[korongo]

بسم الله
كانت هذه السنه من اكثر سنين حياتي العشرين سفرا سافرت الى بلدين في ظرف شهرين ولعل هذا كان سبب انقطاعي عن دخول المنتدى وكل هذه السفرات كانت على متن خطوط بلدى الحبيبه الخطوط الجويه العربيه السعودية, كانت السفرة الاولى الى جاكرتا ..معليش يا جماعة من هنا بكتب بالعاميه ذخيرتي اللغوية كلها طلعتها في المقدمه فصله مالها داعي صح؟ المهم زي ما قلنا السفرة الاولى كانت الى جاكرتا وكتبت هنا في المنتدى سوال عن وضع طائرة البوينج 300-747 والجماعة ما شاء الله ما قصرو اللي يشتم فيها واللي يشتم في الخطوط واللي واللي ..... انا سافرت عليها وكانت الرحلة متعبة فعلا لكن زي ما قلت في الموضوع "شهادتي لله " انا كان الوالد حاجز درجة اولى وكانت درجة اولى لا تختلف كثيرا من الدرجة السياحية الى من ناحية مساحة الكرسي والخدمة لكن الخدمات وشهادتي لله كانت جيدة بعدين الطائرة ثابته فعلا في الجو والاقلاع والهبوط ما تحس فيه من جد
* السفرة الثانية كانت من الدمام للرياض وكانت الطائرة a320 وفعلا الرحلة هذه كانت من امتع الرحلات في حياتي مع انه زمن الرحلة كان 45 دقيقة وحاجز على الدرجة السياحية لكن الرحلة لا يعلى عليها المظيفين على درجة كبيرة من الرقي في التعامل ووزعو علينا حلاوة العيد كمان...... الرحلة هذي طمنتني على انو الخطوط السعودية عائدة وبقوة ان شاء الله.
*السفرة الثالثة انا ما كنت مخططلها ولا كنت متوقعها الصراحة جات فجأة كان زواج واحد من اعز اصدقائنا هنا في الدمام كان خوينا من السودان وكان زواجة في السودان الشقيق اخوي كان بيروح لحالة نسبة لظروف عمل الوالد وكذا قرر اخوي انه يروح السودان لحالة وسالنا ربعنا السودانيين هنا عن التاشيرة قالو لازم من السفارة في الرياض يوم جا اخوي بسافر الرياض بيسوي التاشيرة قلتله بروح معاك فعلا ركبنا القطار وصلنا الرياض وسوينا التاشيرة له ولي وقررت اني اروح معاه..... حجزنا وكان الحجز من الدمام للخرطوم عن طريق الرياض .مالكم بالطويلة جا يوم سفرنا رحنا المطار وركبنا الطيارة وكانت a320 والرحلة هذي نفس الرحلة اللي كاتبها انا فوق رحلة الاحلام صراحة من الدمام للرياض وصلنا الرياض الساعة 8 صباحا وكانت الرحلة للخرطوم الساعة 10 صباحا الساعتين مرت بسرعة سواليف وظحك انا واخوي بالمناسبة اخوي هذا سافرت معاه مرة وحدة برة السعودية رحنا لندن وصارلنا موقف عجيب غريب كتبته هنا في المنتدى بعنوان موقف طريف صارلي على الخطوط القطرية ..... نرجع حق موضوعنا فعلا تم النداء على رحلة الخرطوم بالمناسبة نوع الطيارة 300-747 يا سبحان الله نفس الطيارة اللي رحت فيها جاكرتا قبل اسبوعين بس الفرق انه هنا على الدرجة السياحية المهم ركبنا الطيارة وكانت مقاعدنا في الطابق العلوي جلسنا في مقاعدنا وكل شي اوكي وكنت مستانس لانه غرفة الطيار كان يمديني اشوفها, شوي وحنا جالسين جا المظيف وقال بتنزلون تحت بيني وبينكم قلت في نفسي ""بدينا في مشاكل الخطوط السعودية" يوم سالناه عن السبب قال الطابق العلوي ما فيه خدمات !!!!! المهم نزلنا اخذانا كراسينا وانا كنت في جهة واخوي في جهة وبالمناسبة الطيار بعد طلع من السودان اسمه "عبدالعظيم بابكر" تقريبا ..... الرحلة هذي انا اصنفها من الرحلات الهادية مرة يعني اقلاع وهبوط ممتازين الخدمات وهنا شهادتي لله كانت ممتازة "جرايد وجبات ممتازة الطاقم اعطية 10/10 كان في واحد من الشباب المظيفين ما شاء الله عليه الابتسامه ما تفارق وجهه ابدا حتى لما جا المظيف يقولنا بتنزلون تحت قالها بكل احترام ورقي.

اللي ابغا اقولة في النهاية يا جماعة السب والقدح والشتم في الخطوط ماله داعي صراحة وانا قلتها لكم شهادتي لله ثم لله ثم لله انه الخطوط فعلا في تحسن واذا كانت هناك بعض التجاوزات الفردية فهذه التجاوزات قد تجدها في اي مكان في العالم. والسلام