|
استفسار بخصوص المضيفه الارضيه ياريت حد من مصر للطيران يفيدنى لوسمحتم
السلام عليكم
انا عضوه جديده وكنت متابعه المنتدى الجميل ده من فتره ودى اول مشاركه ليا انا بس عايزه استفسر عن حاجه ومعلش استحملونى شويه بالنسبه للمضيفه الارضيه انا دورت فى المنتدى على المواصفات المطلوبه ليها زى مثلا اللغه او الكورسات والحجات دى ملقتش فلو حد يعرف يفدنى هكون متشكره اوى وهل فى مصر للطيران اللى تشتغل مضيفه ارضى لازم تكون الاول عندها خبره او مثلا كانت فى الضيافه الجوى ولا عادى ممكن واحده جديده تتقدم ليهم وايه هيا اختصاصات الضيافه الارضيه بالظبط بالظبط معلش نا عارفه انى طولت عليكم بس ياريت حد يفدنى لانى حلم عمرى اشتغل مضيفه كان نفسى اكون جوى بس الحجاب وانا مش هينفع اشتغل مضيفه جوى فشركه عربيه علشان سعتها هستقر بره مصر فالمضيفه الارضى وظيفه كويسه على الاقل هكون قريبه من المجال اللى بحبه وشكرا كمان مره |
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
وعليكم السلام ورحمه الله وبركاته اهلا وسهلا بيكي يا اختي معنا بالنسبه لسؤالك لا مش شرط في الضيافه الارضيه خالص انك تكوني كنتي مضيفه جويه او ليكي خبره قبل كده هو اكيد يفضل لو في خبره بس مش شرط ولا حاجه وادخلي عالرابط ده هيفيدك ان شاء الله وفي رد على باقي الاسئلة بتاعتك https://www.flyingway.com/vb/showthread.php?t=53055 بالتوفيق لك |
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
شكرا اوى ليكى
بس هو مفيش اى شروط تانيه غير اجاده انظمه الحجز يعنى المضيفه الجوى بيطلبوا منها اجاده لغه او اكثر والطوا كذا والوزن كذا طب الشروط دى برضه على المضيفه الارضيه ولا ايه معلش استحملينى شويه لان انا المعلومات عندى مشوشه شويه ومتلخطبه وانا المفروض اخد كورس مصر للطيران ولا الكورس ده لموظف الحجز بس |
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
ولا يهمك يا قمر بصي اللغه دي اساسي في اي شغل يعني لازم يكون الانجلش بتاعك كويس سواء كنتي مضيفه جويه او ارضيه ويفضل طبعا لو في لغه تانيه بس الاساسي هو الانجلش لازم يكون بيرفكت بالنسبه للطول والوزن اظن ان يكونوا متناسقين وعامه انا هتاكد لك برضه هما بيخدو الطول من كام بس عالعموم الضيافه الارضيه مش شروطها صعبه اوي زي الضيافه الجويه في مصر للطيران وبتقبل المحجبات عادي اتمنى اني اكون افادتك وربنا يوفقك ياقمر واي حاجه تانيه انا في خدمتك |
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
معلش انارخمه بس هو لازم اخد كورس مصر للطيران ولا اخد كورس اماديوس بس
طب لو لغه تانيه انى افضل ليهم |
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
لا ولايهمك خالص بصي بالنسبه لتاخدي انهي كورس الصراحه انا مش هقدر افيدك بس اظن انه الافضل انك تسالي في مصر للطيران نفسها هما هيقولوك تاخددي انهي كورس بالضبط وممكن تستني حد من الاخوة او الاخوات اللي هنا يكون يعرف ويقولك اما بالنسبه لللغة المفضلة مافيش لغة معينه بتكون ليها الاولويه الاولويه بتكون للي لغته التانيه قويه يعني لو معاكي اسباني بس بيرفكت افضل الف مره من اللي معاه فرنساوي او الماني نص نص لان الاهميه هنا بترجع لاجادتك للغة اتانيه اللي معاكي ايا كانت جنسيتها بس هو عامه في الترتيب العالمي للغات رقم واحد الانجلش بعد منه الفيرنش بعد منه الالماني يعني د عامه اظنهم اكتر 3 لغات مستخدمين في العالم ولو ليكي اي استفسار تاني انا في خدمتك |
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
انا عيزة اعرف لازم يكون معايه ثانويه ولا لا انا معايه دبلوم صنايع وبعدين اخذت معهدة ترميم اثار وحاليا فى كليه اثار ممكن كدة يقبلونى ولا لا
|
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
حد يا جماعة يسمع عن شركة اسمها المصرية لخدمات الطيران ز و ياريت اى معلومات عنها لو سمحت انا بستفاد منكم كتير شكرا لكم
|
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
بصى يا gogoo كورس الاماديوس وكورس مصر للطيران دة لحجز تزاكر طيران مش للضيافة وفيه معهد عندنا فى الاسكندرية للضيافة فى لوران بس مش عارفة سنتين اظاهر ومش شرط المعهد دة انا سمعت كدة بس كنت عايزة استفسر عن المضيفة الارضية اوراقهم ايه وشروطهم ايه واروح فين اقدم وانا زايدة 5 كيلو عن طولى هل انفع ولا لا بس حاليا بعملللللللللللللللل رجيم ربنا معااااايا
|
رد: استفسار بخصوص المضيفه الارضيه ياريت حد من مصر للطيران يفيدنى لوسمحتم
اللة يوفقك
|
| الساعة الآن 08:20 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
