|
ذبحنا الحر شغلو المكيف
..
شفتوا العنوان ... ودي افضفض واتمنى اخواتي كلامي يلامس شغاف قلوبكن او باالاصح قلوبنا الغافله ...!! وكرما لاامرا تقرون موضوعي لاخر حرف >> الي ماعندها وقت ترجعله متى مافضت احيانا تجيني لحظات اكره الدنيا واستحقرها وفعلا ايقن يقين تام انها لاتساوي جناح باعوضه .. وان كل ذنب نقترفه او سيئه نكتسبها تكون سببها حب الدنيا والجري وراء ملذاتها ... الناس ملهوفه على الحياه بشكل من طلعات وروحات ولبس وجمعات وزوج وخطيب وصديقات ونوم واكل وعمل وجمع ماال ... باختصار ........ يجرون ورى الدنيا والعمر يجري بهم . اعرف انها فطرة في الانسان وشيء طبيعي كل هاالامور .. وان الانسان جبل على حب الشهوات والملذات.. بس حنا ماخلقنا لكل هذا ..!! خلقنا لشيء عظيم شيء البعض منا غافل عنه ..خلقنا للعباده.. والتزود من هذه الدنيا للآخره ( وماخلقت الجن والانس الا ليعبدون ) بعض الناس نظرتهم قاصره على الدنيا ولاينظرون لابعد من ذالك... يرون الحياة. العمل. المتعة واللذة. بناء الحضارة. أو الصراع من أجل الأحسن ! فقط .. طيب تمتعتوا باالحياه واشبعتوا انفسكم الطماعه... هل فكرتم باالموت والي بعد الموت ..؟؟ فكرتوا في المرض يمكن يداهم اي واحد في اي لحظه .. !! طبعا الانسان ضعيف جدا اذا حس باالمرض عاف الدنيا ومافيها وصار ينظر للدنيا من ثقب ابره .. تصير ضيقه بعينه تضيق به الارض بما رحبت وعن تجربه والله بقولكم شيء بس خلووووه سر بيننا احيان تجيني حالات المهم تجيني حالات اذا دخلت الحمام مااولع اللمبه على طووووووول اجلس يمكن عشر دقايق او اكثر شوي واجلس افكر واتخيل القبر وامي تهاوشني تقووووول انتي مجنونه الحمام سكن بسم الله علينا مالقيتي تختبرين ايمانك الا في هاالمكان االمهم اتخيل كيف مكان واسع ومااتحمل الظلمه فيه لدقائق ......!! طيب وش تعرفين عن القبر وضمته وظلمته ....... بقولك هاالمعلومه بس عن ضمة القبر روت عائشة رضي الله عنها ان الرسول عليه الصلاة والسلام قال : (ان للقبر لضمة لو كان احد منها ناجياً لكان سعد بن معاذ ) وقال الرسول عليه الصلاة والسلام لام سعد: (الا يرقأ دمعك ويذهب حزنك ان ابنك اول من ضحك الله له واهتز له العرش ) هذا سعد اول من ضحك له الله واهتز له العرش ماسلم من ضمة القبر فما حالنا نحن الضعفاء ..يارب ترحمنا ياكريم وفيه مواقف دايما تذكرني باالقبر والحساب ونارجهنم ..!! ـ احيانا اذا طفى الكهرب لثواني لدقائق لنفترض ساعات تجينا حالات استنفار الي يشغل شمعات والي يشغل انوار الجوالات والي يشغل فانوس لانهم مايطيقون الجلوس في الظلمه مستوحشين المكان مع انه البيت كبييير وواسع وفيه حوش وفيه وفيه بس مو طايقين الظلمه ..... !! طيب وين نروح من ظلمة القبر وضيقه .. القبر مافيه نور نهائي ووسعه مايجي مترين والله العالم كم بنجلس فيه من دهر ـ نقطه ثانيه دايما اسمع او اقرآ مستحيييل اجلس او انام بدون مكيف في عز الحر هذا ..؟ ومستحيل اطلع مشوار مع الحر هذا .. لاااا ياربي مااتحمل والله .. طيب وش حالنا مع حر جهنم ..؟ حر الشمس وهي تدنوا من رووس العباد يوم القيامه .. حر الدنيا وشدته من فيح جهنم ويدل على عظمة الله وشدة بطشه وغضبه على عباده ... قال الله تعالى ( وقالوا لا تنفروا في الحر قل نار جهنم أشد حرا لو كانوا يفقهون ) ـ امر آخر .. احيان اذا جيت اسوي لي كوب شاي او اي شيء.. تلسع النار يدي او اصبعي لسعه على الطاير بس تعالوا شوفوني احس وكآن جسمي كله محترق حالة استنفار ايضا احط عليها ثلج او شوية معجون اسنان الين يهدآ الالم شوي .. او احيان باالغلط افك صنبور المار الحار ويحرق يدي واسحبها بسرعه من شدة الالم وهي بس ثواني.. طيب لسعتنا النار والماء الحار ثواني بس او اقل ولم نحتمل ..! ماحالنا مع نار جهنم ..!! قال النبي صلى الله عليه وسلم (ان ناركم هذه جزء من سبعين جزءاً من نار جهنم)... اما طاقة احتمالها .. قال تعالى ((يَوْمَ نَقُولُ لِجَهَنَّمَ هَلْ امْتَلَأْتِ وَتَقُولُ هَلْ مِنْ مَزِيد).. اشياء واشياء غافلين عنها - افتتنا بالدنيا وانشغلنا بشهواتها والامر المخيف الذي قرره الله تعالى في كتابه ان الكثرة الكاثرة من الخلق غافلة، قال تعالى ((وَلَكِنَّ أَكْثَرَ النَّاسِ لا يَعْلَمُونَ يَعْلَمُونَ ظَاهِرًا مِنْ الْحَيَاةِ الدُّنْيَا وَهُمْ عَنْ الآخِرَةِ هُمْ غَافِلُونَ)). اي ان قلوبهم باارادتهم توجهت إلى الدنيا وشهواتها.. فعملت لها وغفلت عن الآخرة ... فلا تشتاق إلى الجنة ولا تخشى النار، وهذا علامة الشقاء وعنوان الغفلة.,,!! متى نصحى ونستحقر هذه الدنيا ونتزود للآخره فان خير الزاد التقوى .. متى نقلع عن الذنوب التي اثقلت كاهلنا .. وجلبت لنا الهموم والكرب .. !! متى نسيطر على انفسنا الاماره باالسوء ونكبح جماحها ..ونقيدها .. متى نآخذ من الدنيا مايشبعنا ويكفينا دون الطمع والجشع في ملذاتها وحمل ذنوب نحن في غنى عنها .. متى تصحى ضمائرنا وقلوبنا الغافله متى ........!! قمت الصباح وسويت لي كوب شاهي وكنت متضايقه نوعا ما .. وطلع معي هذا الكلام تسني ارتحت شوي يومني طلعته متآكده ان يجيكم نفس تفكيري هذا بس مشكلتنا نكابر ونشغل انفسنا باي شيء اذا جانا هاالتفكير علشان ننساه ومانتمعن فيه ..! لانه يتعبنا او لانه شيء اكبر من طاقة تفكيرنا او شيء مخيف بمجرد مانفكر فيه.. او ...الخ ابليس لعنة الله عليه محيط بنا من كل جانب .. يتربص لنا مايبغانا نحاسب انفسنا ونوبخها ..اعوذ بالله منه .. على العموم اخواتي اوصيكن ونفسي بذكر الله مادمتي قائمه او قاعده .. اجعلي لسانك رطب بذكر الله .. والاستغفار ثم الاستغفار ثم الاستغفار قال الله تعالى "والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله ولم يصروا على ما فعلوا وهم يعلمون" قال رسول الله صلى الله عليه وسلم "من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب" قال تعالى: "فقلت استغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكم أنهارا" واوصيكن باالابتعاد عن الذنوب .. جاهدن انفسكن فجهاد النفس يعتبر من افضل انواع الجهاد في سبيل الله .. التزمن باالطاعات ومايقرب الى الله من قول او عمل .. ابتعدن عما يغضب الله من قول او عمل .. وملاحظه شيء وشيء مهم بعد ... ان الوحده فينا اذا صلت الفروض في اوقاتها ودعت واستغفرت اكتفت بذالك..! وهكذا عايشه حياتها على هاالنمط ..!! وكآنها مسويه انجاز.. او .. كآن ماعندها ذنوب تحتاج تكفير ...!! طيب وين التزود باالاعمال الاخرى من السنن والنوافل ..؟؟ عن أبي هريرة رضي الله عنه وأرضاه قال: قال رسول الله صلى الله عليه وسلم: {قال الله تبارك وتعالى: من عادى لي ولياً فقد آذنته بالحرب، وما تقرب عبدي إليَّ بأحب مما افترضته عليه، ولا يزال عبدي يتقرب إلي بالنوافل حتى أحبه، فإذا أحببته كنت سمعه الذي يسمع به، وبصره الذي يبصر به، ويده التي يبطش بها، ورجله التي يمشي بها، ولئن سألني لأعطينه ولئن استعاذني لأعيذنه } متفق عليه. وين قيام الليل حتى لو ركعتين .... !! وين صلاة الضحى اذا كنتي صاحيه بس جالسه على النت ماعندك شيء .... وين السنن الرواتب وقد وعد الله من التزم بها وصلاها ان يبني له بيت في الجنه.. قوله صلى الله عليه وسلم (من صلى في اليوم والليلة اثني عشر ركعة تطوعاً بنى الله له بيتاً فى الجنة) وين قراءة القرآن ..؟ لو حتى نصف جزء في اليوم ( خمس صفحات على الاقل ) ... وين صيام الاثنين والخميس..؟ على الاقل اسبوع صيام فيه . واسبوع راحه ... وين الصدقه لو كل اسبوع تطلعين لك مبلغ بسيط لو ريال كل يوم وتجمعين في حصاله مبلغ محترم وتعطينه عائله محتاجه ( لا تحقرن من المعروف شيئا ) والصدقه حتى ولو بشق تمره ..!! وشوي شوي الين تعودين نفسك على النوافل والمداومه عليها ... وتتزودين منها اكثر واكثر نقطه اخيره للتذكير فقط .. !! والله ثم والله اننا في نعمه لم نقدر ثمنها ولم نشكر الله حق شكره نعم الله علينا لاتعد ولاتحصى من امن وامان وصحه وعافيه وراحه من اكل وشرب ومسكن وزوج واطفال ومال و.. الخ اذا جعنا اكلنا .. واذا ظمينا شربنا .. واذا تعبنا نمنا ... واذا جاء مناسبه اشترينا الي نبغاه ونفسنا فيه .. اهلنا وازواجنا حوالينا ماعندنا حروب ولا ويلات .. الخ ومع هذا مقصرين في جنب الله مقصرين في شكر الله ......!! ( ولئن شكرتم لازيدنكم ) والله الذي لااله الا هو اني احيانا وانا جالسه اكل اتذكر الفقراء المساكين فتقف اللقمه في حلقي واشعر بغصه .. نحن نىآكل مانشتهيه ونجلس امام انواع الاصناف مالذ وطاب منها .. وهناك من يتضور من الجوع لايجدون مايسد رمقهم واحمد لله اني اشعر بذالك الشعور ...! لانه يعتبر تنبيه لي لكي استشعر وادرك عظم ماانا فيه من نعمه فاابادر بشكر الله وحمده ..!! اخواتي الغاليات هذا الكلام والله موجهته لنفسي قبل مااوجه لكن اخواتي .. فوالله ماانزه نفسي فعلي من الذنوب ماالله به عليم ..وظلمت نفسي كثيرا فان لم يشملني الله بعفوه ويرحمني ويغفر لي لاكونن من الخاسرين .. انتهى كلامي .. ولكن لن ينتهي تفكيري بحالنا ومصيرنا وهذه الدنيا الحقيره التي آغرتنا ...!! اللهم قنا شر انفسنا وتبنا علينا ... ولاتجعلنا من الغافلين يارب.. كلامي مو مرتب لكني قلت لكم فضفضه .. واتمنى تقبلون فضفضتي المتواضعه |
رد: ذبحنا الحر شغلو المكيف
تسلمى والله على الكلام الأكثر من رائع تقبلى تحياتى |
رد: ذبحنا الحر شغلو المكيف
|
رد: ذبحنا الحر شغلو المكيف
اوكه اسمحي لي اقول رايي بصراحه وبدون زعل
اذا بتروحي تقولي هل جمله لأي دكتور تجيني حالات اذا دخلت الحمام مااولع اللمبه على طووووووول اجلس يمكن عشر دقايق او اكثر شوي واجلس افكر واتخيل القبر بيقول لك انتي مريضه نفسيا وحالتك حرجه فعلا ويمكن تحتاجين لسنتين علاج انا مو دكتور نفسي بس ولله الحمد قرأت كم كتاب عن علم النفس وقدر اقولك انك مريضه نفسيا وش هل كئابه الي في موضوعك وانا جالس اقرى حسيت اني بموت بعد 5 دقايق او القيامه بتقوم بكرا بعدين انت تكلمتي في موضوعك عن السنن سنن تدرين وش يعني سنن حسب تعريفها الي كان يتكرر علينا 16 مره على الاقل في كل سنه بلمدرسه يثاب فاعلها ولا يعاقب تاركها بعباره اخرى مب لازم الواحد يسويها حتى الرسول نفسه ماغصب احد على السنن فما ادري ليش انتم تغصبون انفسكم فلا تحاولون تغصبون نفسكم او تغصبون الناس على الدين كل شي ممكن يجي بلغصب الا الدين اتوقع بعدين انا في شي ما فهمته اذا انتي مسلمه وتقيه ومؤمنه الخ ... وحاسه انك بتدخلين الجنه وش دخلك في الناس خلي الناس براحتها يا اخي كل واحد يسوي الي يريحه انا بسئلك سؤال اذا الله جا بيحاسب الناس بيحاسبهم واحد واحد ولا بيحاسبهم جماعات ولا بيحاسبهم كلهم مره وحده اتوقع ان الجواب كل واحد لحاله في هل حاله انتي وش بيضرك لو جارك في حياته ما دخل مسجد بتتأثرين بشي ؟ اتوقع لا يعني بتغصبون الناس على الدين ؟ مابتقدرون فا كل واحد يخليه في نفسه لأني اتوقع ان كل واحد عنده مشاكله الي تكفيه فمو ناقص يتحمل مشاكل الناس بعدين جيتي تكلمتي عن الفقراء والمساكين وكأنك تبين العالم كله بدون اي فقير وهذا شي مستحيل واتوقع انه مسلم فيه يعني وما يحتاج توضيح ارجع وقولك نفس السؤال انتي وش دخلك فيهم ؟ انتي الي تسببتي بفقرهم ؟ انتي الي افتعلتي الحروب الي عندهم ؟ اذا هذا شي مالك يد فيه فليش تتعبي نفسك في التفكير فيه اذا بقيتي على هل حال بتجيكي يوم سكته قلبيه او جلطه وتموتين او تقعدين مشلوله وساعتها خل الفقراء بنفعونك في النهايه نصيحتي لكل واحد كل واحد يشتغل لنفسه الي يظن ان السعاده بتتحقق له في الدين حتى لو قضي كل عمره بلمساجد مارح ادخل واعترض عليه ولا احد رح يجي ويتدخل لأنه هو حر بنفسه في هل حاله ولي يظن ان السعاده بتتحق له بجمع لفلوس حتى لو قضى كل عمره يشتغل ويجمع فلوس مارح ادخل او اعترض واتمنى ان ما احد يتدخل فيه لأن كل واحد حر |
رد: ذبحنا الحر شغلو المكيف
اقتباس:
اخي المحترم .. مافيها مشكلة لو تنصح ... بعدين انت تتكلم وكأنها موجهه الكلام لك بالذات.. الكلام هذا قرأه الملايين يا اخي في منهم اتعظو وفيه منهم رمى فيه بعرض الحيط .... وترا يا اخي الكريم ديننا ( الدين النصيحة ) عن تميم بن أوس الداري أن النبي v قال ( الدين النصيحة ثلاثا قلنا لمن يا رسول الله قال لله ولكتابه ولرسوله ولأئمة المسلمين وعامتهم ) رواه مسلم. هذا الحديث أصل عظيم في وجوب النصيحة وبيان فضلها ومنزلتها في الدين وذكر مجالاتها. قال محمد بن أسلم " هذا الحديث أحد أرباع الدين " وقد ورد في السنة أحاديث عامة في النصح لكل مسلم وأحاديث خاصة في النصح لولاة الأمور ونصحهم لرعاياهم . وعلى كل حال الاخت الكريمة قالت : كرما ولا امرا اقرأو ... يعني بدل م تقول هالكلام ... خليك جينتل شويا ,,,, و رد وقول / جزاك الله خير ويعطيك العافية .. او .. لا ترد من الاساس ... واخرج من الموضوع من دون ما تقول هالكلام .! =-=-=-=-=-=-= اختي الكريمة رباب المغربية جزاك الله الف خير على النقل وجعله الله في ميزان حسناتك ... الله يكون بعون الجميع .,.. شكرا لك :ANSmile04: ------ |
رد: ذبحنا الحر شغلو المكيف
اقتباس:
و نحن خُلقنا من أجل العبــــاده قال تعالى: {وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ }الذاريات56 كلامك ما له أي داعي بالمره لو ما رديت كان أفضل يا أخي الكريم أستغفر الله العظيم أول مره أشوف واحد يزعل من موضوع فيه دعوه للخيــر يأ أخي الكريم تذكر بأنه يوم من الأيام ستشهد عليك أصابعك بأنك كتبت تعترض على الدعوه للخير وحث الناس عليها مدري ليه شكلك معتقد إن الكلام موجه ومكتوب ومطروح لك شخصياً وبالأسم !!!. --------- أختي الكريمة رباب الله يوفقك ويعينك ويسعد أيامك يارب |
رد: ذبحنا الحر شغلو المكيف
انا مو زعلان بس
الي كاتب الموضوع هذا مريض نفسيا كونه يدخل الحمام ويطفي النور ويجلس يتخيل القبر هذا انسان مو طبيعي ولازم يلحق نفسه بأقرب دكتور انسان يبي يجيب لنفسه هم من تحت الارض وبيخلي حياته وحياة الي حوله عباره عن جحيم فأنا حبيت انصحه بس مو اكثر انا اقوله الصراحه وما رح اكذب عليه وقوله مشكور وجزاك الله خير وطلع حبيت اقوله عيوبه الي شفتها فيه فقط عشان يستفيد ويحاول يصلحها وانا عن نفسي بلعكس دائما احب الناس الي ينتقدوني عشان لو كان فيني شي غلط فعلا احاول اصلحه بعدين انا عارف ان الكلام هذا مو موجه لي انا شخصيا هو موجه لكل الي في المنتدى وكل واحد المفروض يبدي في رأيه |
| الساعة الآن 11:30 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
