|
يعني اية عضوية الاياتا بالتفصيل
انا عوزة اعرف اية هي مميزات عضوية الاياتا وفمصر للطيران بيقوللنا اننا بعد اخرمستوي هنكون اعضاء بالاياتا الكلام دة مظبوط ولا اية واية هيا اهم الخطوات بعد منخلص التدريب العملي فمكاتب مصرللطيران احنا زهانا من المذاكرة باة وعوزين نبتدي شغل |
رد: يعني اية عضوية الاياتا بالتفصيل
ان شاء اللة يفيدونك خبراء المنتدى
|
رد: يعني اية عضوية الاياتا بالتفصيل
صباح الخير برنسيسة انا بصراحه ما عندي خبره في الموضوع هذا كنت اصبري قليلاً وسوف يتم الرد من قبل المختصين هنا .. for up |
رد: يعني اية عضوية الاياتا بالتفصيل
انا مستنية يامسهل وصباح النور ومشكور ع المرور
|
رد: يعني اية عضوية الاياتا بالتفصيل
اقتباس:
IATA for International Air Transport Association كورس مصر للطيران الثلاث مستويات تعطيك 35 نقطة من الاياتا فائدة هذه الشهادات تلزم لمن يريد فتح شركة سياحة فئة أ او حجز تذاكر طيران ان يكون لدية موظف حجز معتمد من الاياتا "يحمل هذه الشهادات" في مقابل ذلك يمكنك الحصول من شركة السياحة على مبلغ يتراوح من 3000 الى 8000 جنية في مقابل هذه الشهادات وتعيينك بمرتب شهري من 600 الى 800 جنية ولكنها ليست شهادات الاياتا فتوجد كورسات الاياتا وهي اكثر تكلفة 500 دولار والنجاح فيها صعب ...تحتاج لمجهود ولغة انجليزية جيدة جدا ولذلك يفضل كورسات مصر للطيران نظرا لتكلفتها المنخفضة نسبيا وضمان النجاح فيها بعد الكورس عليك الاهتمام بنسبة 100% بما تتعلمينة في شركة السياحة على برنامج الحجز اماديوس فهذا هو مفتاح دخولك مجال الحجز والعمل الحقيقي وليس كورسات مصر للطيران يمكنك البدء بالبحث عن عمل فورا من على الانترنت من مواقع كثيرة وتجهزي CV وصورتك عليها وتقدمينها الى اكبر عدد من شركات السياحة بنفسك والكثير سيقبل بك بعد ان تبدي ثقة بنفسك عالية وتنمي مهارات اللغة الانجليزية بشكل جيد جدا بالتوفيق شكرا على اهتمامك بنا مركز نزيه للتدريب اماديوس وجاليليو نسعد بخدمتكم في اي وقت وفي كل مكان |
رد: يعني اية عضوية الاياتا بالتفصيل
مشكور استاذ نزية علي الرد الكريم والمرور المفيد وانشاء اللة هتلاقيني عندك قريب عشان الاماديوس بس بعد مخلص ع مصر للطيران قصدي اخلص منها يووووووووووو قصدي اخلص العملي فيها هههههههههه ولكم جزيل الشكر استاذنا |
رد: يعني اية عضوية الاياتا بالتفصيل
والله بعد اذنكم يا جماعه كنت عايز اعرف ازاى اقدر اوصل لاخذ دورات فى مصر للطيران وايه الشروط للموضوع ده
|
رد: يعني اية عضوية الاياتا بالتفصيل
السلام عليكم انا طبعا هديك المعلومات دي لاني ادرس بالفعل بمصر للطيران ودة رقم التليفون الخاص بقسم حجز الدوررات22656262تكلمهم حتي لو مش ناوي تاخد الكورس في الوقت الحالي بس تستفسرعن ميعاد البيسك الجاي واي كان ميعادة لاااااااااازم تحجز من دلوقتي يعني انا مثلا عشان اخد في شهر 8 حجزت في 6وفي ناس حجزت قبل كدة وجة دورها بعد شهر 8 كمان الكورس ثلاث مستويات basic.entermadia.advanced.كل مستوي 800 ج ومدتة كل مستوي 12 يوم وفي كمان تدريب عملي دة ممكن تاخدة بعد اول ليفل بتخلصةالاسبوع ب 100 جنية والعادي اي حد بياخد اسبوعين ودة بيكون فاي مكتب تذاكر تابع لمصر للطيران ع حسب مربع السكن وبصراحة بتوع مصر للطيران اكسلنت فكل حاجة وهترتاح كتير ومش هتندم انك اخذت الكورس دة مهما كان مؤهلك الاساسي والمواعيد بتبقي من 2 : 7 وفي صباحي من 9 : 2 والامتحانات open book واول متطلع شهادة اول مستوي تجري وتحجز المستوي الي بعدة بدل متنتظر 3 اشهر كمان واتمني ع اللة اني اكون وصلتلك المعلومة بالشكل الصحيح وع فكرة مفيش شروط ولو دورنا هنلاقي انك بس لازم تكون بتفهم انجليزي بالنسبة بس للمصطلحات لانك مش بتتعب فحاجة الكتاب ادامك وانت بتنقل منة لكن بالنسبة للفهم من المدرب لازم تكون بتعرف انجليزي لان بعض المدربين مبيكلموش عربي الاقليل بس متقلقش من النقطة دي كمان لان كلة بيعدي المهم الامتحان ودة بيكون زي مقلتلك اوبن بوك ماعليك انك تنقل بس طبعا هتكون فاهم انت بتعمل اية لا ن الحكاية مش طلبة غير فهم وتركيز عالي ومكان الكورس فقطاع التدريب لمصر للطيران بجوار فندق نوفتيل فمنطقة المطار القديم |
رد: يعني اية عضوية الاياتا بالتفصيل
السلام عليكم الاخت برنسيسه انتى بجد كلامك ده مفيد جدا ياريت لو تفيدينا اكتر انا عاوز ابدأ كورس مصر للطيران بس انا لسه عاوز ابدأ كورس انجليش الاول علشان انا ضعيف فى الانجليش ياريت توضحي لينا بالتفصيل طبيعة الكورس والايام هل كل يوم فى ولا ايام محدده وسهل النجاح فيها وبجد هتكون مفيده |
رد: يعني اية عضوية الاياتا بالتفصيل
السلام عليكم ورحمة اللة وبركاتة اة يابني طبعا الكورسات دي مفيدة فعلا هوا اة احنا مش بنشتغل بالي خدناة فالكورس لان الدراسة بتكون مانيوال واحنا انشاء اللة لما نتعين فاي شركة طيران بنعتمد ع الكومبيوتر وماعلينا الا ادخال بيانات واعطاء اوامر خاصة بالسستم الي هنشتغل علية طبعا اقصد اماديوس او جاليليو وكفاية اننا هنكون معترف بينا كموظفين حجز من قبل مصر للطيران العضوة فالاياتا وبالتالي بنكون احنا كمان معترف بينا من نفس المنظمة والشهادات دي ليها وزنها هيا اة غالية بتخشلها مع التدريب ع السستم في 3500 بس واللة هتعرف قيمتها لما تتحط فشركة طيران محترمة ومتكونش اقل من زمايلك الي شغالين فيها وبخصوص الكورس بصراحة هوا صعب لاننا بندرس حاجة جديدة علينا تماما بس مفيش حد بيسقط ولو لاقدر اللة حصل بيعيدولوا الامتحان وبيعدي لانهم مش عاوزينك تاني وبالنسبة لكورس الانجلش انت لسة هتبتدي فية وهاتك يامضارع تام ومستمر ممنوش فايدة العملية فمصر للطيران مصطلحات خاصة بالحجز وارقام واسعارواكيد المدرب مش هيسيب حد مش فاهم هوا بيقول اية انت اتكل ع ربك واحجز بدري والدراسة كل يوم لمدة 12 يوم دة المستوي 1 وال 2 10 ايام والتالت 10 وع فكرة انت بتدفع حاجة حاجة 800 ف 800 ف800 وبعدين تقدم ع العملي وانت هتعرف كل الكلام دة بعد اول مستوي واتمني اكون اني قدرت افيدك واي استفسار انا تحت امرك والامر للة ياسيدي سلام https://air.flyingway.com/up/oct/072b31702b.jpg |
بجد فعلا انتى برنسيسه شكرا ع معلوماتك القيمه دى بس انا هصدعك تانى ياريت لو تقوليلى ايه التدريب اللى انتى بتقولى عليه ده اللى هو الاسبوع ب100 جنيه ياريت توضحيلنا اكتر وهل التدريب ده بيكون فى مصر للطيران القاهره فقط ولا ممكن فى اى فرع وبرده لازم نحجز قبلها بفتره وكده وهل التدريب ده ممكن يدونى بيه شهادة كمان ان انا اشتغلت فعلا بمصر للطيران ولا لا والتدريب لازم يكون بعد كل مستوى واما اخلص اول مستوى ببدأ المستوى اللى بعده امتى على طول ولالازم برده احجز واستنى وبعدين ايه اللى وصلها ل3500 احنا قولنا 3 مستويات كل مستوى 800 وكل مستوى اسبوعين تدريب يعنى كمان 200 يعنى كده اخرهم 3000 ايه ال500 جنيه الزياده دول معلش اصل انا محوش وهخدها على حسابى فلازم افهم |
رد: يعني اية عضوية الاياتا بالتفصيل
لا ياسيدي ولا صداع ولا حاجة انا حسة انك انت الي صدعت بالنسبة للفلوس انا حسبت معاهم مصاريف التدريب ع السستم يعني الاماديوس مثلا فاي مركز موجود وبيتم التدريب مثلا فمركز نوية ع الاماديوس بحوالي 600او 800 فالرينج دة ودة طبعا بعد متخلص تدريب عملي فمصر للطيران ع السستم نفسة ودة بيكون ع حسب مربع السكن فمكاتب حجز شركة مصر للطيران وبيدووك شهادة معتمدة من مصر للطيران انك اتدربت عندهم فترة والتدريب دة مهم جدا جدا عشان انت بتدرب ع الشغل الحقيقي والي فعلا هتقابلة بعد كدة وكفاية الشهادات بتاعة مصر للطيران دي بمثابة شهادة خبرة والتدريب العملي دة بيبقي براحتك يعني ممكن تاخدة من بعد المستوي الاول وحجزة مبيتاخرش انت يادوبك بتديهم صور شخصية عشان الاي دي وصور من مؤهلك وبطاقتك والفلوس وهما بينزلوك تدريب ع طول بس المهم انك تحشر نفسك فكل ضربة زر ع الكومبيوتر وتسال فكووووووووووووول حاجة وتسيف كل حاجة عندك وبالنسبة للحجز والتاخير وكدة متقلقش التعب بس بيكون فاول مستوي وبعد كدة الجروب بيتفق مع بعضةبالنسبة للناس الي عوزة تكمل ويقدموا ع الي بعدة وبتنتظروا بتاع 15 يوم كدة وصدقني انت بس جمممممممد قلبك وخش ولايهمك واحنا كلنا جمبك https://air.flyingway.com/up/oct/943b38607d.jpg |
رد: يعني اية عضوية الاياتا بالتفصيل
طيب يعنى كورس مصر للطيران والتدريب فى مصر للطيران هيتكلف 3000 جنيه
والتدريب فى مركز نزيه 600 جنيه كده صح ولا ايه بعد كل مستوى والتانى اسبوعين صح ؟ وممكن فى الاسبوعين دول اتدرب فى مصر للطيران على طول ولا ايه ؟. يعنى عندنا فى الشرقيه مصر للطيران ممكن يكون التدريب فيها ؟ وهخد شهاده من التدريب ولا ده كله تبع شهادة الاياتا ؟ |
رد: يعني اية عضوية الاياتا بالتفصيل
ايوة عليك نور انت كدة فهمت وتقدر تبتدي وطبعا هتاخد شهادة مستقلة بالتدريب العملي في مصر للطيران دا غير شهادات الاياتا وهتاخد شهادة بردة من نزية بس طبعا الاقوووووووووي منها شهادة الاماديوس نفسة من الشركة المعتمدة في سيتي ستارز وبالتوفيق انشاء اللة وبردة انا فالخدمة لو احتجتني |
رد: يعني اية عضوية الاياتا بالتفصيل
إزيك يا برنسيسه
انا دخلت على الرابط و قريته بس كده انا مش هلحق اخد كورس مصر للطيران لاني قاعده في مصر شهرين بس اعمل إيه هى مهمه اوي يعني لو اخد كورس اماديوس او جاليليو مينفعش لوحده ارجو الإفاده شكرا |
رد: يعني اية عضوية الاياتا بالتفصيل
اقتباس:
ايوة مهمة جدااااااااااااااااا وانتي فخلال الشهرين دول بتقدري تاخدي اتنين وممكن تاخدي التالت واماديوس لوحدة كويس بس شهادات مصرللطيران نار يابنتي بتفيدك جدا انتي ممكن تشتغلي بشهادات مصر للطيران لوحدها لان السستم دة كدة كدة هتدربي علية فالشركة بس عادي ممكن تاخدي مستوي وتسافري ولما تنزلي تاني تقدري تكملي تحياتي لك https://air.flyingway.com/up/oct/78da10c1c7.gif |
رد: يعني اية عضوية الاياتا بالتفصيل
ازيك يا برنسيسه يارب تكونى بخير سألتى عن مواعيد كورس مصر للطيران هيبدأ امتى ؟ |
رد: يعني اية عضوية الاياتا بالتفصيل
هاي يابني طبعا سألتلك والبيسك الي جاي هيبتدي في 10 نوفمبر بس الي حجز حجز خلاص وتقدر بردة تتابعهم يمكن ينزلو ميعاد جديد ويبدء و في قبول الحجز المهم تتابعهم بالتليفون كل يوم مرة عشان تقدر تحجز مكان في البيسك الي بعد الي جاي |
رد: يعني اية عضوية الاياتا بالتفصيل
السلام عليكم ورحمة الله
والله المشاركات جيدة جدا بالنسبة لمواضيع التدريب والمبالغ المطلوبة والاماكن اللى نقدر نتدرب فيها بالنسبة ليا يا جماعة انا اتدربت فعلا على نظام جاليليو للحجز لاكن انا مافيش معايا شهادات من اى مركز معتمد مافيش غير شهادة تقدير بس من المكتب السياحى اللى انا اتدربت فيه فى نفس الوقت انا اخدت التدريب ده لانى كنت بحلم باللشغل بره مصر مش فيها المهم كل الكلام ده هينفع يوصلنى للحلم ده ولا ايه وهل جاليليو كويس ولا مكاتب معينه بتشتغل فيه بس والباقى نظم حجز مختلفة نرجو الاجابة من اصحاب الخبرة ولكم جزيل الشكر |
رد: يعني اية عضوية الاياتا بالتفصيل
لا طبعا انت لاااااااااازم بدال طموحك السفر لازم لك شهادات الاياتا من مصر للطيران وجاليليو اخوي بيينتهي العمل بة علي اول السنة لازم انك تاخد اماديوس اصبح معترف بة دوليا وسوف يكون اسلوب التخاطب الوحيد للشركات السياحية والخطوط الجوية جد سيبك من جاليليو او خلصة بدال بدات بة بردة شهادتة لها وزنها وادخل فالمهم والقوي كورسات مصر للطيران وشهادة الاماديوس https://air.flyingway.com/up/oct/ed41610707.jpg |
رد: يعني اية عضوية الاياتا بالتفصيل
الاخت برنسيسه اخبارك ايه يارب تكونى بخير من زمان مشفتش مشاركاتك ياريت تقوللنا وصلتى لايه بعد الكورسات اللى اخدتيها ومدى الاستفاده اللى حصلتى عليها |
رد: يعني اية عضوية الاياتا بالتفصيل
الواحد كده لازمه كورسات فعلا بعد المعلومات دي
|
رد: يعني اية عضوية الاياتا بالتفصيل
:ANSmile15: سلام يا اخت حلا ممكن تاخدي اي نظام GDS بس ادا كان عندك واسطه فيه وتكون للغتك ال ENGLESH GOOD عشان تفهمي كل الي في النظام وكمان لاازم دائما تعملي تطبيق في نظام الحجز عشان تفهميه , وكمان مع الممارسه والتطبيق ان شاء الله حتكوني خبيرة في الحجوزات :ANSmile15:
|
رد: يعني اية عضوية الاياتا بالتفصيل
ياجماعه بجد احنا بنشكر برنسيسه على تعبها معانا وعلى المعلومات القيمة جدا اللى هى بتعطيهالنا دى وربنا يبارك فيها ويوفقها ويوفقنا جميعا
|
رد: يعني اية عضوية الاياتا بالتفصيل
1000 شكر للاستاذة البرنسيسة
بس ياريت تقوليلنا وصلتى الى فين الان |
رد: يعني اية عضوية الاياتا بالتفصيل
العفو ع اية الشكر انا استفيد وبالنفس القدر افيد
وبالنسبة للبيسأل عن خطواتي الي اي مدي وصلت انا ادرس الاياتا اوفتا الان وان شاء الله همتحنها في شهر 9 والورقة التانية في شهر 3 ودي هتخليني ان شاء الله مميزة جدا فالمجال مع التدريب فالمحطة وانا قدمت السيرة الذاتية تبعي لعدة خطوط وجاني الرد والله بعد التقديم بحوالي اسبوع وفي شركات طالبة خدمات ارضية وفي شركات طالبة موظفين مبيعات لكني انا قدمت فقط لاختبار امكانياتي وامكانية ايجاد وظيفة بمؤهلاتي الحالية والحمدلله النتيجة مشرفة ومشجعة ع الاستمرار حتي وان كانت الخطوط كالعراقية واليمنية والليبية خطوط غير منتعشة بالمقارنة بالاماراتية والتحاد والقطرية مثلا والخطوط الاخيرة هي التي من المفروض ان يسعي اليها المجتهد ليكون جدير ومميز بالعمل في احداها |
رد: يعني اية عضوية الاياتا بالتفصيل
السلام عليكم
بدايه احب اشكر الاخت برنسيسه على المجهود البذلته لان فعلا انا عرفت حاجات اول مره اعرفها .. بس بصراحه انا كنت عاوز اسال حضرتك سؤال انا عاوز اعرف لو عاوز امتحن اختبار الاياتا بيبقى مواعيده امتى؟؟ و لو ممكن حضرتك تساعدينى فى رقم التليفون بتاعهم او العنوان ؟؟ و بالنسبه لهم بيقى كورسات زى مصر للطيران ولا امتحان على طول ؟؟ و لكى جزيل الشكر .. |
رد: يعني اية عضوية الاياتا بالتفصيل
اقتباس:
امين امين ولا شكر ع واجب والمعلومات هذة من واقع التجربة والواقع |
رد: يعني اية عضوية الاياتا بالتفصيل
اقتباس:
ولا قصدك كورسات الاياتا التي تعطي 35 نقطة والتي تدرسها مصر للطيران ؟؟ ع العموم رقم مركز التدريب 22656265او فالاخر 62 |
| الساعة الآن 03:40 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
