعد يطلع من البانيو ( الحوض ) وفجاءة أسمع باب الحمام ينطق بالقوة وإلا أخوي
يقول لي الغرفة إغرقت حسبي الله عليك ،،،، قلت له شنو ،، رد قال
الماي الماي وصل الغرفة ،، الغرفة كلها ماي الزوليه ( السجاد ) كله
ماي ،،، سكرت الدش وفتحت السداده بسرعة وتنشفت وطلعت من
الحمام لكن شنو شفت قسم بالله السجاد رجلك تغوص فيه من كثر الماي ،،، الغرف الفرنسية طبيعتها السجاد فيها خفيف والحمامات
عز الله السامع ،، لايوجد تصريف في الأرض لان التصريف في مكانين
الباينو للـ الإستحمام وأعزكم الله السيفون فـ ماتخيلت حجم الكارثة
الي أنا فيها ،، على طول الوالد يجي قسم بالله ذاك الكف الي لون وجهي للحين أتذكر ،، الغرفة ماي الممر الي جدام الغرفة ماي
دفع أبوي ثمن غرفة غيرها لين الليل وثمن السجاد الفرنسي في الغرفة وياروح ما بعدك روح ^_^ إنحرجنا مع الفندق وإنحرجت من
أبوي
موقف محرج حصل لك في غير السفر ؟
ما أتذكر والله
أطرف نكتة لديك ؟
أسف والله ما عندي
ماذا تحب من الفواكة ؟
الفراولة والمانجو
ماذا تحب من الألوان ؟ 
الحين بيقول العنابي
لا والله البنفسجي الي دايماً أكتب ردودي فيه
أحب البنفسجي لـ أسباب كثيره منها مريح للعين ولي شخصياً
قدر الله لك وصرت مدير للخطوط السعودية فماذا ستفعل ؟؟
1- تكوين إدارة جديدة ،،، بكل المقاييس وتبديل كل الموظفين
بموظفين جدد من العالم والمملكة أنا أحددهم
طبعاً التبديل يشمل أصغر عامل إلى أعلى منصب تحتي
2- من وجهة نظري تغيير صبغة الخطوط السعودية وشعارها
وتحويله إلى شعار وصبغه أقرب إلى العالميه
3- تجديد إسطول الشركة بـ إلغاء الطائرات الي عمرها فوق 14 سنة
وطلب طائرات جديدة من بوينج وإيرباص
4- قدر المستطاع طلب لمشاركة الخطوط السعودية في بعض
المعارض والإعلانات
5- التعاقد مع شركة الترفيه على متن الطائرات بوضع نظام ترفيهي
لجميع طائرات الإسطول في السعودية بدون إستثناء
6- إلغاء الرحلات الداخلية في الخطوط السعودية والتركيز على
الرحلات الدولية
وغيرها طبعاً ذكرت لك المهم من وجهة نظري ولا السعودية
يبيلها رفرش كامل
<< لو قلت القطرية وش بتسوي يعني ما شاء الله الكل في الكل القطرية >>
للـ أسف ما راح أقدر أسوي شي لأني مستحيل أوصل مستوى إدارة
أكبر الباكر للقطـرية
هل سبق وأن أديت فريضة الحج أو العمرة ؟
نعم الحمد لله ( العمرة )
لو أعطيناك عشر باقات ورد لمن ستهديها ؟؟
1- سمو الأمير حمد بن خليفة الله يحفظه
2- الوالد
3- الوالده
4- أخوي
5- إنسان ذوق
6- رفيجي محمد العزيز على قلبي
7- وجه الخير
8- أكبر الباكر
9- إختي الصغيره
10- شخص بدون ذكر إسمه إفتقدته لما مات
هل تحب السفر عن طريق الجو او البر ؟
لا الجو أكثر
اذا ما حصل لك حجز لمنطقة قريبة أقل من 1000 كيلو هل هل ستجلس في البيت او تسافر بر ؟
مافهمت السؤال !
ما نوع سيارتك ؟ والموديل ؟
إنفينتي FX 2007
اذا لم يكن لديك سيارة فما السيارة التي تود شراءها ؟
كم مرة تسافر في السنة ؟
على حسب المزاج و الوالد
هل انت تقبل ان ينتقدك شخص ما ؟؟
بكل تأكيد يمكن أتعلم من النقد لكن بدون تجريح
هل ترى نفسك متواضع ؟
الحمد لله
طيب جدا ؟
هذا الي أتمناه ما يختفي من شخصيتي
حنون ورؤوف ؟
جداً مع الي يستحقون
تحب التملك ؟
لا والله بالعكس
عصبي ؟
أبداً
مغرور ؟
أعوذ بالله
اجلس وتكي على الاسألة هذي هههههه 
إستمتعت بـ الأسئلة وايد والله