|
السفر الى اوروبا
بسم الله الرحمن الرحيم
السلام عليكم ورحمة الله وبركاته أخواني و أخواتي اعضاء خط الطيران الكرام اخطط للسفر الى اوروبا في عطلة الشتاء حددت التاريخ ان يكون ما بين 18/1/2013 الى 1/2/2013 لمدة ثلاث اسابيع او ممكن اخليها اقل لمدة اسبوعين على حسب الميزانيه و الاماكن انا ما يهمني فنادق 5 نجوم او 4 نجوم لكن يهمني ان يكون نظيف و حلو و موقع يعني يكون زين انا مقرر ان احجز على التركيه تكون كويت - اسطنبول - اليونان و العوده تكون اليونان - اسطنبول - الكويت لقيت سعر التذكره 119 دينار هذا بالنسبه للطيران لكن بعد النزول لليونان ممكن نستقل سيارة او قطارات للتنقل الى الدول المجاوره مثل رومانيا و بلغاريا و صربيا الميزانيه للشخص الواحد تكون حوالي 600 دينار الى 750 دينار كويتي ممكن يتراوح عدد المسافرين من 2 الى 6 اشخاص على حسب احاول اقنع اكبر عدد منهم لان اعرف ان في بعض الغرف كل ما زاد عدد الاشخاص يكون السعر مناسب لان لقيت غرف في فنادق حق ثلاث اشخاص 10 ليالي بسعر 100 دينار و لقيت نفس المده لشخص بسعر 102 :d3oh: فتختلف على حسب انا يهمني ان ازور الاماكن التاريخيه و المعالم و المناظر الطبيعيه و المدن الترفيهية و بالنسبه للتسوق اهميته متوسطه على حسب القروب اللي معاي على اللي حصلته من معلومات عن اليونان كافيه ان نقعد فيها 5 او 6 ايام بس و بعدها ننتقل الى المحطات التاليه مثل بلغاريا و رومانيا و صربيا مو شرط اهما بس المجاوره و نقدر نوصلها و على اللي عرفته ان لازم اطلع الفيزا الشينغن من سفارة اليونان بالكويت و لكن على طبيعة السفره اي نوع من الشينغن اخذ لان اعرف في وحده تقدر ترجع و في وحده ما تقدر انا بروح عن طريق مطار اثينا و برجع من نفس المطار في اليونان و على فكره انا طالب سنه اولى جامعه فما طبيعة الاوراق للفيزا ممكن ما يكون في احد من المسافرين موظف هل نطلع على الوالد او احد من الاهل موظف كمسؤل عن المصاريف مثل الشروط المذكوره و شنو اقتراحاتكم افضل تاجير سيارة للتنقل بين الدول ولا قطارات في حال كنا 2 او 6 على حسب و ما ادري الاشياء الثانيه انتم اخبر فيها فيدوني لو سمحتم |
يوم الخميس 18/1/2013 الساعه 1 صباحاً التواجد بالمطار لعمل البوردنغ
الساعه 3:10 صباحاً الاقلاع من مطار الكويت الدولي الساعه 6:15 صباحاً الوصول مطار اسطنبول الدولي ترانزيت ساعه و 25 دقيقه في مطار اسطنبول الدولي الساعه 7:40 صباحاً الاقلاع من اسطنبول الساعه 9:05 الوصول مطار اثينيا في اليونان على ما ناخذ الامتعه و تسجيل الدخول الساعه 9:45 نستلم السياره من شركة بدجت تكفي ل5 اشخاص ثم ننتقل الى اثينيا العاصمه تحديداً الفندق مدة الطريق 31 دقيقه ثم نستمتع اليوم و نتجول بجوار الفندق الى الاسواق القريبه و نتناول وجبة الغداء و الى نهاية اليوم مفتوح بداية اليوم الثاني تبدأ ربع مرحلة الجد و الحقيقه المطلوبه للرحله التوجه الى الميناء يتطلب من 15 الى 25 دقيقه يجب ان نتواجد عند الميناء قبل الساعه 6 صباحاً لكي نستقل الباخره و ننتقل الى جزيرة ايجينا و في اخر النهار نعود الى الميناء و من ثم نستقل سيارتنا لنصل الى المطعم نتناول وجبة العشاء في الساعه 10 مساء مثل عادات اليونانين و من ثم ننام بالفندق اليوم الثالث نطلع و نروح للميناء مرة اخرى بنفس التوقيت و لكن هذه المره نتوجه الى جزيرة Poros و نختتم اليوم مثل الذي قبله اليوم الرابع نتوجه للميناء و لكن هذه المره نتوجه لجزيرة هايدرا و نختتم اليوم بنفس الاسلوب اليوم الخامس من الصبح نشيل جناطنا و نسوي شيك اوت من الفندق و نطلع نروح Acropolis نشوف المعبد المشهور في اليونان و هذا كان من تاريخ الحكم العثماني كان بالاصل مسجد و من بعد مرور الزمن تحول الى عدة اشياء استخدم فيه و نمر على كذا مكان و في اخر اليوم نوصل مدينة نابولى و ندش الفندق و ننام اليوم السادس من صباح الله خير نسوي شيك اوت و نفتر شوي بالمدينه و من ثم في اخر اليوم نوصل اسبرطه و نقعد فيها يومين و بعدها نطلع و نروح بايلوس و اليوم اللي بعده نروح دلفى اليوم الثامن نفتر شوي في مدينة دلفى و بعدها نروح ننام في مدينة كالامبكا اليوم التاسع نروح نزور ميتيورا و بعد ما نشوفها و نتامل فيها نرجع اثينا و نتسوق فيها بنفس اليوم و ننام فيها و اليوم الاخير اللي هو ال12 بالرحله الساعه 4 نوصل المطار و نسلمهم السياره و نسوي البوردنغ و الساعه 7:50 مساء نقلع من اليونان الساعه 9:05 نوصل اسطنبول ترانزيت ساعتين باسطنبول الساعه 1:05 صباحاً نقلع من اسطنبول الساعه 5:25 صباحاً نوصل الكويت الساعه 6:30 بالبيت شرايكم بالجدول التقريبي اللي حسبته بس يبيله احسب كم اسعار الفندق من جديد و اتاكد من عدد المسافرين و ياي و اللي راح يبين عددهم الاسبوع الياي باذن الله تعالى |
الفيزا يا طويل العمر تاخذها من اي سفارة
و عطها السفريات يسوونها لك اذا تبي و طلبياتها خلفية بيضة بدون لبس فوق الراس مقاسها 4 في 6 بس |
بالتوفيق في هذه الرحله
|
| الساعة الآن 11:55 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
