:: Flying Way ::

:: Flying Way :: (https://www.flyingway.com/vb/index.php)
-   العمليات الأرضية - الترحيل الجوي (https://www.flyingway.com/vb/forumdisplay.php?f=92)
-   -   مرتب الديسباتشر .. !! (https://www.flyingway.com/vb/showthread.php?t=76526)

Cpt.Mohammed 13-01-2010 06:18 AM
مرتب الديسباتشر .. !!
 
السلام عليكم و رحمة الله و بركاته ..

أرجوا مِن مَن لديه خلفية عن مرتب الديسباتشر عموماً كمتوسط او بوجه خاص في شركة مصر للطيران يقولي - انا اتكلمت مع ديسباتشر عند مطار القاهرة ( أصطدته وهو خارج من سيارته :mic-me: )سألته عن المهنة و التقديم و كل حاجة, بس أتحرجت اسئله الصراحة عن المرتب لأنه مش من الذوق اني اسأل حد معرفهوش عن مرتبه , بس انا هنا في بيتي فعادي اسأل عن المرتبات ..

طبعاً متأكد ان فيه ناس شغلتهم النقد و بس :joystick: هيقولولي : يا أخي الطيران متعة و عشق مش مرتب - متوقع ده طبعاً ..

ردي بمنتهي البساطة عليهم هيكون و معاه أبتسامة : اسألوا عني في المنتدي و عن مدي عشقي للطيران و قبل كل ذلك معلوماتي فيه والذي يدل علي ان الطيران يسري في دمي كالأوكسجين ... لذلك وفروا عليكوا عناء و مجهود الكتابة علي لوحة المفاتيح .. لأني بسأل عن المرتب عشان المبلغ اللي هدفعه لمعهد أمبابة انا مستلفه من صديق و يهمني جداً أرده ليه في أقصر وقت ممكن - كفاية انه واقف معايا و قالي مش هيسألني عن المبلغ لغاية ما ألاقي وظيفة و ده سبب سؤالي عن المرتب ..

ياريت اللي عنده خلفية عن المرتبات يقولي لأني خلاص هقدم بأذن الله في شهر 8 الجاي ده .. و كحد أقصي 6 شهور عايز أكون مسدد المبلغ لصديقي بالتمام والكمال من بعد ما ابدأ مشواري المهني ..



منتظر ردودكوا




ezzoo18 13-01-2010 11:11 AM
رد: مرتب الديسباتشر .. !!
 
كابتن محمد الله يوفقك ان شاء الله في الرخصة ..
وبصراحة مجال جميل وانا ان شاء الله بدرس الدسباتشر احتمال كبير هنا في كوالامبور أو في كندا وربنا يسهل

وبما انك قدمت على معهد امبابة اتمنى انك تعطيني خلفية عن المعهد وطلباتهم والأسعاروعن الرخصة اللي بيعطوك هيا .. وحكون شاكر لك اخي محمد
وتواريخ الكورسات ..
أو موقع المعهد على الانترنت
وبالنسبة للرواتب في طيران سما توصل الى 7او 8الاف سعودي تقريبا على ما اعتقد .
أما بالنسبة عندكم في مصر للطيران للأسف ماعندي خلفية

Sky_master 13-01-2010 03:05 PM
رد: مرتب الديسباتشر .. !!
 
والله الصراحة معرفش يا محمد

بص انت خش الجروب دة وهتلاقى فيه اكيد ناس كتير اوى هيفدوك

https://www.facebook.com/kewankitty?r...8684181&ref=ts

نمرو 13-01-2010 04:19 PM
رد: مرتب الديسباتشر .. !!
 
الله يوفقك كابتن محمد اخي انا عاوز ادرس في معهد امباببة ياليت تعطيني رابط المعهد او وسيلة اتصال
وكم مدة الدراسة في الدس باتشر

Cpt.Mohammed 13-01-2010 06:22 PM
رد: مرتب الديسباتشر .. !!
 
ezzoo18
Sky_master
نمرو

أشكركوا يا جماعة بشدة

بالنسبة للمعهد هو اسمه معهد امبابة للتدريب علي أعمال الطيران المدني ..
الكورس بيستمر حوالي من 4 شهور لـ 5 شهور .. بتحصل بعدها علي رخصة خط جوي / مرحل طيران .. الرخصة تابعة للـ FAA و لكنها مصرية ..
سألت قالولي يلزمني معادلة للرخصة المصرية عشان أقدر اشتغل بيها في اي مكان ..

شروط التقديم :-

1- أجادة المستوي الرابع لأنجليزية الـ ICAO .
2- التدريس و المحاضرات كلها بالأنجليزية .. مطلوب جداً تحسين مستوي اللغة شخصياً .
3- لا يحصل علي الرخصة من هو أقل من 21 سنة ..
4- لابد من الحصول علي مؤهل عالي عند التوظيف و ليس الدراسة .

بالنسبة للكورس فهو السنادي بـ 3000 دولار امريكي .. و فيه كورسين في السنة كورس في شهر أبريل .. وأخر في شهر أغسطس ..

بالنسبة للمواصلات .. فحي أمبابة من الأحياء المؤهولة لدرجة الأزدحام .. المواصلات متوفرة بشدة من اول أوتوبيسات هيئة النقل العام حتي التوك توك :mic-me: ..
الخدمات و المطاعم و خلافه متوفرة جداً في أمبابة لأنه كما ذكرت حي سكني مؤهول بالسكان ..

بالنسبة لضمان الوظيفة بعد الدراسة .. المعهد مش بيضمن وظايف .
بس الديسباتشر اللي كلمته قالي انه دخل بدون واسطة ولا فلوس .. مجرد انه نجح في أختبار مصر للطيران دخلوه الفترة التدريبية للوظيفة ..

أخيراً المعهد ليس له رابط .. يوجد رابط قديم لم يتم تحديثه ..
.. للأسف مش معايا رقم تليفون المكتب دلوقتي .. لأني كنت مسجله علي الموبايل القديم .. بكرة ان شاء الله أجيبلكوا رقم تليفون المكتب و الفاكس من خدمة الدليل ..

بس اللي يحب يستفسر عن طريق العلاقات العامة للمعهد ..يتصل علي 0101908159


بالتوفيق للجميع

سفنكس 14-01-2010 10:33 AM
رد: مرتب الديسباتشر .. !!
 
طيب انا لو اخدت الرخصة هل راح تتعادل هنا في السعودية يعني ماراح يكون فيها معوقات

ايش تقصد ب
- لابد من الحصول علي مؤهل عالي عند التوظيف و ليس الدراسة

عاشق A380 14-01-2010 11:05 AM
رد: مرتب الديسباتشر .. !!
 
اقتباس:
المشاركة الأصلية كتبت بواسطة Cpt.Mohammed (المشاركة 844670)
ياريت اللي عنده خلفية عن المرتبات يقولي لأني خلاص هقدم بأذن الله في شهر 8 الجاي ده .. و كحد أقصي 6 شهور عايز أكون مسدد المبلغ لصديقي بالتمام والكمال من بعد ما ابدأ مشواري المهني ..

منتظر ردودكوا

أخي العزيزالمرتبات تختلف من شركة لأخرى
أنا سألت أحد الطيارين في القطرية وقال أن متوسط مرتب الديسباتشر في القطرية يبلغ 9 الف دولار امريكي وبعضم توصل رواتبهم إلى 15 الف دولار أمريكي
تمنياتي لك بالتوفيق

Cpt.Mohammed 14-01-2010 07:14 PM
رد: مرتب الديسباتشر .. !!
 
اقتباس:
المشاركة الأصلية كتبت بواسطة سفنكس (المشاركة 845516)
طيب انا لو اخدت الرخصة هل راح تتعادل هنا في السعودية يعني ماراح يكون فيها معوقات

ايش تقصد ب
- لابد من الحصول علي مؤهل عالي عند التوظيف و ليس الدراسة
يمكنك الرجوع لسلطة الطيران المدني السعودية - لأن كل سلطة وليها قوانينها و لوائحها .. بالنسبة للمؤهل العالي , هما طالبينوا في مصر للطيران .. مش عارف ليه !!

كذلك كل شركة طيران و ليها قوانينها و شروطها ..

و الله يوفقك

اقتباس:
المشاركة الأصلية كتبت بواسطة عاشق A380 (المشاركة 845534)
أخي العزيزالمرتبات تختلف من شركة لأخرى
أنا سألت أحد الطيارين في القطرية وقال أن متوسط مرتب الديسباتشر في القطرية يبلغ 9 الف دولار امريكي وبعضم توصل رواتبهم إلى 15 الف دولار أمريكي
تمنياتي لك بالتوفيق
أشكرك بشدة علي مشاركتك .. ولو المرتب كدا - يبقي ربنا هيقدرني و أسدد لصديقي فلوسه في أقرب وقت ممكن ..

أشكرك و تمنياني لك أيضاً بالتوفيق

سفنكس 15-01-2010 02:33 PM
رد: مرتب الديسباتشر .. !!
 
ممكن عنوان المعهد

لان في واحد من اصحابي راح يسافر مصر وابغاه يروح للمعهد يستفسر

Cpt.Mohammed 16-01-2010 08:42 PM
رد: مرتب الديسباتشر .. !!
 
اقتباس:
المشاركة الأصلية كتبت بواسطة سفنكس (المشاركة 846429)
ممكن عنوان المعهد

لان في واحد من اصحابي راح يسافر مصر وابغاه يروح للمعهد يستفسر
المطار موجود في شارع أسمه شارع المطار - حي أمبابة ..

لو صديقك قال بس عايز أروح لـ " مطار أمبابة " ألف واحد هيدله عليه .. لأنه مشهور هناك و فيه محطة أوتوبيس بأسمه قريب منه ..

ع العموم لما ييجي صاحبك مصر بالسلامة - أبقي بلغني علي الخاص و لو يحب أروح معاه - أوكي مفيش مشاكل .. :flowers:

SU-GCM 19-01-2010 10:01 PM
رد: مرتب الديسباتشر .. !!
 
اقتباس:
المشاركة الأصلية كتبت بواسطة Cpt.Mohammed (المشاركة 845057)
ezzoo18
Sky_master
نمرو

أشكركوا يا جماعة بشدة

بالنسبة للمعهد هو اسمه معهد امبابة للتدريب علي أعمال الطيران المدني ..
الكورس بيستمر حوالي من 4 شهور لـ 5 شهور .. بتحصل بعدها علي رخصة خط جوي / مرحل طيران .. الرخصة تابعة للـ FAA و لكنها مصرية ..
سألت قالولي يلزمني معادلة للرخصة المصرية عشان أقدر اشتغل بيها في اي مكان ..

شروط التقديم :-

1- أجادة المستوي الرابع لأنجليزية الـ ICAO .
2- التدريس و المحاضرات كلها بالأنجليزية .. مطلوب جداً تحسين مستوي اللغة شخصياً .
3- لا يحصل علي الرخصة من هو أقل من 21 سنة ..
4- لابد من الحصول علي مؤهل عالي عند التوظيف و ليس الدراسة .

بالنسبة للكورس فهو السنادي بـ 3000 دولار امريكي .. و فيه كورسين في السنة كورس في شهر أبريل .. وأخر في شهر أغسطس ..

بالنسبة للمواصلات .. فحي أمبابة من الأحياء المؤهولة لدرجة الأزدحام .. المواصلات متوفرة بشدة من اول أوتوبيسات هيئة النقل العام حتي التوك توك :mic-me: ..
الخدمات و المطاعم و خلافه متوفرة جداً في أمبابة لأنه كما ذكرت حي سكني مؤهول بالسكان ..

بالنسبة لضمان الوظيفة بعد الدراسة .. المعهد مش بيضمن وظايف .
بس الديسباتشر اللي كلمته قالي انه دخل بدون واسطة ولا فلوس .. مجرد انه نجح في أختبار مصر للطيران دخلوه الفترة التدريبية للوظيفة ..

أخيراً المعهد ليس له رابط .. يوجد رابط قديم لم يتم تحديثه ..
.. للأسف مش معايا رقم تليفون المكتب دلوقتي .. لأني كنت مسجله علي الموبايل القديم .. بكرة ان شاء الله أجيبلكوا رقم تليفون المكتب و الفاكس من خدمة الدليل ..

بس اللي يحب يستفسر عن طريق العلاقات العامة للمعهد ..يتصل علي 0101908159


بالتوفيق للجميع

السلام عليكم و رحمة الله

أولا الاخ العزيز كابتن محمد
أحب اشكرك علي مساعدتك للناس و طرح المعلومات بس احب اصحح بعض المعلومات

أولا : اجادة اللغة الانجليزي تفضل و لكن ليست للمستوي الرابع كما ذكرت لان المستوي الرابع حددته الايكاو للطيارين و المراقبين الجويين يعني للناس اللي بتشتغل علي موجة و ده ليه كورسات مخصوصة فقط يكفيك اجادة اللغة الانجليزية و استطاعتك الفهم و بعدين الموضوع كله في الطيران مصطلحات مجرد معرفتك بها و فهم المصطلح بحد ذاته كافي جدا و علي فكرة بيتم تدريس اول اسبوع من الفرقة مادة Aviation English !

ثانيا : التدريس و المحاضرات بالعربي و الانجليزي لان كل المدربين اساسا مدربين في اقسام مختلفة من الكلية المصرية للطيران سواء بقا حاسب الي او هندسة طيران او مدربين طيران في اكتوبر

ثالثا : يمكن حضور الفرقة لاي فئة عمرية و لكن سلطة الطيران المصري لا تسمح باستخراج الرخصة الا بعد 21 سنة يعني ممكن تدخل الفرقة و انت 20 او 19 و لكن مش حتمتحن في السلطة الا لما تتم 21

رابعا : في بعض الشركات بتقبل ناس من غير مؤهل جامعي لكن مصر للطيران لانها شركة حكومية فبتطلب المؤهل العالي او الجامعي

خامسا : بالنسبة للكورس اللي اعرفه انه حيبدأ في شهر 3 و في فرقة تانية في شهر 8 او 10 يعني اغسطس او اكتوبر

سادسا: الفرقة تقدم تبع كلية الدراسات المتخصصة بالاكاديمية المصرية للطيران و ليست تابعه لمعهد امبابة و مصاريفه فعلا 3000 دولار و بالنسبة للمواصلات يمكنك النزول الي ميدان الاسعاف في وسط البلد و في ميكروباصات مطار توصلك لحد باب المطار

سابعا : مواعيد الكورس يتم الاتفاق عليها علي حسب رغبة المتدربين يعني المتدربين بالاتفاق مع المدربين يحددوا اذا كانوا يفضلوها ليلي او نهاري

و ملحوظة اخيره و مهمة جدا
الكورس ليس علي نظام FAA
الكورس كان بيدرس حتي عام 2006 بنظام ال FAA و تم بعدها وقف الكورس لمدة عامين للبحث في تجديدة و تحديثه و في 2008 تم الاستعانه بشركة جيبسن من أجل المساعدة في عملية تأهيل المدربين و اعادة تقديم الكورس مرة اخري بشكل جديد و كانت اول فرقة تتخرج من كلية الدراسات المتخصصة هي الفرقة 1 مرحلين جويين اللي اتخرجت في شهر يناير 2010

و في نهاية الفرقة بتخرج معاك شهادة اتمام الفرقة + ترانسكريبت بالدرجات عشان لما تروح السلطة او لما تروح تعادل في اي دولة اجنبيه

و بعدين تروح سلطة الطيران المصري تمتحن هناك و تأخد لايسنز/ رخصة مصري

في النهاية الكورس علي نظام الجبسن او ال JAA

و مدة الكورس بالظبط كانت 100 يوم ! و ليست 4 او 5 شهور !

و بالتوفيق للجميع

تحياتي

أحمد حسن
SU-GCM

ABO ALY 28-01-2010 05:18 AM
رد: مرتب الديسباتشر .. !!
 
بالنسبه للرخصه فهى ICAO
و ليست FAA
---------------
بالنسبه للمرتب ؟؟؟؟؟!!!!!
بص يا سيدى ......أنا مش عارف أقولك أيه بعد 5 سنين خبره شاقه مؤبده

انا مش هأقدر أقولك المرتب كام فى مصر للطيران
علشان دى فضيحه قوميه و خيبه قويه
بس فى ميزات جانبيه بتعوض المسأله الماديه
وبعدين الطيران شغف
لكن الميزه الأولى فى الوظيفه دى تحديدا هى ان الواسطه مش موجوده
و فى نفس الوقت كونها تخصص نادر ففرصها محدوده
أنا مش بأعقدلك الموضوع بس بأقولك رأيى
وربنا يوفقك
ولو أحتجت أى خدمه أنا تحت أمرك و أمر المنتدى
و ممكن نتواصل بالتليفون لو حبيت

Cpt.Mohammed 02-02-2010 09:01 PM
رد: مرتب الديسباتشر .. !!
 
اقتباس:
المشاركة الأصلية كتبت بواسطة ABO ALY (المشاركة 855440)
بالنسبه للرخصه فهى ICAO
و ليست FAA
---------------
بالنسبه للمرتب ؟؟؟؟؟!!!!!
بص يا سيدى ......أنا مش عارف أقولك أيه بعد 5 سنين خبره شاقه مؤبده

انا مش هأقدر أقولك المرتب كام فى مصر للطيران
علشان دى فضيحه قوميه و خيبه قويه
بس فى ميزات جانبيه بتعوض المسأله الماديه
وبعدين الطيران شغف
لكن الميزه الأولى فى الوظيفه دى تحديدا هى ان الواسطه مش موجوده
و فى نفس الوقت كونها تخصص نادر ففرصها محدوده
أنا مش بأعقدلك الموضوع بس بأقولك رأيى
وربنا يوفقك
ولو أحتجت أى خدمه أنا تحت أمرك و أمر المنتدى
و ممكن نتواصل بالتليفون لو حبيت
لو حضرتك ديسباتشر , تبقي النجدة جاتلي من عند ربنا زي ما بيقولوا ..

انا ميهمنيش المرتب والله , المهم اني هشتغل شغل أحبه و يحبني , أقدره و يقدرني .. المشكلة اني مستلف الفلوس للدراسة و عايز أردها في أسرع وقت ممكن و هو ده سبب سؤالي عن المرتب ..
يعني مش هتعقد ولا حاجة , حتي لو هاخد 1000 جنيه في الشهر بس , المهم أرد الفلوس اللي مستلفها في أسرع وقت ..

الصراحة ردك طمني اوي , و ياريت لو نتواصل بالتليفون لو حضرتك تسمحلي يعني .. لأن فيه نقاط كتير عايز استفسر عنها .

بجد بارك الله فيك و يرزقك من وسعه علي مساعدتك

سفنكس 10-02-2010 05:12 PM
رد: مرتب الديسباتشر .. !!
 
كم راتب الدسباتشر في السعودية

ABO ALY 10-02-2010 08:27 PM
رد: مرتب الديسباتشر .. !!
 
ممكن تبعتلى تلفونك

رينو 10-02-2010 09:48 PM
رد: مرتب الديسباتشر .. !!
 
ياليت اللي يعرف راتب المرحل الجوي يقول لنا

وكمان اللي درس الترحيل يقول وين درس وكمان وين اتوظف

ABO ALY 22-02-2010 05:41 AM
رد: مرتب الديسباتشر .. !!
 
IIIIIIIIIIIIIIIIIII

ma15345 25-02-2010 04:13 PM
رد: مرتب الديسباتشر .. !!
 
انا ديسباتشر في احدي الشركات المصريه اى حد عايز اى معلومه يراسلني علي [email protected]
فعلا مرتب الديسباتشر في مصر فضيحه دوليه

ma15345 25-02-2010 04:14 PM
رد: مرتب الديسباتشر .. !!
 
علي فكره مصاريف دراسه الترحيل الجوي ليست 3000دولار
هي 5000 دولارانا متاكد من المعلومه دي
انا اخدت الفرقه من 3 سنين ب 4000جنيه مصري

ma15345 25-02-2010 04:15 PM
رد: مرتب الديسباتشر .. !!
 
علي فكره في اعداد زائده في المرحليين
انا اشتغلت في شركتين خاصتين السنه اللى فاتت وكان في عدد زياده
حتي اللى انا شغال فيها والله مهدد اني امشي بسبب ان العدد زياده

Cpt.Mohammed 25-02-2010 04:50 PM
رد: مرتب الديسباتشر .. !!
 
اقتباس:
المشاركة الأصلية كتبت بواسطة ma15345 (المشاركة 873845)
انا ديسباتشر في احدي الشركات المصريه اى حد عايز اى معلومه يراسلني علي [email protected]
فعلا مرتب الديسباتشر في مصر فضيحه دوليه
ممكن حضرتك تقولي كام المرتب كمتوسط لحوالي 6 شهور قدام ؟؟؟
و ياريت معلومات عن الوظيفة في مصر و الشركات و الذي منه ..

شكراً علي المساعدة

modygazar 01-03-2010 11:18 AM
رد: مرتب الديسباتشر .. !!
 
اقتباس:
المشاركة الأصلية كتبت بواسطة Cpt.Mohammed (المشاركة 844670)
السلام عليكم و رحمة الله و بركاته ..




أرجوا مِن مَن لديه خلفية عن مرتب الديسباتشر عموماً كمتوسط او بوجه خاص في شركة مصر للطيران يقولي - انا اتكلمت مع ديسباتشر عند مطار القاهرة ( أصطدته وهو خارج من سيارته :mic-me: )سألته عن المهنة و التقديم و كل حاجة, بس أتحرجت اسئله الصراحة عن المرتب لأنه مش من الذوق اني اسأل حد معرفهوش عن مرتبه , بس انا هنا في بيتي فعادي اسأل عن المرتبات ..

طبعاً متأكد ان فيه ناس شغلتهم النقد و بس :joystick: هيقولولي : يا أخي الطيران متعة و عشق مش مرتب - متوقع ده طبعاً ..

ردي بمنتهي البساطة عليهم هيكون و معاه أبتسامة : اسألوا عني في المنتدي و عن مدي عشقي للطيران و قبل كل ذلك معلوماتي فيه والذي يدل علي ان الطيران يسري في دمي كالأوكسجين ... لذلك وفروا عليكوا عناء و مجهود الكتابة علي لوحة المفاتيح .. لأني بسأل عن المرتب عشان المبلغ اللي هدفعه لمعهد أمبابة انا مستلفه من صديق و يهمني جداً أرده ليه في أقصر وقت ممكن - كفاية انه واقف معايا و قالي مش هيسألني عن المبلغ لغاية ما ألاقي وظيفة و ده سبب سؤالي عن المرتب ..

ياريت اللي عنده خلفية عن المرتبات يقولي لأني خلاص هقدم بأذن الله في شهر 8 الجاي ده .. و كحد أقصي 6 شهور عايز أكون مسدد المبلغ لصديقي بالتمام والكمال من بعد ما ابدأ مشواري المهني ..



منتظر ردودكوا


أخي العزيز السلام عليكم :
أحب أعرفك إن فرص العمل كديسباتشر مش متوفرة أوي زي ما متهيألك انا آسف إني باتكلم بالطريقة دي
لأني أخدت الكورس في المعهد علي يد محاضرين أجانب من جيبسون وكانت تكلفة الكورس 5000 دولاروبدأ يوم الأحد 31 مايو 2009 ولمدة 7 أسابيع وكان معانا محاضرين المعهد بيتدربوا معانا عشان بعد كده يبقوا يدرسوا الكورس بالمواد التعليمية لجيبسون ولكن بمحاضرين مصريين والشهادة كمان مصرية صادرة من الأكاديمية المصرية للطيران اللي هو معهد امبابة والتكلفة 3000 دولار.
أنا حصلت علي شهادة المرحل الجوي من جيبسون شهادة أمريكية معتمدة من الfaa وكمان امتحنت الرخصة في سلطة الطيران المدني وحصلت على رخصة مصرية إيكاو..
وإلي الآن لم أجد عمل ولا أي أحد من زملائي ال12 مع العلم إن إحنا الدفعة الوحيدة اللي تحمل شهادة جيبسون وقدمنا في جميع شركات الطيران داخل مصر ولم يتصل بنا أحد

Prince.Ahmedy 25-05-2010 10:08 PM
رد: مرتب الديسباتشر .. !!
 
اخي متأكد من مرتب المرحل الجوي في الخطوط القطرية ؟؟؟


متأكد 9000 آلاف والبعض 15 ألف دولار ؟؟

مش غلطان بالرقم أو بالعملة ؟؟؟؟


ياريت تجاوبني على هذا السؤال لأنه احس مرتب مبالغ فيه 15 ألف لوظيفة مثل المرحل الجوي ..


أذا كان 15 ألف دولار المرحل .. كم يكون راتب الطيار ؟؟ 50 ألف؟؟؟؟؟؟؟؟

Cpt.Mohammed 26-05-2010 01:22 AM
رد: مرتب الديسباتشر .. !!
 
السلام عليكم ..

شكراً modygazar علي المعلومات

انا من المتقدمين لدفعة كورس 6 يونيو 2010 و المصاريف 3,000 دولار امريكي ( مش عارف اللي بيقول 5,000 دولار جاب الرقم ده منين ؟ - ولا يقصد كورس مكثف !!! ) , وقعت الأبليكيشن و مكتوب فيه "3,000 دولار" في الأقرار .. و دفعت مقدماً قبل بداية الكورس 1,000 دولار أمريكي ..

بالنسبة للوظيفة , فدارسوا الطيران ( للعمل في الخطوط الجوية كطيار ) أيضاً يغامرون و يدرسون و هم معتمدون علي الله في الأرزاق ( يرزق الله من يشاء بغير حساب ) , و أعداد المتخرجين كطيارين زائد عن حد أي شركة ... و صليت صلاة أستخارة ثلاث مرات , و الرؤي و الراحة النفسية متوفرة ..

لذلك سأتوكل علي الله و أدرس و لله الحمد قد وفرت مبلغ الدراسة بنفسي , لذلك المغامرة سوف تكون علي حساب مالي و ليس مال الاخرون ..

شكراً لكل من قدم معلومة و أفادنا
بالتوفيق للجميع

عاشق A380 27-05-2010 02:17 AM
رد: مرتب الديسباتشر .. !!
 
اقتباس:
المشاركة الأصلية كتبت بواسطة Prince.Ahmedy (المشاركة 933774)
اخي متأكد من مرتب المرحل الجوي في الخطوط القطرية ؟؟؟


متأكد 9000 آلاف والبعض 15 ألف دولار ؟؟

مش غلطان بالرقم أو بالعملة ؟؟؟؟


ياريت تجاوبني على هذا السؤال لأنه احس مرتب مبالغ فيه 15 ألف لوظيفة مثل المرحل الجوي ..


أذا كان 15 ألف دولار المرحل .. كم يكون راتب الطيار ؟؟ 50 ألف؟؟؟؟؟؟؟؟


وعليكم السلام ورحمة الله تعالى وبركاته
الأخ العزيز كل ماقمت أنا بذكره صحيح
راجع الخاص
الله يوفق الجميع لما يحبه ويرضاه

FORZA JUV 19-06-2010 01:43 PM
رد: مرتب الديسباتشر .. !!
 
لو فى حد من الاعضاء يخبرنا على مرتب المرحل بشركات الطيران اليبية

madboy 24-06-2010 02:10 PM
رد: مرتب الديسباتشر .. !!
 
طيب عندي سؤال يمكن يضحك شويه

دي وين يكون شغال مع طاقم الطائره ولا بالمطار ؟

عاشق جدة 27-06-2010 07:17 AM
رد: مرتب الديسباتشر .. !!
 
اقتباس:
المشاركة الأصلية كتبت بواسطة madboy (المشاركة 949380)
طيب عندي سؤال يمكن يضحك شويه

دي وين يكون شغال مع طاقم الطائره ولا بالمطار ؟

اكيد بالمطار

nour salah 03-07-2010 05:57 AM
رد: مرتب الديسباتشر .. !!
 
السلام عليكم

كنت عايز اعرف من اخواننا اللى فى المنتدى وخصوصا الكابتن محمد معلومات عن الدورات المتاحة فى معهد امبابة وشروط الالتحاق بها واسعارها ان امكن.
وتمنياتى للجميع بالتوفيق

عاشق جدة 04-07-2010 07:44 PM
رد: مرتب الديسباتشر .. !!
 
هل رخصة المرحل الجوي من معهد امبابة مقبول عندنا بالسعودية ولا لا


الساعة الآن 11:15 AM.

Powered by vBulletin® Version 3.8.11
Copyright ©2000 - 2024, vBulletin Solutions Inc.

حق العلم والمعرفة يعادل حق الحياة للأنسان - لذا نحن كمسؤلين في الشبكة متنازلون عن جميع الحقوق
All trademarks and copyrights held by respective owners. Member comments are owned by the poster.
خط الطيران 2004-2024