:: Flying Way :: - قصتي باختصار .....

السلام عليكم ,,
مساء الخير عالصاحي و صباح الخير عالنايم و أحلى تحية ياعم ,,,

اليوم حبيت أفضفض شوية و الرجا انكم تسمعوني ,,,

كان عندي حلم من صغري إنه في يوم من الأيام لما أكبر و أتخرج من الثانوية ألتحق بمدرسة طيران و أتخرج و أحمل رخصة طيران و كنت مجنن أهلي و عيال أعمامي و عماتي و ما يدرون إلا و أجي من جنبهم طاااااااير و فارد يديني زي الجناح :celebrate3:و هم يصارخون فوقي " ياواد أقعد ترى جننتنا " ,,, و إن نزلنا السوق و الله ما أردهم البيت إلا بلعبة طيران ( تذكرون لعبة كانت لها شاشة و عاليمين ال throttle هههههه قدييييم ) المهم طلعت لهم قرووون من كثر ما أحن و أزن عليهم إلا أخذها و صاااااار ,,,
لما كبرت و حبيت أدخل مدرسة طيران ربنا ما أراد لأسباب كثيرة من دون ذكرها ,,, طبعا قمة الإحباط و الزعل بس قدر الله و ماشاء فعل ,, بعدين قلت ياواد ليش ما أصير مضيف ( و الله شغلة ونااااااسه ) و حاولت قدمت في القطرية و في الإماراتية و السعودية و في ناس حتى اليمنية قدمت فيها بس فاجئوني لما قالولي يبغوا مضيفات:girly13: فـــــقــــــط أما الباقيين اللي يبغى خبرة و اللي لازم تكون سعودي و انجيت أقدم برا يقولو لازم بكلاريوس المهم احباااااط :ANSmile29:,,
فكرت أشتغل في مكتب حجز فشلت ,, طيب في المطار ,, مافي واسطة ,,, طيب أشيل العفش من المبنى للطيارة ,,, أنسى ,,, أوووووووف :cry:
بعدين جاتني فكرة تقول :
بعد كل هالمحاولات و الإنجازات التي تقود إلى الفشل ( فلسفة ) قلت لنفسي : طيب ليه ما أسوي شركة طيران و أفتك من الشركات هذي اللي مو راضية تقبلنا و أنافسهم :f57ar:,,,,,,,,,,,,,,,

وقف الحلم لين هنا و للجنان في عالم الطيران بقية ,,,,,,,,,,,,,,,,,,

تحياتي