طلب فني تركيب لعبة Flight Simulator بالرياض – المملكة العربية السعودية
 

السلام عليكم ورحمة الله وبركاته ,,,

يا أخوان انا اشتريت جهاز جديد وركبت لعبة Flight Simulator X ولاكن مع الاسف كل ما ألعب إما يعلق وانا بالارض قبل الإقلاع أو يعلق وانا بالجو , وبيني وبينكم جابلي الهم مرة , خصوصاً بأني أطير رحلات طويلة مرة , ويعلق معي بنص الرحلة ويقفل المحاكي ويرجع يشغله من جديد .

وانا أساساً قعدت ما يقارب شهر انزل الطائرات والمطارات مع التركيب , عشان كذا أخذ وقت طويل وبالنهاية يعلق كثير بالرغم من إني ما ركبت أمور مرة كثيرة ولاكن ما أدري وش إلي حصل .

وبعد ما جابلي الهم ورفعلي الضغط رجعت إلا الماضي حذفت Flight Simulator X وركبت 2004 وأنا إلا اليوم لا زلت أستخدم 2004 ولو تبغون الصراحة أنا أبغا X وليس 2004 .
بس تبهذلت ولا ودي أعيد البهذلة إلي كنت فيها .

مع العلم بأن مواصفات الجهاز كالتالي :-
Model : Asus
Model Number : Asus S551
Processor : Intel® CoreTM i7-4500U Processor 1.80 GHz
Speed: 1.80 up To 2.40 GHz
RAM : 8 GB DDR3
HDD: 1 TB
Screen : 15.6” HD Touch Display
VRAM : 2 GB Dedicated
Op. Sye : Windows 7 (Copy)
Others: SP1 + SP2
Game : Flight Simulator X
FSUIPC: FSUIPC V4.936


ملاحظة : ليست جميع الخصائص تعمل في النسخة ويندوز 7 , لأنني شريت الجهاز بنسخة ويندوز 8 , لذلك لا أضمن القليل من الخصائص تعمل .

المطلوب , أنا من الرياض , وأرغب في التعاون مع شخص لديه خبرة فنية كبيرة في تركيب لعبة Flight Simulator x عشان أبغاه يركبها لي , وأبغا أتعلم بعض الأمور منه إن أمكن ...

فياليت يا شباب أحد يساعدني على هذا الأمر , تركيب اللعبة وبعض المطارات والطائرات ,,,,

وإلي مستعد بإنه يتعاون معي ياليت يحط رد هنا وأنا برجع أكلمه بالخاص , أو يبغا يرد علي بالخاص انا ما عندي مانع , بس اهم شيء إنه من الرياض عشان اقدر اقابله , وشكراً ...

وانا بإنتظار ردكم , وتقبلوا تحياتي ,,,,,,,,,,

يا أخوان أنا مستعد إني ادفع الأتعاب مقابل هذي الخدمه , وراح نبدأ بالشغل بعد الإتفاق على كل شيء ,,,,