:: Flying Way :: - موضوع متكامل عن كل طائرات المحاكي

بسم الله الرحمن الرحيم

الى كل كباتن المنتدى
في البداية احب اشكركم على تعاونكم لانشاء منتدى خط الطيران وطبعا انا مقدرش اخص الشكر ده لحد معين لان كل عضو هنا بيعطي بدون مقابل
وانا النهاردة عندي فكرة عاوز رأيكم فيها

انا عاوز نعمل موضوع منفصل عن كل طائرة في المحاكي زي B777 B747 B737 A320 A330 A340
ويكون الموضوع ده زي الفهرس يشمل على الطائرة دي ولكن مع رابطين للتحميل

اول رابط يكون للطائرة دي ولكن استاندرد (للأخوة المبتدئييين)

والرابط الثاني يكون لنفس الطائرة ولكن بروفيشنال وياريت يكون اقرب طائرة برو مشابهة للحقيقة

وثالث حاجة ان الموضوع يكون فيه كل الصبغات العربية لنفس الطائرة

ورابع حاجة يكون في رابط لشرح رحلة بالطائرة دي استاندرد وبروفيشنال (وطبعا الشروحات دي موجودة مسبقا واللي قام بيها كباتن كتير ولكن الموضوع كلة مجرد تجميعة)

خامس حاجة واهم حاجة بالنسبة ليا ولناس كتير وانا كنت هاعمل بيها موضوع منفصل ولكن الفكرة جات بسببها وهي كالاتي
انا عاوز كابتن يكون عنده معرفة بكل صغيرة وكبيرة في طائرة ما يعمل فيديو عنها بحيث تكون الطائرة تطير على ارتفاع عالي في اي رحلة ويقوم باستعراض كل البانلز في الطيارة ويشرح كل زر فيها (اسمه ايه - ووظيفته ايه - وايه اللي مشابه لوظيفته والفرق بينهم )
مثال :--- في طائرة الويلكو 320 زر الاوتو بايلوت 1 وظيفته ........................،زر الاوتو بايلوت 2 وظيفته ........................ ، والفرق بينهم ...........................
وبجد الفيديو ده مش هيكون متعب اوي بس هيكون مفييييد جدا لاني انا وغيري كتييييير شاهدنا فيديوهات لشرح طائرات برو وعملنا بيها رحلات كاملة بس لو حد جنبنا وسالنا ايه ده ممكن منعرفش نجاوب

وان شاء الله هيكوووون مرجع رائع لأي حد يحب يدخل في عالم محاكي الطيران
واوعد كل واحد يعمل موضوع المطالب دي اني اكون اول واحد يرد عليه لاني انا اول واحد محتاجها

وياريت لو في حد بدأ بعمل موضوع زي المطلوب يقول لنا علشان ننتظره بفارغ الصبر

واحب اني اسمع تعليقاتكم سواء بالايجاب او السلب

والسلام عليكم ورحمة الله وبركاته