طيار باراموتر يتلف معداتة
 

السلام عليكم

شفت هذا المقطع واستغربت الحادث وردة فعل الطيار للسيطرة على الموقف ..كان طفأ المحرك والا ايش رايكم ..

https://www.youtube.com/watch?v=Eu_vkW8T01I

مشكور اخوي على المقطع
ويعطيك الف الف عافية
هو المفروض يشيك على المحرك
وتقبل مروري

الطيارين محترفين
لكن هذا أحد عيوب هذا النوع من المحركات
كانت المشكلة في الثرتل , علق معاه


وهذا تحذير من أحد أشهر مواقع البراموتر عن مشكلة هذا الثرتل ...

You must be holding the grip, depressing the right lever before you can activate the throttle. This will prevent many inadvertent runups to full power. It's not foolproof, still check the throttle at the carb!


مادري ليش ذكرني المقطع بسيارات الجيب Toyota Land Cruiser :infomilies33:

الله يحفظنا وياكم ,
وشكرا على المشاركه ياكابتن .

اشوى مضلة خويه سلمت
وما ندري يمكن علق معه البور .
يعطيك العافية يا بو قصي

الله يعطيك العافية بو قصي على هالاطلاله بالمقطع ..
انا توقعته ابو حسن قلت شكله عزل من الطيران بعد كل حادث ينقص من اعضاء جسمه حاجه اذكر ما بقي الا اصبعين للثرتل هههه ( بمسّي على الكابتن بو حسن ازا بيحضرنا هلاّ)

بالنسبة للمقطع
الله يستر والله فكه الله والا كان المروحة لقطت احد الحبال ولفته عليه بصورة او بأخرى..

صح عليك كابتن عبده ماكان مواجه الهواء.
اللي لخبط ام السالفة قوة الروتيشن تورك اللي هي عزم الدوران للمرحة خلاه يلف ويمسك الحبال
لكن من وجهة نظري ان الثرتل لازم تحط احد الاصابع تحت دعسة الثرتل ويكون اصبع السبابة عشان لو صار تعليق تقدر ترجعه باصبع السبابة بسرعة بعكس لو كنت ماسكه بكل الاصابع ربما تحتاج الى ثانية او ثانيتين عشان ترجع الثرتل لمكانه والحوادث تكون بأجزاء من الثانية...

اذكر موقف صار لي اثناء التدريب تقريبا اول ثلاث طيرتين لي (رقعها عاد) قبل الهبوط لازم اطفي المحرك لاني ما كنت متقن الهبوط والمحرك شغال المهم جيت بطفي ما رضي مرة مرتين مافي فايدة على طول راح تفكيري انه بيصير شئ مو طبيعي بالهبوط وزادت دقات قلبي وانا اكلم المدرب قلت: عيا يطفي عيا يطفي(عيا: رفض خخ) وبكل هدوء قال لي المدرب شوف ورا الكرسي من الشمال فيه زر حاول انك تطفيه حاولت انا ودربكة امام المرمى وكان بعيد الزر ولفيت جسمي بقوة حتى ان الهارنس جاله شد عضلي الزبدة اني ما حصلته وهبطت بالبركة كذا والكيج صار له طعجة خفيفة ولكن الله ستر...
هالموقف يلزمنا اننا نحط مفتاح تأمين لو حصل شئ بالطفاي نلجأ له قبل حدوث كارثة.

بانتظار تعليق بقية الكباتن لنسفيد من هكذا دروس.
شكراً والرب معكم

اشكرك ابو قصي على هذا المقطع وذالك للفائده ,,,,, الثرتل علق عليه , والرجال والله أعلم توه مبتدي وحصل عنده أرتباك لأن كان عنده وقت كافي من أجل أن يطفيء المحرك , , , , , نستفيد من هذا الخطاء التشييك على المحرك كامل وخاصه على السوتش للتطفئه والثرتل من التعليق ,,, والهدوء عند وقوع أي اشكال , لأن الهدوء يبعد ألأرتباك , ويوصلك للحل السليم

حياكم الله جميعا ياشباب... وان شاء الله تمت الاستفادة واخذ الحيطة لمثل هذه الامور ... الله الحاقظ لتا جميعامن كل مكروه قولوا امييييييييييييين.

تعليق واضح لدواسة البنزين ..

السلام عليكم ورحمة الله وبركاته
فالبداية أشكر صاحب الموضوع والزملاء المشاركين
ثانيا لدي ملاحظة بسيطة أذا تسمحون يا أخوان:-
التعليق على مقطع من خلال المشاهده فقط في نظري اغلب الاخوان
ينقسمون فيه على قسمين:
1-واحد يحكم ويجزم ويقل الطيار كذا وكذا أو غير ذلك وهذا غلط لأنه لا يلم بتفاصيل الحادث فكيف يحكم.
2-واحد يقول في نظري أنه كذا وكذا وهذا الصح في نظري.
لذا الأفضل لنا أن نرتقي بالتعليق حتى نصل إلى أفضل طرح ونقاش مفيد.