أنا أحمد من البحرين .. ياريت ترحبون فيني
 

السلام عليكم ورحمة الله وبركاته

اللهم صلي على محمد وآله وصحبه الطيبين الطاهرين ..


تحياتي العطرة والطيبة ..لأدارة الموقع .. وإلى كل الأعضاء ..

أولاً : بعرفكم بنفسي ..

الأسم : أحمد .
الشهرة : أحمدي .
العمر : 17 سنة .
الجنسية : بحريني .
البلد : البحرين .
المهنة : طالب في المدرسة الثانوية .
التخصص : تجاري - ثاني سنة .
الهوايات : تعلم اللغات ، القراءة ، التعارف ، كرة القدم وجميع الرياضات .
الطموح : طموحي غريب .. بس لا شيء مستحيل .. طموحي أني أدرس جميييع تخصصات الهندسة في الطيران .. وأدرس الطيران بكل أنواعه .. الحربي والمدني.. وجميع رخص المدني ..

أتمنى أني عرفتكم بنفسي .. وأي أحد يبي يتواصل معي .. ياريت يراسلني على الخاص ..

أنا أحب الطيران .. كنت أدخل وأقره المواضيع في هذا الموقع أكثر من 3 أشهر .. وتأسفت لأني ماسجلت فيه .. اليوم مارحت المدرسة .. قلت خلني اسجل في أحلى منتدى شفته لحد الحين يعني ..

من خلال قرائتي في مواضيع المنتدى .. عرفت أنه أهم شي اللغة الأنكليزية في المووضع .. سواءً لدراسة الطيران .. أو دراسة الهندسة ..

فـأول شي سويته .. رحت سجلت في المركز الأمريكي .. وسجلت عندهم من شهر .. كانت الدراسة على حسابي .. وكنت في المستوى الثالث .. في البداية كلش .. والحمد لله تفوقت في الدورة الأولى .. وكنت الأول في الدورة .. بس للأسف ماقدرت أواصل الدراسة عندهم .. هذا الكورس بسبب المبلغ المالي ..
الله يحب عباده .. ومايرد أحد في الدعاء .. ((أدعوني أستجب لكم)) .. كنت متضايق .. قلت خلاص حلمي في الطيران صار طيران اذا ماقويت لغتي ..
آخر يوم في الكورس .. كان الأستاذ يتكلم معانه .. ويسولف الأستاذ أمريكي الجنسية ..
سألنه من اللي بسجل ومن مابسجل .. طبعاً انا قلت له مابسجل .. وكنت متضايق وانا اقول له .. الأستاذ مالنه واااايد حبوب .. وطييييب لدرجة كبيرة ..
في نهاية المحاضرة أقال لي مابتواصل .. قلت له عن المبلغ ماعندي وجذي يعني .. الأستاذ تم يضحك .. قال لي مو مشكلة هذي انت شاطر ومو مشكلة .. انا انقهرت يوم شفته يضك .. قال لي عطني رقمك وماعليك من المبلغ ..
بعد أسبوع تقريباً .. اتصلوا لي المعهد .. انا قلت حق الشهادات .. قالوا لي اليوم عندك محاضرة .. انا استغربت قلت لهم انا ماسجلت .. قالوا انت الحين تدرس على حساب السفارة الأمريكية .. الصراحة طرت من الفرح .. وهذي الدراسة بتكون سنتين على حسابهم ..
------------
طولت عليكم .. وقلت لكم قصة بدايتي ..

تحياتي للجميع ..
أحمدي16

رد: أنا أحمد من البحرين .. ياريت ترحبون فيني
 

رد: أنا أحمد من البحرين .. ياريت ترحبون فيني
 

رد: أنا أحمد من البحرين .. ياريت ترحبون فيني
 

الله يوفقك اخوي احمد ان شاء الله

وعلى فكرة..بما انك بحريني يمكنك الإستفادة من برنامج بنك البحرين للتنمية لإبتعاث الطيارين بالتعاون مع تمكين

تحياتي

رد: أنا أحمد من البحرين .. ياريت ترحبون فيني
 

شكراً عزيزي edge على مرورك .. عطرت موضوعي ..

المنتدى منور بوجودك عزيزي ..

وشكراً على النصيحة ..
أتمنى أني أتعرف عليك وأستفيد من خبراتك في الطيران :crazy_pilot::crazy_pilot: وفي الحياة بشكل عام :mic-me:

تحياتي ..
أحمدي 16

رد: أنا أحمد من البحرين .. ياريت ترحبون فيني
 

شكراً عزيزي أبو زياد على مرورك .. الصراحة لي الشرف أنك ترد على موضوعي .. تعطر الموضوع بوجودك .. إن شاء الله أستفيد من خبراتك ومن خبرات الأخوان الأعضاء والأداريين ..



إن شاء الله على طول على الطريق الصحيح .. وهذا الشيء بفضل نصايكم وتوجيهاتكم لي ..
وإن شاء الله تصير الدراسة سهلة .. ومافي شي مستحيل في الحياة أو صعب .. بالإرادة كل صعب يصير سهل ..



حبي للطيران كبيييييييييييييير .. وعطاني أصرار وعزيمة في أشياء وااجد .. يمكن أكبرها قلل خوفي من الأماكن المرتفعة ..
وصحيح مثل ماقلت دراسة الطيران تحتاج لصبر وطولة بال .. وانا بالي طوييييييييل

تسلم مره ثانية على مرورك .. وأتمنى أني أستفيد من خبراتك

تحياتي ..
أحمدي 16

رد: أنا أحمد من البحرين .. ياريت ترحبون فيني
 

تسلم أخوي إمبراطور الطيران ..
ياريت تخبرني أكثر عن برنامج بنك البحرين للتنمية ..

وأتمنى أني أتعرف عليك .. وياريت تكلمني عن مشوارك في دراسة الطيران .. بما أنك بحريني .. راح أستفيد من الصعوبات اللي واجهتك ..وراح أتجنبها

تحياتي ..
أحمدي 16

رد: أنا أحمد من البحرين .. ياريت ترحبون فيني
 

رد: أنا أحمد من البحرين .. ياريت ترحبون فيني
 

رد: أنا أحمد من البحرين .. ياريت ترحبون فيني
 

رد: أنا أحمد من البحرين .. ياريت ترحبون فيني
 

احمدي والله سطورك كلها حماس مشتعل وطموح مابعدة طموح وانا اتنبألك بمستقبل نادي مشرق بأذن الله

واتمني لك النجاح فيما ترغب ونصية مني تابع بدأب دروس المنتدي وسوف تساعدك في تنمية خبراتك حتي قبل الالتحاق بالدراسة الفعلية
https://air.flyingway.com/up/dec/abfff6e004.gif

رد: أنا أحمد من البحرين .. ياريت ترحبون فيني
 

رد: أنا أحمد من البحرين .. ياريت ترحبون فيني
 

رد: أنا أحمد من البحرين .. ياريت ترحبون فيني
 

اهلأ وسهلأ اخونا الله يحققلك كل احلامك

رد: أنا أحمد من البحرين .. ياريت ترحبون فيني
 

يا هلا و100 مرحبا فيك بيننا اخي الكريم