فتح باب القبول للأكاديمية السعودية للطيران المدني عام 1431هـ
السلام عليكم ورحمة الله وبركاته تم فتح باب القبول للأكاديمية لهذه السنة 1431هـ شروط الإلتحاق 1-أن يكون سعودي الجنسية 2أ-ن يـكون حاصلا على شهادة الثانوية العامة (علوم طبيعية) بمعدل تراكمي لا يقل عن 80% 3-أن لا تــقل درجة مادة اللغة الانجليزية في استمارة الثانوية العامة عن 85% 4-أن لا يــزيد عمر المتقدم عن 22 سنة عند التقديم 5-أن لا يــكون قد مضى على تخرجه أكثر من 3 سنوات عند التقديم 6-أداء اختبار القدرات من قبل المركز الوطني للقياس والتقويم على أن لا تقل النسبة عن 65%. 7-أداء الاختبار التحصيلي من قبل المركز الوطني للقياس والتقويم على أن لا تقل النسبة عن 65%. 8-أن يجتاز المتقدم اختبارات القبول بالأكاديمية. 9-أن يتناسب الطول مع الوزن ( حسب جدول الأوزان ). 10-في حالة عندم توافق الشروط سوف يستبعد المتقدم من الترشيح نهائياً . المستندات المطلوبة: يجب أن يرفق المتقدم بعد إشعاره بالقبول المبدئي المرفقات التالية: 1صورة واضحة من بطاقة الهوية الوطنية. 2-صورة من استمارة الثانوية العامة طبق الأصل. 3-صورة من شهادة حسن السيرة والسلوك طبق الأصل. 4-إشعار نتيجة اختبار القدرات والاختبار التحصيلي. 5-عدد 4 صور شمسية ملونة حديثة مقاس 4X6. رابط التسجيل: https://www.gaca.gov.sa/saca/Students/Register.aspx |
رد: فتح باب القبول للأكاديمية السعودية للطيران المدني عام 1431هـ
شكرا اخي الكريم على الخبر الجميل واتمنى التوفيق الى جميع الطلاب السعوديين |
رد: فتح باب القبول للأكاديمية السعودية للطيران المدني عام 1431هـ
شكرن جزاك الله خير بروح اسجل مره ثانيه loooolz |
رد: فتح باب القبول للأكاديمية السعودية للطيران المدني عام 1431هـ
سبقتنـــــي فيه هالمــــــره ^_^ حلال عليك يعطيك العافية ياحبوب و يستاهل التثبيت من مشرفنا العزيز تاورجي تحياتي |
رد: فتح باب القبول للأكاديمية السعودية للطيران المدني عام 1431هـ
الله يعطيكم العافية على الردود
وانت ماقصرت ياكنترولينو خير سابق في هذا المنتدى والاهم الاستفادة فقط واشكر اخ تاورجي على التثبيت وان شاءالله تعم الفائدة للجميع. |
رد: فتح باب القبول للأكاديمية السعودية للطيران المدني عام 1431هـ
يعطيك العافية يالغالي على النقل ..
قدمت عليه ,, لكن يا اخوان .. ياليت تعطونا معلومات عن هالقسمين وكيف طريقة عملهم : *تشغيل وسلامة المطارات . * الاطفاء والانقاذ . وبالتوفيق للجميع .. |
رد: فتح باب القبول للأكاديمية السعودية للطيران المدني عام 1431هـ
شكرا جزيلا عن جد موضوع صغير بس خطير)^_^(
|
رد: فتح باب القبول للأكاديمية السعودية للطيران المدني عام 1431هـ
اقتباس:
بالنسبة لقسم الإطفاء والانقاذ، فهو تخصص ممتاز وله مستقبل واعد ويتخرج الطالب بمسمى وظيفة ضابط إطفاء وانقاذ ويكون مسؤول عن عدد افراد او مايسمى بالفرقه . ويحصل ضابط الإطفاء على دورات خارجية واغلبها تكون في امريكا. وبالنسبة لتخصص سلامة المطارات ، فهو تخصص جديد وبما أنه جديد فمن المتوقع انه له مستقبل ممتاز جدا والمحظوظين هم اول دفعة تتخرج من هذا التخصص ويكون لهم نصيب الأسد في الطيران المدني. وهو خاص بسلامة الطيران وكل مايؤثر على الحركة الجوية. اتمنى اني افدتك بالمعلومات الصحيحة. الله يوفقك في القبول... |
رد: فتح باب القبول للأكاديمية السعودية للطيران المدني عام 1431هـ
طيب ليه ما فيها تدريب طيااارين :poster_spam:
يعني تخصص تدريب كاباتن:walq: |
رد: فتح باب القبول للأكاديمية السعودية للطيران المدني عام 1431هـ
سلام عليكم ورحمة الله وبركاته
انا قدمت العام وقبلوني ابشركم وانا الان ادرس فيها لي خمسة اشهر لاتفوتكم ياشباب اللي حاب يريح راسه من الجامعات وهم الجامعات لاتفوته يسجل فيها واذا انقبل يروح بدون تردد... |
رد: فتح باب القبول للأكاديمية السعودية للطيران المدني عام 1431هـ
تكفى ابو عزوز ابي اسالك كم سؤال
الحين انا قدمت في الموقع وان شاء الله اني مقبول ابي اسال عن اختبارات الاكادميه؟ وابي اسال كيف الدراسه عندهم صعبه ولا سهله والكشف الطبي اي يتناسب الطول مع الوزن ؟ |
رد: فتح باب القبول للأكاديمية السعودية للطيران المدني عام 1431هـ
تكفون ردوا انا في الجامعه ومادري وين اروح
|
رد: فتح باب القبول للأكاديمية السعودية للطيران المدني عام 1431هـ
السـلام عليكم ورحمة الله وبركاته .. وكل عام وانتم بخير ،
انا عضو جديد على هـ المنتدى الرائع .. حبيت اشاركم في الإستفسارات عن الأكاديمية السعودية للطيران المدني لأني بصراحه عندي كم سؤال ومحتار فيها .. انا بحثت عن إختصاص المراقبة الجوية ولقيت معلومات تقريباً كامله عن هـ الإختصاص وما قصروا الاخوان .. بس لما بحثت عن إختصاص " الإطفاء والإنقاذ " للأسف ما لقيت ولا معلومة .. لاني انا لما سجلت حطيت اول اختصاص إطفاء وإنقاذ لأني احب العمل هذا .. بس فيه كم سؤال وياليت اللي عنده معلومات يفيدني وجزاكم الله خير : 1. كم عدد ساعات العمل بعد التخرج هل هي 6 ساعات مثل المراقبة الجويه ؟ او يوجد فرق بينهما ؟ 2. هل يوجد في الجامعات المعروفه إختصاص " إطفاء وإنقاذ " وماادري الجامعات المعروفه في الدول العربية ام دول الغرب ؟ 3. كم اول مربوط من الراتب بعد التخرج ؟ 4. هل يوجد مميزات لمن يكمل دراستة في الولايات المتحده الامريكية . إذا كان الجواب نعم او اكيد . يا ليت تذكرونها لي ؟ آســـف على الإطاله ولكني محتاج لـ المعلومات عن إختصاص الإطفاء والإنقاذ .. واتمنى من لدية المعلومات ان يفيدني .. وجزاكم الله خير |
رد: فتح باب القبول للأكاديمية السعودية للطيران المدني عام 1431هـ
ياليت لو احد الاخوان يرد على الاستفسارات .. ونكون شاكرين له
|
رد: فتح باب القبول للأكاديمية السعودية للطيران المدني عام 1431هـ
اقتباس:
أي إختبار تقصد ؟ إختبار القبول أو إختبارات الدراسة في الأكاديمية ؟ بالنسبة لإختبارات القبول فماعندي فكرة عنها . والإختبارات في المعهد تكون بشكل دوري . الدراسة مهي صعبة ولاهي سهلة بس فيها تعب شوي وهذا طبيعي إذا كنت تبغى وظيفة بعد ما تتخرج لازم تشد حيلك . الكشف الطبي سهل والإنسان "العادي" يعديه بسهولة كلها شوية كشوفات بسيطة . طبعا الكشف الطبي هذا هو كشف طيران من الفئة الأولى وهو أسهل كشوفات الطيران . موفق إن شاء الله أخوي . اقتباس:
أنا من وجهة نظري الشخصية أن تطلب تخصص المراقبة الجوية أولا ثم تخصص تشغيل وسلامة المطارات ثم الإطفاء والإنقاذ. والسبب هو من ناحية مادية فقط وفرق الرواتب . وجميعها تخصصات مهمة ولا يمكن تقليل شيء منها. بالنسبة لساعات العمل فتختلف من مطار لمطار وأتوقع أن تكون بمعدل 6 ساعات في اليوم الواحد بنظام الشفتات/ الورديات . بالنسبة لإكمال الدراسة فلا يتوفر لتخصص الإطفاء والإنقاذ شهادة جامعية متخصصة . فقط موجودة في المراقبة الجوية وفي تخصص تشغل المطارات وفي تخصص السلامة الجوية . ولكن الإبتعاث لإكمال الدراسة في الخارج بعد التخرج من الأكاديمية فيه بعض المعوقات الإدارية حاليا ولكن ليس مستحيل . بالنسبة للرواتب فممتازة جدا والحمد لله والشكر . موفق إن شاء الله. |
رد: فتح باب القبول للأكاديمية السعودية للطيران المدني عام 1431هـ
كم فرق الراتب بين مراقبه جويه وبين اطفاء وانقااذ
وسلامه وتشغيل المطارات < كيف راح يكون عملهم يعني امن الطيران ولا وشو |
رد: فتح باب القبول للأكاديمية السعودية للطيران المدني عام 1431هـ
وتعبناك معنا باسلتنا جزااك الله خير
|
رد: فتح باب القبول للأكاديمية السعودية للطيران المدني عام 1431هـ
الفرق بالظبط ماني عارف والله لاكن فيه فرق كبير لصالح المراقبة الجوية بالنسبة لسلامة وتشغيل المطارات فهذا قسم جديد وما عندي خبر عن مميزاته ودوامه .. ولكن (وجهة نظري) أنه تخصص ممتاز ومستقبله جيد للشطار . المهم المراقبة هي الأفضل بدون أي شك . موفق. |
رد: فتح باب القبول للأكاديمية السعودية للطيران المدني عام 1431هـ
متى العادة تعلن نتائج القبول هل بعد ماينتهي التسجيل مباشرة ولا كيف ارجو الرد الله يوفقكم؟؟؟
|
رد: فتح باب القبول للأكاديمية السعودية للطيران المدني عام 1431هـ
...معليش على التأخير... انتهت فترة التسجيل لهذا العام والمقرر في 17 - 9 بخصوص الاعلان عن النتائج كالمعتاد انها بعد اسبوع من انتهاء التسجيل ولكن بحكم الاسبوع الجاي آخر اسبوع فاحتمال مؤكد بنسبة 99% ان المقابله الشخصية تكون في شهر شوال بعد العودة من عطلة العيد موفقين للخير ان شاء الله |
رد: فتح باب القبول للأكاديمية السعودية للطيران المدني عام 1431هـ
انا نسبتي 89.61 واخذت في التحصيلي 73 وفي القدرات 70 وفي الأنجليزي 96 تتوقعون ياخذوني انشالله؟؟؟
|
رد: فتح باب القبول للأكاديمية السعودية للطيران المدني عام 1431هـ
الله يعطيك العافية يا " تأبط خيراً " ما قصرت على المعلومات الحلوه . وجهة نظرك في محلها . بس ياليت لو تذكر لي كم راتب المراقب الجوي وكم راتب الإطفاء والإنقاذ لأني والله محتار .. بعدين . عندي سؤال أخير :
.. أقدر أحول الإختصاص إن شاء الله إذا درست في الأكاديمية ولا فيه عقد على اني أبقى بالإختصاص اللي انا سجلت فيه .. وجزاك الله خير .. |
رد: فتح باب القبول للأكاديمية السعودية للطيران المدني عام 1431هـ
ولا يهونون بقية الأخوان .. اللي عنده معلومه عن سؤالي يا ليت يفيدني . وإن شاء الله ماراح أنسى لكم هذا المعروف .. ودمتم بـخير
|
رد: فتح باب القبول للأكاديمية السعودية للطيران المدني عام 1431هـ
D.J 999 مشاء الله عليك . نسبتك حلوه والأحلى درجتك في الإنجليزي لأنه شيء مهم في الأكاديمية بحكم ان اول سنه تكون كورس مكثف في هـ اللغه مثل ما قالوا الأخوان .. وبالأول والأخير . التوفيق عند الله سبحانه .. إذا قبلوك هذا فضل من الله . وإذا ما قبلوك أمكن انها خيره لك .. والله كاتب لك خيراً منها . تقبل مروري .
|
رد: فتح باب القبول للأكاديمية السعودية للطيران المدني عام 1431هـ
ااااااب لعيونك
|
رد: فتح باب القبول للأكاديمية السعودية للطيران المدني عام 1431هـ
اقتباس:
بس وش دخل الاطفاء وانقاذ في تخصص علمي وش دخل القدرات في هذا وظيفة يعني ال بيصعبونه على ناس ماقول ال الله يكون في العون |
رد: فتح باب القبول للأكاديمية السعودية للطيران المدني عام 1431هـ
ياااااجماعه السلام عليكم
ماعليش الدخله غلط. لكن انا خريج ثانوي قدمت على هيئة الطيران المدني وانا ماعندي معلومات عنها فانتم اهل الخبره وتعرفون اكيد اللي عنده معلومات عنها شافيه وافيه يقولي عن دواماتها وعن رواتبها وعن مكان التعيين وهل يمديني انقل وعن افضل تخصص وهل الوظيفه حكوميه وهل تنصحوني فيها ودوامها كيف كرف والا عادي وتسلمون |
رد: فتح باب القبول للأكاديمية السعودية للطيران المدني عام 1431هـ
والله يااخوان ما ادري وش اقلكم الاكاديميه كانت معهد وهذا الكلام قريب يعني انا عندك قاعد ادرس فيها ولقيتلي طلاب فيها توهم تخرجو على ايام المعهد رواتبهم تقريبا :
المراقب الجوي 8100 غير بدل السكن ومكافاة رمضان مدري اش قصتها هذي مكافاة رمضان يعطونك راتب زياده قبل رمضان . ظابط اطفاء 8400 غير ............. بس اللي سمعته ان المراقب الجوي في العلاوات افضل لانه شغله اصعب من الاطفاء يعني لا يغرك الراتب اللي في البدايه راح يكون افضل منك المراقب مستقبلا قديش راح يكون افضل؟ ما ادري بصراحه . هذي الرواتب لما تتخرج من معهد التدريب حاليا اكاديميه وعلى ما سمعنا راح يكون فيه فرق في الراتب بيننا وبينهم لاننا راح ندرس 3 سنوات بينما هم دارسين سنتين وبخصوص اختبار القبول لاتشيل همه بسيط بس راح يعتمد على لغتك الانجليزيه لان الاختبار تحديد مستواك في اللغه اذا ارسلولكم رسائل بلغوني لاني راح اقلكم الطريقه بالتفصيل اش راح تسوي لما تروح هناك .... |
رد: فتح باب القبول للأكاديمية السعودية للطيران المدني عام 1431هـ
جزاك الله خير ابو العز نبيك تكون معانا خطوه بخطوه
|
رد: فتح باب القبول للأكاديمية السعودية للطيران المدني عام 1431هـ
انشاءالله ما انشغل واكون موجود على طول ...
|
الساعة الآن 07:53 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.