الترحيل الجوى فى مصر
 

السلام عليكم يا شباب


انا نفسى اكون مرحل جوى ممكن حد يقولى ابدأ منين فى مصر فين المعهد او الاكاديميه الى بتدى دورات الترحيل الجوى

عنوانهم فين

طريقه الالتحاق

كم تتكلف الدراسه

مده الدراسه


الكشف الطبى عباره عن ايه ؟


انا دورت فى القسم عن اى معلومات تخص الموضوع ده ملاقيتش


فياريت لو اى حد تقدم فى دوره او التحق بها فى اى مكان فى مصر يدلنى


وعندى فكره صغيره يا ريت كل مرحل جوى هنا معانا يدخل فى موضوع يقول لنا درس فين وباقى التفاصيل
ونجمعهم فى موضوع واحد ويصبح مرجع ودليل للجدد الباحثين فى الموضوع
يعنى اخونا فلان درس فى مصر يقول فين واخونا درس فى السعوديه يقول فين ويكون فهرس لعناوين الاكاديميات الى بتقدم الدورات دى

وشاكر لكم مقدما

مكان الحول ع شهادة المرحل الجوى
 

السلام عليكم
بالنسبة للمرحل الجوى ممكن تاخدها فى الاكادمية المصرية لللطيران ب3 الف دولار او مايعادها المكان فى وزارة الطيران الدور الخامس المسؤل مدام اشجان تقيم مدة 10 اسابيع واى اسئلة راجع الاكادمية شكرا

ممكن تسال العضو capt.mohamed مشرف قسم التشابهي
هوا بيشتغل مرحل جوي :)

آسف الرد متأخر ..

مفيش ف مصر غير الاكاديمية المصرية للطيران و آخر سعر اعرفه هو 3000 دولار , مدة الدراسة من 3 لـ 4 شهور عبارة عن 200 ساعة .. محاضرتين يومياً لعدد خمس أيام اسبوعياً , المحاضرة مدتها ساعتين و فيه بريك بينهم .. يعنى بتاخد مادتين كل يوم ..

المادة تخلص خلال 4 او خمس ايام و بتمتحنها علطول ( دا غير الشفوي و العملى في سلطة الطيران المدني لأستصدار الرخصة ) , خد بعضك على وزارة الطيران المدني في قسم الأستعلامات , هتلاقي أستاذ مجدي او شريف ناس خدومين جداً .. هتروح عند البوابة الخلفية اللى قصاد القابضة للمطارات , و هتدي للسيكيوريتي البطاقة بتاعتك يسجلوا بياناتك و تاخدها و انت خارج , هيسألوك طبعاً انت رايح فين قولهم رايح الأستعلامات عند استاذ مجدي ..

ف الأستعلامات هيفيدوك تقدم ازاي و الورق المطلوب ..

المرحل الجوي ملهوش كشف طبي ..

رد: الترحيل الجوى فى مصر
 

استاذي سؤال لو تكرمت:
هل هذا التخصص مطلوب الان في مصر ، بمعني اصح لو اخذتالكورس في مصر ... ما هي سرعة الحصول علي عمل في مصر و هل هذا تابع للشركه المصريه للمطارات ام لشركة مصر للطيران.
و علي كل حال ما هو المرتب لحديثي الخبره