الي جرب الخطوط السيرلانكية يدخل لو سمحتوا .. لاني حاجز عليها
السلام عليكم شباب انا بعد جم يوم مسافر على الطيران السيرلانكي الي مجربها من قبل يفيدنا على الدرجه السياحية حقيقا ولا مره جربتها يقولون نفس طيران الامارات وهذا شي مستحيل طبعا بس الي اعرفه انها احسن من الخطوط الجوية الكويتية بمليون مره المهم ابي اعرف هل الشاشات خرايط الطريق فيها لغه عربية الترفيه في قنوات عربية كونها تابعه لاداره اماراتية قبل وكونها كلها عرب يسافرون عليها و شلون النظافه و الخدمه والاكل نظيف ولا ما تنصحوني اكل منه و الريحه يقولون لك على الريحه تنصحوني اخذ عطر معاي ...؟ شسوي كل الطيارات فل ماكو الا السيرلانكية الطيارات المستخدمه ايرباص 330 ايرباص 340 ياريييت تفيدوني بالخدمات على هل الطيارتين من ناحية الاكل والخدمه والنظافه وسعه المقعد في امان الله :iconloli: |
رد: الي جرب الخطوط السيرلانكية يدخل لو سمحتوا .. لاني حاجز عليها
بصراحه انا ما جربتها بس اسمع انهم يمدحون فيها ويقولوا انها احسن من السعوديه وانت تقول احسن من الكويتيه طبعا ما نقارنها بالشركاات الاربع الكبيره في الخليج ( الاماراتيه ,القطريه , الاتحاد , الخليج ) . طائراتها جديده وخدمتهم كويسه بس لافت نظري كلمة انت كتبتها (( كونها تابعه لاداره اماراتية )) ايش المقصود فيها ؟؟؟؟ وكيف رايح يكون خطك من الكويت الى ؟؟ ملاحظه : الشركات الاربع الكبيره هذه وجهة نظري ولا احد يزعل مني |
رد: الي جرب الخطوط السيرلانكية يدخل لو سمحتوا .. لاني حاجز عليها
والله يا أخوي سالم أنا ما جربتها بس وايد من أهلي وربعي مجربينها ويمدحونها بس أكيد مو أحسن من الإماراتيه والقطريه والإتحاد |
رد: الي جرب الخطوط السيرلانكية يدخل لو سمحتوا .. لاني حاجز عليها
اقتباس:
انشالله الخط بيكون الكويت - كولومبو ايرباص 330 كولومبو - بانكوك ايرباص 340 كذللك في العوده اقتباس:
اي يمدحونها ناااس عشان جذي قلنا نجربها ويمدحون دوله سيرلانكيا :iconloli: فرصه نشوفها بس يقولك الطياره ريحه شوية لك عليها يبيلك عطر |
رد: الي جرب الخطوط السيرلانكية يدخل لو سمحتوا .. لاني حاجز عليها
انا ما جربتها شخصيا لكن الناس الي اعرفهم و راحو عليها يمدحونها
و خطك بالذات كويت - كولوبو - بانكوك ولد خالي طاير عليه قبل جم يوم يمدحها و يقول زينه احسن من الكويتيه بس ما تتقارن بالامارات و القطريه لكن لك شوي ع الريحه بس لازم تكون معاك كلونيا و شتسوي بعد و خدمتها و نظافتها زينه ترا احسن من الكويتيه و الاكل مو خايس ولا شين يمشي بس توكل على الله الطيران زين و نصيحه اخو بالرده في رحله ترانزيت 12 ساعه اخذها و اطلع عاصمه سيلان مثل ما اغلب الكويتين يسون نفس الطريقه لان حرام الديره تستاهل و بالسلامه انشالله |
رد: الي جرب الخطوط السيرلانكية يدخل لو سمحتوا .. لاني حاجز عليها
اقتباس:
شكرااا على ردك الوافي والكافي اي اخوي نجرب ونشوف لوول اي بالرده راح ننام ليله بسيرلانكا هههههه ما توصي بشي صوغه من هناك اشحن لك شاذي اطرشه لك بال DHL :iconloli: |
رد: الي جرب الخطوط السيرلانكية يدخل لو سمحتوا .. لاني حاجز عليها
اقتباس:
هههههه تسلم ولله ما تقصر ما نبي شاذي لو ما عليك امر نبي 200 كيلو جاي سيلاني < طرار و يتشرط و مره ثانيه بالسلامه |
رد: الي جرب الخطوط السيرلانكية يدخل لو سمحتوا .. لاني حاجز عليها
طويل العمر انا جربتها قبل 3 سنوات,,, كراسيها نفس كراسي الامارات والخدمة حلوة ., بس ترى المسافرين منهم الجنسية السيلانية الاكثرية .. الترفيه اذكر كانت اقل من 10 قنوات .. وطبعا مدام انك في السيلانية في ريحة على حسب من قاعد حذلك ( ياليتك لو اخذت على البزنس تراها رخيصة وحلوة ) ,,نصيحة اخوية يوم تقعد في سيلان يوم لاتاكل من المطاعم السريعه الي هي كنتاكي وغيرة .. رحلة موفقة ,, |
رد: الي جرب الخطوط السيرلانكية يدخل لو سمحتوا .. لاني حاجز عليها
بالتوفيق ياسالم انا بصراحة ماجربتها ..
بأنتظار رايك فيها بعد ماتجربها ان شاء الله وتروح وترجع بالسلامة |
رد: الي جرب الخطوط السيرلانكية يدخل لو سمحتوا .. لاني حاجز عليها
اقتباس:
اقتباس:
|
رد: الي جرب الخطوط السيرلانكية يدخل لو سمحتوا .. لاني حاجز عليها
انا رحت على الايرلص a340ترانزيت لماليزيا صراحة الطيران السيرلنكي ممتاز جدا وخدمتهم رائعة
|
رد: الي جرب الخطوط السيرلانكية يدخل لو سمحتوا .. لاني حاجز عليها
والله انا قبل 3سنوات سافرت عليها
(جدة - كولومبو- كوالالمبور) والرجعة نفس الشي (كوالالمبور -كولومبو -جدة) الرحلة كانت مريحة بس المشكلة الوحيدة هيا الريحة وليس كل الوقت فقط اثناء الاقلاع والهبوط اما باقي الوقت عادي واكلهم جيد طبعا الاكلات السيريلنكية معروفة بكثرة البهارات فيها . بس الريحه زي ما قالو الاخوان من ركاب الرحلة لانهم من الجنسية السيريلنكية ,خذ معك عطر اريحلك. والرحلات السيريلنكية اوقاتها منظمة . والله يوفقك ورحلة سعيدة ان شاء الله |
رد: الي جرب الخطوط السيرلانكية يدخل لو سمحتوا .. لاني حاجز عليها
السلام عليكم الحمدلله امس بليل وصلت الكويت وجربت الخطوط السيرلانكية جيده نوعا ما ولكن لا يوجد ريحه مثل ما قالو الاخوان شي بسيط يعني وخدمتهم ممتازه و الكباتن ممتازين جدا جدا واوعدكم بتقرير خلال الاسبوع هذا انشالله |
رد: الي جرب الخطوط السيرلانكية يدخل لو سمحتوا .. لاني حاجز عليها
اقتباس:
|
رد: الي جرب الخطوط السيرلانكية يدخل لو سمحتوا .. لاني حاجز عليها
اقتباس:
لووول الله يسلمك انشالله تقرير يكون حلوو و ثقيل ودسم على قولتهم ههههه اكثر ممن 100 صوره وبالنسبه للرحله متعبه نوعا ما لانها طويله كويت - دبي - كولومبو - بانكوك في يوم واحد !!! بالنسبه ل اهلي اتعبوا لكن انا لا هههههههههه لو اعيش بالطيارات ما اتعب |
رد: الي جرب الخطوط السيرلانكية يدخل لو سمحتوا .. لاني حاجز عليها
اقتباس:
السلم اكتب ان شاء الله جي بارك الله فيك |
الساعة الآن 02:18 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.