قريت كثير لاكني ضايع / افيدوني
بسم الله الرحمن الرحيم
السلام عليكم و رحمة الله و بركاته .. اشكر اخواني القائمين على نجاح هذا الموقع ليستفيد للجميع ان شاء الله هذي مشاركتي الاولى و ان شاء الله ماتكون الاخيرة انا كان عندي هدف من وانا صغير اني اكون طيار مدني لكن بفترة الثانوية ربي ماكتبها لي اني ادرس و بعد ما خلصت الجامعة و حصلت على شهادة باكلوريوس في ادارة الاعمال رجع لي الحلم و سمعت انه فيه امكانية اني اكون طيار مدني حتى بعد ما اخذت الباكلوريوس في مجال اخر .. عندي بعض الاستفسارات و ان شاء الله تفيدوني هنا : 1- هل صحيح الكلام اللي سمعته اني اقدر اكون طيار مدني بعد تخرجي من الجامعة بتخصص مختلف؟ 2- كم تكلفت الدراسة في امريكا اذا باخذ رخصة ATPL ؟ 3- كم مدة الدراسة التقريبية ؟ 4- ايش افضل الاكاديميات الامريكية ؟ مع العلم اني تواصلت مع اكاديمية phoenix east aviation في فلوريدا 5- كيفية الدراسة و كيفية التدريب للاشخاص اللي تدربوا ؟ شكرا لكم جميعا و اتمنى انكم تفيدوني .. |
رد: قريت كثير لاكني ضايع / افيدوني
اقتباس:
وعليكم السلام ورحمة الله وبركاته أخوي محمد وحياك الله بموقع خط الطيران وأسئل الله التوفيق لك وللجميع لتحقيق مايطمح للوصول له فبداية كل حلم هي الإرادة والعزيمة والأصرار بعد التوكل على الله فحلم الطيران سهل كدراسة مع وجود الحماس وسوف أجيب على أسئلتك سؤال بجواب 1- هل صحيح الكلام اللي سمعته اني اقدر اكون طيار مدني بعد تخرجي من الجامعة بتخصص مختلف؟ غير صحيح فرخصة الطيران مجرد أضافة للشهادات الجامعية ولاتؤثر على قبولك بل العكس قد تزيد من فرص قبولك 2- كم تكلفت الدراسة في امريكا اذا باخذ رخصة ATPL ؟ طبعا بالبداية رخصة ATPL هي أعلى رخصة طيران بمجال الطيران ولها شروط أهمها وأولها الحصول على 1500 ساعة طيران فعلية وطبعا 1500 ساعة مكلفة جدا لأن أغلب أكاديميات الطيران حول العالم تعطيك برنامج رخصة CPL ...commercial pilot license ساعات طيران بين 180 الى 250 وسعرها بأمريكا يختلف من أكاديمية لأخرى لكن بالمجمل الأسعار بين 48000 دولار الى 55000 دولار والرخصه هذي تؤهلك للعمل كطيار تجاري وأكثر شركات الطيران عند التقديم على الوظيفة تكتفي برخصة CPL وخاصة بالسعودية ومع الوظيفة تقدر توصل 1500 ساعة وتقدم على رخصة ATPL وأنت على رأس العمل لكن البعض يفضل ATPL عشان تعطيه فرصة أفضل وأحقية بالتوظيف ونصيحتي لك قدم على رخصة CFI مدرب طيران بعد ماتخلص رخصة CPL عشان تجمع 1500 ساعة او تحصل وظيفة نقل بضائع وبصراحة رخصة ATPL قبل الوظيفه متعبه جدا عشان شرط ساعات الطيران وكانت تجربتي فيها متعبه جدا 3- كم مدة الدراسة التقريبية ؟ رخصة الطيران التجاري CPL تعتمد عليك وعلى الأكاديمية ممكن تخلصها ب 8 شهور او سنه ونصف لأنها ساعات وأختبارات ممكن تنجح من أول أختبار او سادس أختبار لكن بالمجمل سنة دراسه طبعا هذا غير رخصة ATPL وشرحها سبق ذكره 4- ايش افضل الاكاديميات الامريكية ؟ مع العلم اني تواصلت مع اكاديمية phoenix east aviation في فلوريدا للأسف ماقدر أفيدك لأن دراستي ماكانت بامريكا ممكن الزملاء يفيدونك 5- كيفية الدراسة و كيفية التدريب للاشخاص اللي تدربوا ؟ الدراسة نوعين قراوند سكول و طيران فعلي الدراسه الأرضيه دراسة نظرية دراسة المواد والطيران التشبيهي كتاب فيه 570 سؤال عن الوزن والتوازن والطقس والملاحة والمطارات والمجال الجوي وسلامة الطيران وبعدها يبدأ تدريب الطيران التشبيهي وبعدها المرحلة الثانية الطيران الفعلي مع المدرب مدتها 40 ساعة طيران تكون بعدها مؤهل لأختبار رخصة PPL رخصة طيار خاص اختبار عملي وتحريري وتضيف عليها ساعات SOLO وبعدها تتعلم الطيران الألي IR .. Instrument Rating انك تعتمد على عدادات الطائره بدون المحيط الخارجي بحركة الطيران بالجو بالظروف الطارئة ( أنعدام الرؤية ) وهي ساعات على السيمليتور واختبارات ME .. Multi engine وبنهاية الدراسة تدخل اختبار CPL وتكون جمعت ساعات طيران بين 180 الى 250 حسب الأتفاق بينك وبين الأكاديمية بالنهاية تكون معك الرخصة الأساسية CPL/PPL/ME/IR ونصيحتي لك اذا تبي رخصة ATPL تتفق معهم بأضافة رخصة CFI من ضمن الرخص مع ضمان الوظيفة عشان تجمع ساعات 1500 ساعه بالنهاية أتمنى أكون أفدتك وأفدت الجميع وبالتوفيق للجميع |
رد: قريت كثير لاكني ضايع / افيدوني
وعليكم السلام ورحمة الله وبركاته
هنيئاً لك وبالعكس خطوة اخذ شهادة البكالريوس ممتازة جداً والعمر ماشاء الله لسى قدامك 1-إذا كنت سعودي كل ماعليك تستوفي شروط شركة الطيران السعودية ال(ATPL) انت في غنى تام عنها, نعم من الممكن بعد استيفاء شروط الخطوط التي ترغب في التقديم لها. 2-تكلفة الدراسة في حال دخلت مدرسة بتقدملك الTimeSharing ما بين 38-50 ألف دولار كرسوم الدراسة فقط. 3-مدة الدراسة من 5 -16 شهر(لمتطلبات الخطوط السعودية) انت واجتهادك والمدرسة الي تختارها 4- الأفضل تبحث عن مدارس او اكادمية (تقيم المدرسة على: جودة صيانتها-عدد طائراتها ومدربينها مقارنة بالطلاب-سعرها-صلاحياتها في تسهيل امورك الدراسية) 5- يفيدوك الشباب باقي مادرست بالتوفيق لك وحاول تتصفح المنتدى بتحصل الكثير من المعلومات والتجارب من الطلاب من كافة الدول العربية |
رد: قريت كثير لاكني ضايع / افيدوني
اقتباس:
ت ت ت ت تت ت ت ت تت ت |
الساعة الآن 03:02 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.