|
الى موظف الخدمة الجوية بشركة نــاس !!
ابي اسأل عن الرواتب والمقابلة قريب ان شاء الله !!
وعن طبيعة العمل وايام العمل بالاسبوع والجدول العملي هل يكون واظح من شهر او لاتعمل متى يكون عليك ايام عمل ؟؟ ايام الاوف في الاسبوع كم !! انا من سكان مدينة الخبر(الشرقية) ومثل ماشوف بموقع ناس اغلب الرحلات من جدة والرياض يعني القاعدة الرياض مثلا !! على كذا اكون اغلب وقتي متغيب عن مدينتي والاهل ؟؟ الرحلات الدولية كم يوم اجلس في الدولة الاخرى مدينة الذهاب !! وبعد العودة من الرحلة الدولية كم يوم اخذ اووف !! الاجازات متاحة بسلاسة ولا مثل الخطوط يالله بالموت تاخذ اجازتك المستحقة ؟؟ ياليت تردون على الاستفسارات للي عنده خبره ويعمل مع ناس بالنسبة لي كنت موظف بالمبيعات بالخطوط وعانيت كثيرا من هالشركة وهذا الشي الي مخليني محتار ادخل ناس ولا لا !! :d3oh: اتمنى من لديه المعلومات عن طبيعة عمل المضيف الجوي المبتديء مايبخل علينا ونستفيد من خبرته ... اسأل الله التوفيق للجميع ... ------------------------------------------------ استفسرت بنفس كلامي هذا باحدى المواضيع وتبين ان الموضوع قديم اتمنى الي عنده المعلومة بشي جديد يفيدنا قبل مااستخير واقرر اروح ولا ماروح المقابلة في جدة الاسبوع القادم ... |
41 مشاهدة ومحد رد :(
|
رواتب مضيفين ومضيفات طيران ناس وكيفية حساب بدلات الطيران وجميعها بالريال السعودي
المضيف العادي المرتب الاساسي : 4500 بدل السكن الشهري : 1256 بدل المواصلات الشهري : 500 اجمالي المرتب الاساسي خارج بدلات الطيران = 6256 مشرف الطاقم المرتب الاساسي : 5000 بدل السكن الشهري : 1256 بدل المواصلات الشهري : 500 اجمالي المرتب الاساسي خارج بدلات الطيران = 6756 بدلات الطيران لكل ساعة طيران خارج المرتب الاساسي تحسب كالتالي اذا كانت ساعات الطيران للمضيف او المضيفة من 1 - 30 ساعة طيران يحصلو على مبلغ كالتالي 25 ريال لكل ساعة طيران اذا كانت ساعات الطيران للمضيف او المضيفة من 31 - 60 ساعة طيران 30 ريال لكل ساعة طيران اذا كانت ساعات الطيران للمضيف او المضيفة من 61 - 100 ساعة طيران 35 ريال لكل ساعة طيران بالنسبة للمبيت خارج القاعده الاساسية لطيران ناس وهي الرياض تحسب بالليله بمبلغ 75 دولار لليله الواحده في ختام الموضوع بأعطيكم نبذه بسيطه عن الشركه طبعا هي اختصارها ناس وهي الشركه الوطنيه للخدمات الجويه وتتفرع منها الشركات التاليه: طيران ناس وهو الطيران الاقتصادي الاول بالمملكه طيران الخياله وهي شركه طيران لدرجة رجال الاعمال |
بالتوفيق اللى عرفت انقله الرواتب فقط كان بوسعى اساعدك ان شاء الله الباقى يفيدك اكتر |
شكرا ليك برنسيسا
|
روااااااااااااااااااااااااااااااااااااتبهم حلووووووووووووووة
|
| الساعة الآن 10:29 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
