انا حجنن واعرف ايه السبب؟؟؟
انا قدمت فى مصر للطيران اير لاينز وللاسف سقط ونفسى اعرف ايه السبب؟؟عشان اصلحه و اقدم تانى لاني بعشق الطيران و السفر ونفسى ابقى مضيفة انا عمرى 22 سنه و اتخرجت من المعهد العالى للفنون المسرحية وكنت بمدارس لغات يعنى الانجليش بتاعى الحمد لله قوى ومعايا لغة اسمها الهوسا ودى تانى لغة افريقيه بعد العربيه وبيتكلموا بيها نيجيريا و نيجر و غانا و تشاد و الكاميرون وباخد قرص فرنساوى وطولى 165 ووزنى 55 يعنى مظبوط زى ما هم طالبين بالظبط و الحمد لله شكلى حلو و مظهرى حلو ونجحت فى امتحان الانجليش و الحمد لله عديت الكشف الطبى وذاكرت كل دروس الضيافة و المقابلات الشخصيه وقرات الكثير عن مصر للطيران وروحت الانترفيو بالفورمال وبسبب دراستى بمعهد الفنون المسرحيه اكتسبت الثقه بالنفس و اللباقه ومكنتش خايفه فى الانترفيو خالص ولاحظت قبول اللجنه فى وجوههم لدرجة طلبو منى قص شعرى لانه طويل قوى ووافقت وجاوبت على كل الاسئله بثقه وخرجت طايره من الفرح ولما النتيجه ظهرت قالولى معلش مفيش نصيب وسالت ايه السبب عشان اصلحه و اقدم مره ثانيه قالو لى مش بيكتبوا السبب!! وعرفت بعد كده ان فى بنات وزنهم زائد والطول ناقص نجحو!! وانا حجنن واعرف ايه السبب؟؟عشان عايزه اقدم تانى . بليز محتاجه رايكم وشكرا.
|
رد: انا حجنن واعرف ايه السبب؟؟؟
يمكن مفيش نصيب ومحدش عارف النصيب فين عموما قدمي في الشركات التانيه وانتي عندك مميزات كويسه ممكن اي شركه تانيه تاخديك علي طول وربنا معاكي انشاء الله
|
رد: انا حجنن واعرف ايه السبب؟؟؟
السلام عليكم و رحمة الله وبركاته و مالك مستغربة أوي ليه كده ههههههه ... هما خدوا اللي معاهم واسطة بغض النظر عن أي حاجة تانية الكوسة متفشية الأيام دي في البلاد العربية هههههههههههه بس طبعاً إرادة ربنا فوق كل شئ و لو مكتوبة لك هتشتغليها و ربنا يوفقك إن شاء الله المرة الجاية و تقبلي خالص تحياتي |
رد: انا حجنن واعرف ايه السبب؟؟؟
للاسف اعتقد انها فعلا .... الكوسة
وفى الحاله دى تبقى مش بس كوسة .... دى كوسه بالصلصلة اعتقد يا دوللى ان مسزاتك حلوة اوى وان شاء الله تقلى فى شركة احسن تستاهلك مراد |
رد: انا حجنن واعرف ايه السبب؟؟؟
والله غريب
لكن اكيد على قولت الاخوان اللي سبقوني شكلو عندك نقص في فيتامين وااااو ( الكوسا ).. وبالتوفيق |
رد: انا حجنن واعرف ايه السبب؟؟؟
معلش يا اختي الله يعوض عليكي وانتي مؤهلاتك حلوة اوي وممكن تقدمي في اي خطوط تانيه تابعي معانا القسم وشوفي اي خطوط عربيه نازلة مصر وقدمي فيها وان شاء الله ربنا يقدم اللي فيه الخير |
رد: انا حجنن واعرف ايه السبب؟؟؟
هي الواسطه المرض المتفشي في الدول العربيه الله يعينا عليهم بس...
ما الك نصيب حبيبتي و قدمي لشركات تانيه يمكن الله كاتبلك الرزقه بمكان تاني او حاولي تقدمي مره تانيه بس بتجيبي معك واسطه قوييييييييييييه و بالتوفيق. |
رد: انا حجنن واعرف ايه السبب؟؟؟
أختي الكريمة قدمي على شركات أخرى ولا تيأسي هي صحيح الواسطه عامله عمايلها بالناس لكن هي بالنهاية سبب وربنا هو إللي كاتب النصيب بأي شيء موفقة إن شاء الله :3d_020: |
رد: انا حجنن واعرف ايه السبب؟؟؟
ده نصيب حبيبتى وان شاء الله المرة الجايه يكون نصيبك احسن
|
رد: انا حجنن واعرف ايه السبب؟؟؟
يا دوللي متزعليش انتي مش محتاجه ان حد يقولك السبب لانه معروف و انا عندي نصيحه ليكي لو لسه بجد نفسك تشتغلي مضيفه جويه يبقي قدمي في شريكات كبيره لان الشريكات دي مش بتاخد بالواسطه زي طيران الامارت و الاتحاد وقطر علي فكره انا بشتغل في طيران الامارات و قدمت مره واحده بس واتقبلت الحمد لله ولو محتاجه اي مساعده او سؤال ياريت تسأليني وانا ان شاء الله هحاول اساعدك
|
رد: انا حجنن واعرف ايه السبب؟؟؟
حبيبتى dolly_queen ولا تتجننى ولا حاجة الموضوع كله زى كل الاعضاء مقالو لك كوسة بالبشاميل لان فعلا الواسطة هى اللى ماشية دلوقتى فى اغلب الشركات عموما متزعليش نفسك وقدمى فى شركات تانية وان شاء الله لو ليكى نصيب تشتغليها هيحصل قدر الله وماشاء فعل ..قولى الحمد لله على كل حال وربنا هيعوضك ان شاء الله بشركة غيرها واحسن بالتوفيق ,, |
رد: انا حجنن واعرف ايه السبب؟؟؟
دوللى متزعليش وان شاء الله ربنا يوفقك انا عارفه انى الصدمه وحشة اوووى انا عايزه اقولك انا انا كمان قدمت فى مصر للطيران ووالله والله والله كل الى انتى قولتى عن نفسك هو الى حصل معايا بالظبط لغاية ما عرفت انى الموضوع موضوع الكوسة وانتى عارفها طبعا دى بقت اشهر من النار على علم اعملى زيى انا بقدم فى شركات تانى وتابعى الجرايد ومتساسيش وربنا يوفقنى ويوفقك ان شاء الله حولى تشوفى قطر والامارت والسعودية والكويتية انا بتابع الموضوع ده
|
رد: انا حجنن واعرف ايه السبب؟؟؟
الله يوفقك الي فيه خير
عسى ان تكرهو شيئا وهو خير لكم |
رد: انا حجنن واعرف ايه السبب؟؟؟
الله يعيــــنك
|
الساعة الآن 02:37 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.