|
طلب المساعدة من الاخت برنسيسه
السلام عليكم ورحمة الله وبركاته
انا كنت بعتلك قبل كدة وسالتك عن كورسات مصر للطيرا ن وانا الحمد للة بالفعل بدات وخلصت اول لفل لكن انا محتارة مش عارفة هو من المهم اكمل ولا اخذ كورس فى السيستم ولا انزل تدريب فى شركة من الشركات السياحيه انا محتارة جدا وانا مش عارفه اية الفايدة من الكلام النظرى مع ان المهم هو الشغل على السستم كمان انا فى الاسكندريه ومفيش حد بيدى كورس اماديوس معتمد انا محتارة جدا ارجو المساعدة ولكى جزيل الشكر |
رد: طلب المساعدة من الاخت برنسيسه
يارب اى حد يرد عليا انا محتاجة اى حد يطمنى
|
رد: طلب المساعدة من الاخت برنسيسه
السلام عليكم ورحمة الله وبركاتة
مبروك عليكي الباسيك يانسمة وان شاء الله تكوني استفدتي بس انا رايي ان مفيش حد اختار انة ياخد الاولاني بس الا وبعدها وجد انة لابد وان يستأنف وياخد الانترمديت والادفانسد اصل بصراحة واحد بس مالوش لازمة انتي بالتلاتة بتاخدي 35نقطة من الاياتا وغير كدة كفاية انك بتاخديهم عن طريق مصرللطيران يعني بردة حاجة ممتازة بصي انتي ابتديتي وان شاء الله لازم تكملي للاخر حتي الادفانسد وبعدها ممكن تتدربي عملي في احدي مكاتب الشركة ولو انك وبصراحة مش هتستفيدي لان كل واحد بيستأثر بالمعلومة لنفسة اكنة محتفظ بسر حربي بس يمكن يكون الامر عندك مختلف لانك فاسكندرية وانتوا جدعان ......ههههههه المهم خديلك اسبوعين وهتاخدي بيهم شهادة بانك اتدربتي باحدي مكاتب بيع الشركة وانتي بتقولي ان مفيش مركز معتمد عندك للتدريب ع السستم خلاص انتي تابعي المنتدي وان شاء الله بتستفيدي ووالله والله ان شاء الله هتلاقي فرصة كويسة وان شاء الله خير |
رد: طلب المساعدة من الاخت برنسيسه
شكرا جدا يابرنسيه انت واللة اللى بتشجعينى اكمل انا فعلا بعد لما اخذت اليفل الاول حبيت الموضوع بس الناس اللى معايا فى الكورس فى منهم بيشتغل وكل شويه معترضين ان الكورس ملهوش فايدة فى العمل و لغاية لما جابو للواحد اكتئاب بس انا انشاء الله حكمل مع انهم كمان غلوا الكورس وبقى بى 1200 ج بس ربنا يسهل وحكمل كنت عايزة اقولك كمان على حاجة انهم فى مصر للطيران فى الاسكندريه مفيش تدريب مش عارفة اذا كان عندك خلفية ف الموضوع دة ولا ايه
|
رد: طلب المساعدة من الاخت برنسيسه
معلش انا بتقل عليكى بس لو تسمحى ممكن اخذ ايملك ونبقى اصدقاء ويبقى ليا الشرف
|
رد: طلب المساعدة من الاخت برنسيسه
السلام عليكم ورحمة الله وبركاته
معلش يا جماعة انا اسف بس كنت عايز اسال برده على حاجة انا من اسكندرية برده ولسه بدرس فى سنة 3 كلية سياحة وفنادق وقابلت ناس قالولى على كورسات الاياتا دى وانا بصراحة عايز ابدا اخدها من دلوقتى وناس قالوا لى لازم الاول تاخد كورس اسعار وتذكار فى مصر للطيران برده وبعدها اخد سيستم فانا بصراحة مش عارف ابدا باايه ؟! ولا اعمل ايه وعايز اعرف مكان حجز كورسات الاياتا دا فين ؟! وتحياتى لكم جميعا |
رد: طلب المساعدة من الاخت برنسيسه
اهلا وسهلا بيك انا بردة من اسكندريه وممكن افيدك انت تروح مكتب مصر للطيران اللى فى جليم وبعد كدة تحجز الكورس عند السكرتيرة الكورس 3LEVELSستعر الليفل الان 1200ج هوزاد ثمنة اول السنة دى وبعدين لوحجزت دلوقتى ممكن تبدا السنةالجاية اناحجزت فة شهر ستة اخذته فى شهر1 من الافضل انك تحجز دلوقتى عقبال ماتخلص دراستك انشاء الله الكورس يكون بدا لو عايز اى استفسار تانى انا فى الخدمة وفقك الله
|
رد: طلب المساعدة من الاخت برنسيسه
مشكورة كتييير اختى الفاضلة zcbmnn بارك الله فيك
معلش ممكن استفسار تانى بعد اذنك يعنى ابدا بكورسات الاياتا دى الاول ولا ابدا بايه الاول وبعدين هو ينفع احجز ال3 ليفل كلهم مع بعض ؟! (ومكتب مصر للطيران دا فى جليم فى شارع ابو قير مش كدة ؟!! وشكرا لك اختى zcbmnn على سرعة الرد جزيت خيرا |
رد: طلب المساعدة من الاخت برنسيسه
لا شكر على واجب واسال زى ما انت عايز ايوة مضبوط مكتب مصر للطيران على شارع ابوقير فى جليم وجنبه محل ورد وبيرار بتاع الاحذيه اما بالنسبة لاستفسار عن الكورسات فانا لسا جديدة فى الموضوع انا بدات باول كورس فى مصر للطيران وانشاء الله حبدا الكورس الجديد الاسبوع الجاى واللة والاخت برنسيسه جزاها الله كل خيرهيا اللى كانت بتشجع الواحد فى البدا فى الكورس دة واعتقد ان الكورسات دى هيا اهم حاجة تبدا بيها لانها هيا الاساس فى الدخول فى مجال الحجز وبالنسبه انك تحجز الكورسات كلها مرة واحدة اعتقد ان مفيش د اعى لانك بتحجز كورس الاول وبعد لما تخلص بتروح تحجز اللى بعده على طول وكمان لازم تنجح فى الكورس الاول علشان تقدر تخش التانى والثالث ومتخفش لانك انشاء الله حتنجح بس اكيد كل حاجة فى الاول صعبه ولو عايز اى سوال تانى انا فى الخدمة.
|
رد: طلب المساعدة من الاخت برنسيسه
ربنا يبارك فيك zcbmnn جزاك الله كل الخير وكل القائمين على هذا المنتدى
وان شاء الله خلاص اروح احجز الكورس دا اليومين دول |
| الساعة الآن 04:08 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
