التزكيه الأمنيه ..
 

السلام عليكم ورحمة الله وبركاته

اخواني اعضاء منتدى الطيران اسعد الله مساكم
عندي استفسار،
ولله الحمد في تاريخ 10/10/1437 هـ سويت مقابله شخصيه مع شركة الفا ستار على وظيفة مرحل جوي ولله الحمد انقبلت وتوقع العرض الوظيفي ولكن على حسب كلام الموظف لي بأن التعين بعد التزكية الأمنيه ولي الان ما يقارب الاربع شهور ولا اعلم كم مدة التزكيه .
اذا من الاخوان عنده فكره عن هذا الموضوع لا يبخل علي لان والله شايل همها ولا ارتاح الا عقب ما اداوم اول يوم .

تحياتي ..:shamrock:

رد: التزكيه الأمنيه ..
 

الله يسرها ويرد علينا واحداً نشمي له خبره بهالامور

رد: التزكيه الأمنيه ..
 

غريبه .. مافي شخص عنده معلومات عن التزكيه الامنيه ؟

رد: التزكيه الأمنيه ..
 

تطول ..
لكن امورك طيبه دام طلبوا لك تزكيه ..

نشوفك قريب معنا يا زميل

رد: التزكيه الأمنيه ..
 

حياك الله اخوي رائد القرني

صحيح انها تطول يابعد راسي ولكن هل تعتقد انها من تاخذ اكثر من 6 شهور
على حسب كلام لااخوان بالمنتديات الاخرى ؟

ان شاءالله تتيسر ونشوفكم عن قريب
تحياتي

رد: التزكيه الأمنيه ..
 

ايش يعني تزكيه امنيه

رد: التزكيه الأمنيه ..
 

احياناً تطول واحياناً ما تتعدى 3 شهور
عموماً ترى انا جلست 8 شهور :D

رد: التزكيه الأمنيه ..
 

الله يعين ويساعد ويعجلبها على خير ان شاءالله
ان شاءالله تتيسر معي ومع كل مسلم يارب
لكن سؤالي الله يطولي عمرك مجرد ما توصل التزكيه الامنيه إلى الشركة
على طول يرسلون لي الجوب اوفر او في تأخير ؟

شكراً لك اخوي رائد

رد: التزكيه الأمنيه ..
 

التزكية الأمنية :
هي خطاب ترفعه الشركة للجهات الأمنية لفحص الموظف المقدم للوظيفة وهي خطوة طبيعية جداً .. وتستبدلها بعض الشركات بالبصمة في المباحث للتأكد من خلو المتقدم للوظيفة من أي شبهه جنائية ..

بالنسبة للتزكية الأمنية تأخذ فترة قد تصل إلى سنة والبعض ماتطول معه ..
ولكن اذا مرت فترة على رفع التزكية الأمنية لا يضر ان تسأل الشركة عن حالة التزكية خاصة ان هناك أوراق كثيرة ترجع واوراق يوافق عليها .. ولم يتنسى الوقت للاتصال بالموظف .. ف راجعهم احسن

رد: التزكيه الأمنيه ..
 

مشكور اخوي نواف الله يوفق الجميع ويعجلبها على خير ان شاءالله وكل تأخيره فيها خيره بأذن الله :shamrock:

رد: التزكيه الأمنيه ..
 

في تصوري لو المتقدم للوظيفه يخلص اجرائاته بنفسه تكون اسرع واريح نفسيا له .. بدال ما يكون تايه وعلى انتظار دايم ..


الله يقويك والله انا ابحث عن وظيفه وقدمت عليهم عن طريق الموقع ورحتلهم شخصياً لاكن مازلت انتظر وان شالله خير

رد: التزكيه الأمنيه ..
 

السلام عليكم ياأخوان
وإن شاء الله إنكم جميعا بصحة وعافية

سؤالي: هل أحد يعرف كم راتب Crew Scheduler ؟

رد: التزكيه الأمنيه ..
 

والله ياخوي معتز هذا سابع شهر لي وانا انتظر التزكيه
والمشكله موب من الشركة المشكله من موظفي الادارات .. عندهم اهمال موب طبيعي .. والمعاملات ترسل بشكل سري ورسمي المشكله موب هنا
المشكله من اهمالهم اقسم بالله ملييييييييييت

رد: التزكيه الأمنيه ..
 

هلابك اخوي وعليكم السلام والرحمه ..
اخوي تنسيق الجداول حسب الدرجة اللي انت عليها
فأذا انت على الدرجه السادسه ممكن 6900 ريال