|
خريجى كليات السياحة والفنادق ؟؟؟ (رسالة الى الاستاذ نزية)
مش بجد حرام لما الواحد يتخرج من كلية سياحة وفنادق قسم دراسات سياحية بعد اربع سنين تعب فى الكلية ومذاكرة وفى الاخر يلاقى ان اى حد ممكن ياخد كورس اماديوس او جاليلو ويبقى موظف حجز تذاكر طيران ولا يشترط خريج سياحة وفنادق يعنى احنا بنتساوى باى حد خريج اى حاجة مش المفروض الوظيفة دى تكون متاحلنا احنا اكتر من اى حد تانى .
بجد انا شعرت بالاحباط لما سمعت الكلام ده فى المنتدى لانى حسيت ان كل المذاكرة والجهد اللى عملته فى الكلية ضاع واصبح عديم القيمة وان المرتب اللى هاخده من هذة الوظيفة ياخذه غيرى وهو خريج كليات اخرى او معاه اى مؤهل او بدون مؤهل . ارجو التعليق على الموضوع وخاصة من الاستاذ نزية |
رد: خريجى كليات السياحة والفنادق ؟؟؟ (رسالة الى الاستاذ نزية)
ليس النجاح فى المذاكرة هو النجاح فلى الحياة
وليس كل موظف سياحة او حجز ناجح فما الفرق بين الموظف العادى والمخضرم المهم مدى نجاحك ليس موظف الحجز بالسهلة كما تزعم انت انه اى حد ممكن يشتغلها وانت خريج جديد لم يسبق لك الاحتكاك بالعمل والحياه وهذا هو كل خريج فى مصر يجد فرق شاسع بين الكليه وبين بعد الكليه اذا اردت ان تفعل فافعل ودع غيرك فى حاله ولا تتزمر وكن فى نفسك فبها ما يكفيك اكرم جليليو الطيار |
رد: خريجى كليات السياحة والفنادق ؟؟؟ (رسالة الى الاستاذ نزية)
شكرا على ردك يا استاذ اكرم
بس انا مش خريج جديد ولا حاجة انا متخرج من تلات سنين بتقدير جيد جدا وانا على فكرة اتدربت وانا فى الكلية فى شركة سياحة يعنى احتكيت بالعمل الى حد ما . انا بس عايز اوصل ان احنا بندرس اعمال شركات السياحة والطيران فى الكلية وكمان احنا بناخد لغتين من ضمنهم اللغة الانجليزية وبندرسها طوال اربع سنين وانا فعلا اجيدها تماما يعنى المفروض يبقى لينا الاولوية فى الشغل سواء كموظف حجز او فى مجال السياحة والطيران . |
رد: خريجى كليات السياحة والفنادق ؟؟؟ (رسالة الى الاستاذ نزية)
اقتباس:
اولا لا يمكن ان يضيع اي شيئ تتعلمة فهو مكسب كبير ورصيد علمي ستعتمد علية في المستقبل وخبرات تتراكم حتى تصنع منك شخصية مميزة فكل ما تعلمتة سواء في محيط الاسرة او الجامعة او المجتمع سيكون له تأثير كبير في حياتك العملية ومدى تحملك لضغط العمل "من يتعب ويجتهد في الجامعة سيتحمل ذلك" بشكل اكبر وما الكورس الا فقط بداية دخولك لمجال الحجز فقط واذا كان هدفك الحصول على المرتب البسيط فلا يكلفك الكثير من المجهود ولكن اذا اردت ان تتميز وتصبح صاحب شركة سياحة او مدير مبيعات حجز في شركة متميزة سيكون رصيدك العلمي "شهادات الجامعة" اساسية ويبنى عليها كل من الخبرات الاخرى التي ستكتسبها خلال عملك على مر سنوات ربنا يوفقك نزيه محمد |
رد: خريجى كليات السياحة والفنادق ؟؟؟ (رسالة الى الاستاذ نزية)
اقتباس:
شكرا جدا , انت بجد انسان محترم وتستحق التقدير |
رد: خريجى كليات السياحة والفنادق ؟؟؟ (رسالة الى الاستاذ نزية)
ان الله لا يضيع اجر من احسن عملا يا فتى
فاعمل ثم اعمل واذا انتهيت فأعمل ولا تنس قوله صلى الله عليه وسلم اذا قامت الساعة وفى يد احدكم فسيلة فليغرسها صدق رسول الله |
رد: خريجى كليات السياحة والفنادق ؟؟؟ (رسالة الى الاستاذ نزية)
ربنا يوفق الجميع
|
| الساعة الآن 01:47 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
