السلام عليكم ورحمه الله وبركاته
اسعـد الله صباحكم / مساءكم ..
اخواني حبيت ادخل بالموضوع واخذ ارائكم و ولدي بعض الاساله التي تدور بداخلي ولم اجد لها اجابه ..
اتمنى منكم مساعدتي وتوجيهي للطريق السليم ..
راح اكتب الي بداخلي في نقاط واتمنى من الكل واهل المعرفه التعقب عليها ..
طبعا تخصصي حاسب الي ( نظم معلومات ) بكالوريس
اولا : انا قدمت على هيئه الطيران المدني واتصلوا علي وسويت مقابله ورجعوا واتصلوا علي امس وقالو لي لقد تم ترشيحك لوظيفه عندنا بس باقي لك تزكيه امنيه نسويها السؤوال هنا هل بعد هذا الكلام ضمت الوظيفه بعد الله وتم قبولي بعد عمل تزكيه او لا ...؟
ثانيا : قالو لي الوظيفه راح تكون على جدول الرحلات ... السؤوال شنو افضل وظيفه جدول الرحلات او عمليات الطيران مدري المطار ..؟ وشنو الفرق وهل فيها زياده راتب او لا ..؟
ثالثا : الدرجه التي راح اكون عليها هي 43 ماعنـدي خبر كم راح يكون الراتب اذا انا كنت بهذه الدرجه وهل هذه الدرجه هي المستحقه لشهادتي او استاهل اكثر او اقل ..؟ وفي كل الاحوال انا راضي تمام الرضى باللي كاتبه الله ..؟
رابعا : يقول الدوام شفتات ..؟ يعني اسبوع واسبوع .. او يوم ويوم .. والاوف تبع الاسبوع محدد او ثابت خميس وجمعه ..؟
خامسا : ممكن اعرف راتب الهئيه في هذي الدرجه والبدلات وبدل السكن .. الخ .. ؟ والعلاوه السنويه ..؟ والبونس << مدري شنو المقصد فيه ..؟
سادسا : هل استطيع تغيير تخصصي مثلا من جدول الرحلات الى عمليات الطيران بعد مباشره العمل ام اكون ثابت ..؟
اتمنى منكم الاجابه وتوجيهي للطريق السليم ..
ولكم مني ولاخواني الاجر والثواب .. واتمنى لكم التوفيق ..
اخوكم / سراب
هلا بيك أخي الفاضل
أنا كنت في الطيران المدني قبل ماتصير هيئة ومن خبرتي
1 - أنه تم قبولك في الوظيفة وينتظروا ظهور نتيجة التزكية الأمنية ويتم بعدها تعينك .
2 - عمليات الطيران أفضل شغلها كثير بس فيها علاقات مع الشركات ومستقبل أفضل
وجدولة الرحلات في المطار تابعة للعمليات المطار أو في النفل الجوي في جدة.
3 - الدرجة 43 هي الدرجة اللي يتعين عليها الجامعيين في الهيئة وتوازي المرتبة السابعة في ديوان الخدمة .
4 - الدوام في العمليات ورديات وهي بالاسبوع والراحة يومين أو ثلاثة وأكيد الخميس والجمعة عمل حسب الوردية .
5 - الراتب تقريبآ يبدأ من 8000 ريال وفي بدلات وعلاوات واللي أعرفه ان بدل السكن لم يصرف للموظفين ولسه الهيئة قرارها جديد وفيها تغيرات للأفضل طبعآ والمقصود بالبونص العلاوة .
6 - ماني متأكد من انك تقدر تغير من جدولة الرحلات واذا كانت جدولة الرحلات في المطار فهي تابعة للعمليلت اما اذا كانت الي في النقل الجوي في جدة فهي ايضا جيدة وعلاقات وخبرة مع الشركات.
طبعا فيه سلم للرواتب وعلاوات سنوية جديد
بالتوفيق ان شاء الله أخي الفاضل وعمومآ الوظيفة جيدة وخطوة طيبة لاكتساب الخبرة
وبعدين ممكن تغير للأفضل لو ما عجبك الوضع.