iهاي ياجماعة ازيكوا وايه اخباركوا
هو محدش راح امارتس اوبن داي ولا ايه؟؟طمنوني حدربنا حققلوا حلموا
طب بلاش دي حد راح الاوبن داي بتاع القطرية اللي كان في شرم الشيخ
حد يطمني الله يخلكم
انا وصلت الفندق الساعه 8:30 الصبح لاقيت الشباب و البنات راجعين...استغربت قولت هوه فى ايه؟ قالولى اليوم اتكنسل و اتأجل لشهر سته.
لاقيت نفسى احبط جدا لانى كنت مسافر و مكنتش نمت من امبارح, مبقتش مصدق قولت اروح و اسأل بنفسى, لاقيت برضه نفس الرد. وقفت شويه و اتعرفت على شويه شباب هناك اودام الفندق. جت الساعه 10 الا ربع كده و لاقيت السيكيروتى طالع بيقولنا يا جماعه ادخلوا الامراتيه هتبدأ الاوبن داى.. قولت يا ده بجد و بيشتغلونا ؟ الصراحه مكنتش اتوقع حاجه زى دى تحصل من شركه كبيرة و محترمه زى الاميراتيه انها تكنسل اليوم من غير متعمل نوتيفيكاشن او اى اعتزار على الويب سايت. المهم دخلنا طبعا العدد كان قليل يعنى حوالى 1000 متقدم.
طبعا زى الطبيعى سلمت السى فى و اتسألت سؤالين كده. انت شغال ايه و ليه عاوز تسيب الوظيفه بتاعتك ؟
بجد كان نفسى لو معايا تيليفونات الشباب الى مشى كنت اتصلت بيهم يرجعوا...بس يلا كل شئ نصيب.
انا كده عرفت انى متقبلتش لانهم متصلوش بيا لحد دلوقتى....
كله خير انشاء الله, اتمنى اللى راح يعرفنا عمل ايه.
محمد كمال