الى مضيفات ومضيفين مصر للطيران
هاي بليز ممكن اعرف ايه الفرق بين اكسبريس واير لاين من ناحية المميزات و الراتب و الشروط وفترة التدريب؟؟ولو انا باءذن الله اتقبلت في اكسبريس ينفع اقدم برضو في اير لاين؟؟؟وهل اكسبريس بيكتبو عقود لمدة 3 سنوات وفي شرط جزائي؟؟ كمان انا معايا كشف طبي من وزارة الطيران المدني حيخلص في 25\12\2010 ينفع اقدم بيه بدل ما اعمل كشف طبى تانى؟؟شكرا
|
رد: الى مضيفات ومضيفين مصر للطيران
الفروق هي طبعا ان الايرلاينز بتسافر انترناشونال واكسبريس بتكون اقليميه وداخليه يعني مش بتروح كل دول العالم لكن بتروح المناطق المحيطه بمصر زي ليبيا وتركيا وايطاليا ولبنان والسعوديه
فرق الراتب فرق كبير جدا طبعا خاصة ان الايرلاينز بيقبضو بالدولار وليهم بدلات كتير لان رحلاتهم مسافات بعيده يعني بيكون حوالي 4 او 5 اضعاف مرتب اكسبريس التعيين في اكسبريس اسهل بكتير من الايرلاينز علشان مش بيعتمد على الواسطه بنسبة ميه في الميه زي التانيه على الرغم من وجود وسايط الا انها مش هي العامل الوحيد في اختيار المضيفات لو ربنا كرمك واتقبلتي في اكسبريس مش هينفع تقدمي في الايرلاينز غير لو خلصتي فترة العقد او فسختيه ( ده الكلام الي اتقالنا ومش متأكده ده صحيح فعلا ولا لأ بالرغم من اني مش مقتنعه بالكلام ده للدرجه) لكن مفيش شك انها هتكون خطوه بتساعدك تروحي الايرلاينز لو مش عندك واسطه لانك هتقوي علاقاتك هناك وممكن تقدري انتي تعملي لنفسك الواسطه بأن شغلك وسيرتك هناك يكونو كويسين بالاضافه للخبره فترة التدريب في اكسبريس تتراوح بين شهر ونص وشهرين على اقصى تقدير لكن في الايرلاينز 6 شهور العقد في اكسبريس مش 3 سنوات هو اربعه وفيه شرط جزائي موضوع الكشف الطبي مقدرش افيدك فيه ممكن لما تقدمي هناك تسألي على الموضوع ده لكن اعتقد انه طالما ساري يبقى مفيش مشكله اتمنى اكون قدرت اساعدك ولو في اي استفسار تاني انا تحت امرك |
رد: الى مضيفات ومضيفين مصر للطيران
شكرا لردك انا كان نفسي طبعا في اير لاينز بس فعلا انا اعرف ان كلها وسايط وده عن تجربة شخصية لانى قدمت فيها واللى كان معاهم وسايط هما بس اللى نجحو انا ان شاء الله حقدم فى اكسبريس وان شاء الله خير
|
رد: الى مضيفات ومضيفين مصر للطيران
انا سمعت من اصحاب ليا فى اكسبريس انهم مضيين على عقد فيه شرط جزائى 16000
جنيه مصرى وان مرتبهم مش عاجبهم وانهم شغاليين دوميستك على طول بس الايام دى لما بتكون مصر للطيران عدها ضغط هما كمان بيطلعو اخر مره البنت من اسبوعينن قالتلى انهم بيروحو بولندا كمان دا غير لبنان وسوريا والاردن والكويت بس طبعا مش بينزلو من باب الطياره ابدا اخرهم انهم يباتوم فى اى بلد جوه مصر بس وربنا يكرمك باللى فيه الخير ان شاء الله |
رد: الى مضيفات ومضيفين مصر للطيران
bosy fe nass t2olk asht3'ly feha 3shn t5dy 5bra w law 2admty fe 7ta tanya y5doky 3ltool,bas ana mn ra2y 2ademy fe kaza 7ta el awel l2n express ma7doda gdn w kmn mortbta 2olylaa.
|
اكسبريس فعلا مرتبها اقل كتير من الخطوط وزي ما قلتوا مش بنخرج من باب الطياره بره مصر والرحلات اغلبها داخلي في مصر لكن انا بالنسبه ليا طبيعة الشغل دي مريحه جدا علشان ببات كل يوم في البيت وليا حياه اجتماعيه وعندي وقت اخرج واشوف اصحابي واقعد مع اهلي وعندي في البيت بيعتبروها زي اي وظيفه عاديه كام ساعه على الطياره وبعدين اروح البيت عادي وده الي خلاهم اقتنعوا بسهوله اني اشتغل فيها وبالنسبه للمتزوجات مش بيغيبوا عن بيتهم كتير... دي نظره للموضوع لكن الي بتفكر في متعة الضيافه والسفر والشوبنج وكده تنسى اكسبريس وتدور على اي حاجه تانيه
|
هاي يا بنات لو سمحتوا انا كنت عايزه اقدم في مصر الطيران بس انا ثانوي عام عربي مش لغات و لسه بدرس في الجامعه ممكن اعرف في مشكله لو قدمت ولا بيقبلوا عربي عادي
|
اقتباس:
أرجوكم يا جماعة أتمنى لو حد عنده أى معلومات عن التقديم ف اكسبريس أو شروطهم أو أمتى بيطلوبوا أو ازاى نقدم فيها يقوللنا انا بجد خلاص أعصابى تعبت من كتر مانا متعلقة بموضوع الضيافة |
طب المرتبات في اكسبرس كام بالظبط بليز.. انتو بتقولو مش قد كده لكن هو كام تقريبا يعني
|
طيب انا كنت عايزة اعرف ايه هى الشروط المطلوبة للالتحاق فى اكسبريس و ايرلاينز من جميع النواحى
|
لو عايزة اقدم فى اكبسرس او اير لاينز اقدم ازاى وفين؟؟؟؟ انا مش عرفاعن اصلا
|
محدش عنده فكره عن امتحان الانجليزى لمصر للطيران اكسبريس بيكون ازاى ؟؟
|
الساعة الآن 04:08 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.