|
مشكلتي مع بوكينج
السلام عليكم اعضاء المنتدى المحترمين الاحظ بهالمنتدى بشكل ملاحظ اعانتكم ونصائحكم للي يطلب مساعدتكم وانا كعضو في المنتدى لن اخرج عن هذه القاعده ساسرد لكم حكايتي مع بوكينج وارجو ان لايقع غيري في مثل هذا المطب: لقد تعرفت على موقع بوكينج من خلال المنتديات العربيه واعجبني لسهوله البحث والحجز فيه، وفي مره اخذت بكلام احد الاعضاء في احد المنتديات انه ممكن الواحد يحجز ويلغي الحجز على كيفه المهم قبل الوقت بفتره ،، المهم انا والله ماحجزت ولغيت كثير لكن اللي صار عاد المهم بقولكم اني في العام الماضي سجلو علي حالات عديده لالغاء للحجز في بوكينج مع انها كانت قبل الوقت بفتره تصل الى شهور المهم اللي حصل انهم حرموني من التعامل معهم والغوا تعاملهم معي عالايميل الخاص بي ومع بطاقتي مش مشكلتي في الايميل مشكلتي في البطاقه كيف اغيرها وانتم تعرفون انها تاخذ وقت طويل للتغير وانا مضطر اسافر بهالوقت وهالجو فهذا الشي السلبي اللي في بوكينج حبيت احذركم منه بصراحه بدأت ادور على غيرهم انهم ما يعاملوني نفس المعامله ولا يضروني بهالشكل |
المفروض انه ماتتركونه لو انكم ارسلتم مسج لنفس الشركه الأم كان ماتعبتم هالتعب اعرف واحد صار معه نفس هالحكايه بس فيه اختلاف بسيط طبعا هو حاجز من بوكنق لفندق قراند هوتيل القديم بزيلامسي (النمسا) وحاجز بسعر خيااااااااااااااااااااااااااااااااااااااااااااالي قبل السفر 9 اشهر تقريبا اليوم تقريبا يقول يعادل 700 ريال ولمن شاف السعر انفجع طبعا هو يعرف زيلامسي ويعرف هالفندق من قبل وعلى عطول بسرعه حجز ودفع بالماستر كارد وجاه رساله على الايميل بتأكيد قبل السفر ارسل الفندق مسج يقول سدد المبلغ عشان الحجز مايلغي .... هو دافع اصلن من قبل طنش مارد عليهم لانه السعر الي حجز فيه ابن امه يجيبه مدري كيف جاه وصاره يرسلو له كمن يوم وبعدين رد عليهم قبل السفر 5 ايام من شان يتأكد ويضبط وضعه قالو مالك حجز في الفندق صور تاكيد الحجز بالسعر الخيالي وارسله لهم قال لهم انا حاجز ودافع وكل شي ..... تورط الفندق اوراقه سليمه وحجزه اكيده كلم المدير شخصيا قال المدير السعر الي حجزت فيه ذا سعرمو موجود عندنا وكيف حجزت وزي كذا اخونا العريس كلم الاداره بوكينق وحكى لهم السالفه قالو اعطن يومين عمل ونرد عليك قال لهم طيب اكلم الفندق ارد عليهم قالو لو احنا بنتفاهم معهم طبعا الاداره كأنه في بريطانيا المهم دوله اوربيه سافر اخونا العريس ولما وصل زيلامسي جاه مسج اخونامن بوكنق قال حجزك موكد ولافيه شي وكل شي نظامي قال انا وصلت الفندق وقالو مالي حجز احتار الحين وتورط يصدق الفندق ولا بوكنق وتفشل مع العروس وراح يكلم الاستقبال قالو ادفع زياده عن المبلغ الي دفعتاه من قبل وتسكن قال شنو قالو ادف طبعا يبون 500 يورو زياده عن كل يوم و 500 يورو تعادل ألف ريال سعودي وحاجز هو 9 ايام ..... والحسابه بتحسب تووووووورط وطفش وده يذبح مدير الفندق ويقول وين اروح الحين موسم صيفيه ولافي فنادق من غير حجز مسبق فل وشهر 8 عربي يعني انسى اشوي ويجي مسج من بوكينق ويقول حجزك اوكي وانه بوكنق كلم الفندق واتفق معه وجاه الموظف قال له تفظل استاذي حجزك تماااام وقال المشكله ذي الي صارت وين اصرفه عوضوه بعشاااااء فاخر بلفندق وضبطو له الغرفه من ورد وشغلات عرسان والنهايه عرف السالفه انه موجود حجزه في الفندق بس حجز بسعر خيالي ولا يدرو كيف وكل شي نظامي وبوكنق اكدله الحجز بس الفندق لف ودار معه وقال له بوكنق يعني اذا ماسكونه راح يتكلف بكل الزياده هو بوكنق كل الي ابي اوصله انه تشيكوعلى الحجز قبل السفر يا اخوان بيومين على الاقل ذا سفر مولعبه واذا صار شي بالحجز وانت دافع وامورك طيبه كلم الاداره الأم على طول لا تسكت وهم راح يتفاهمو مع الفندق |
الحجز يكون مسؤول عنه موقع بوكينج..الفندق مسؤول عن انك تقيم طالما لديك حجز مؤكد وبأسمك ولديك مايثبت.
ولا اعتقد ان ايا منهم له الحق في دفعك او تغيير السعر طالما انك دفعت السعر والضرائب. |
الحمدلله لله في كل المرات اموري طيبة معاهم سواء كان الحجز من فترة طويلة أو قصيرة لدرجة إن احد الزملاء حجز من فترة واستخدم الحجز للحصول على تأشيرة وقبل السفر بيوم الغى الحجز بدون رسوم .... إلى ذلك هناك موقع آخر اسمه ebooker جيد كذلك لدرجة إنني اذهب للفندق و أسكن بدون تقديم بطاقة ائتمتنية وعن التشيك اوت يسألوني أخذت من الميني بار وغذا لم استخدمها يقولولي انتهى الموضوع ومع السلامة والموقع هذا يعطيك كوبونات خصم عند كل مرة تحجز فيها .... وأيضا يمكن حجز تذاكر سفر بأسعار مغرية جذابة فالموقع نفسه
|
بوكينق من افضل المواقع !
|
الله يبعد عنا المشاكل وهموم السفر
الحمدلله لم تحصل معي ولكن الحرص واجب تحيتي |
البوينج هي من احدى افضل الشركات
|
| الساعة الآن 06:52 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
