بحقق طموحي جاوبوني ✈✈
 

السلام عليكم جميعا 🤚🏻

ابي ادخل بالموضوع على طول انا سعوديه و حابه ادرس طيران بالامارات و دخلت مواقع كثيره و اجابات واجد و اراسل الكليات هل هي على حسابي او لا ولا يردون ..
ان شاء الله انكم تساعدوني 😍

المهم ابي اعرف الفرق بين دراسه الطيران ( 4 سنين و سنتين ونص )
لانه قالو سنه بالامارات و سنه باستراليا ترجعين ( مساعد طيار ) هل هذا صحيح ؟؟؟؟
يعني ما المطلوب مني من ناحيه الدراسه و عدد السنين لاتخرج بـ مسمى ( كابتن ) او ( مساعد طيار )
ارجو انكم فهمتوني و اسفه ع الاطاله ...

رد: بحقق طموحي جاوبوني ✈✈
 

السلام عليكم ورحمة الله

1. الدراسة على حسابك الخاص (ما لم تكوني قد أبتعثتي من الدولة أو أي شركة)
2. الدراسة سنتين ونصف تعادل دبلوم عالي بالطيران ما بعد الثانوية العامة.
3. الدراسة أربع سنوات فما فوق فهي تعادل بكالوريوس طيران.
4. تحتاجي إلى إجادة اللغة الأنجليزية تخدثاً وكتابة مع أجتياز أختبارات: أختبار اللغة ELPT English Language Proficiency Test
5. تكاليف دراسة الطيران بالمتوسط ما بين 200 الى 300 الف ريال سعودي أو ما يعادلها

هل شهادة c.p.l هي تكملة لشهادة p.p.l وهل شهادة c.p.l كافية للعمل كطيار - :: Flying Way ::

رد: بحقق طموحي جاوبوني ✈✈
 

طيب معلييش الدبلوم العالي يفيدني يعني اتخرج مساعد طيار ولا لازم بكالوريوس ؟؟

يعطيك العافيه

رد: بحقق طموحي جاوبوني ✈✈
 

يعتمد على سياسة الخطوط التي ترغبين في العمل لديها وليس بالشهادة
مثال/
احمد درس بكلريوس طيران في الفلبين
خالد درس طيران فقط وحصل على الثلاثة رخصة ppl-ir-cpl
احمد وخالد عادلو الرخص الى رخص(GACA)
بنظام التوظيف الحالي في الخطوط السعودية سيمرون في مسار توظيفي واحد ولا فارق بينهم
-وإن اخطئت راجياً من الاخوان التصحيح

رد: بحقق طموحي جاوبوني ✈✈
 

السلام عليكم
واضح ياختي العزيزه ان كمية المعلومات التي لديك قليله جدا وان شاءالله راح اوضح لك كل شي
اول شي عشان تدرسين طيران لازم تختارين الخطوط الي تبين تعملين فيها مثل الخطوط السعوديه او الاماراتيه وتختلف كثير بين الرخص السعوديه تدعم الرخص FAA
اما الامارات وشركات الطيران هناك تدعم الرخص الاوربيه
اذا انتي ناويه تعملين في المملكه العربيه السعوديه راح تحتاجين لرخص امريكيه
واسهل لك اطلعي ادرسيهم في امريكا
اما اذا تبين تعملين في الامارات او احد الدول الاوربيه راح تحتاجين رخص اوربيه
وانا متاكده ان الاكاديميات الي بالامارات و راسلتيهم تقدم لكم الرخص الاوربيه
افضل اكادميه في العالم اكسفورد وسعر الدراسه عندهم مبالغ بس بتكونين خريجة اكسفورد والشركات راح تختارك وتفضلك عن غيرك وكمان اكسفورد عندهم بارتنرشيب مع شركات بس كلها في اوربا يعني ممكن تحصلين وظيفه هناك
ثاني شي واهم شي
الصحه البدنيه .. لازم تكونين خاليه من الامراض المزمنه واصعب شي في مهنة الطيران انك لو قدر الله واصبتي بمرض راح تخسرين وظيفتك
ومدة الفحص الطبي تكون دائمه يعني لازم يسون تشيك عليك وعلى صحتك كل سنه او كل 6 شهور
الاكادميات اسعارها غاليه جدا اذا توفر معك المبلغ تمام واذا ماتوفر ممكن الخطوط السعوديه تفتح ابتعاث وتبتعثين لدراسه وظيفتك جاهزه
بس للان محددو متى
نرجع لموضوع الدراسه وهو تكون مدته سنه و 8 شهور وتاخذين الرخص وتكونين مكمله 250 ساعه تقريباً ( المشكله 250 ساعه ماتوظفك الشركات تطلب 1500 ساعه )
وتروحين تدوين لك عدد ساعات اما انك تدفعين لشركه لحد ماتكملين الساعات
او تدفعين للاكادميه والسعر والتكلفه غاليه جداً وهذا اسوا شي فيها
بس عندك اكادميات يعطونك 1500 ساعه مع شركات محدده بس سعر الدراسه سعر غالي جدا
مثل اكادمية الفا تعطيك تعاقد مع شركة العربيه 1500 ساعه يعني تقريبا سنتين بعد ماتخلصين دراسه والخطوط العربيه راح تتمسك فيك لنهم يبونك تكملين معهم بس عاد ذا الشي راجع لك
في حال حصولك على 1500 ساعه اي شركه بالعالم تقدر توظفك بشكل رسمي بشرط الصحه البدنيه
الموضوع جدا كبير وماقدر اوضحه لك بسهوله بس اطلب منك ان تقراي كثير اقري عن الاكادميات ترا في اكادميات يستغلون الطلبه يستغلونك مادياً
اعرف ناس درسو في اكادمية الفا لطيران بالشارقه واخذو 1500 ساعه طيران مع العربيه
وحياتهم ماشيه تمام الحمدلله بس السعر قوي جدا 570 الف ريال سعودي من غير مصاريفك الشخصيه ( وعليك شرط الزامي 100 الف دولار اذا تركتي العربيه ماكملتي معهم 1500 ساعه) تقريبا 300 الف ريال وشوي
الشرط الالزامي يخوف بحيث ممكن العربيه راح تشغلك وتكرفك بدون مرتب كويس 1500 ساعه تقريبا سنتين يعني يبيلك صبر

وعندك اكادمية اكسفورد سعرها 400 الف وشوي من غير مصاريفك

الاسعار جدا غاليه
وان شاء الله اني افدتك