مسـاعده الله يسعدكم $'
 

السلام عليكم ورحمة الله وبركاته
اسعد الله صباحكم / مساكم بالخير والبركه
قال الله تعالى ( امرهم شورى بينهم )
يا اخوآن بما اني متخرج من الجامعه والعطاله كومه على قلب بني آدم ابي نصيحتكم

بما اني آعشق الوظيفه بهيئة الطيران المدني السعودي حصلت لي اكادميه بأمريكا
تقدم كورس ( ترحيل جوي ) ما يقارب الخمس شهور ولكن استفساري هو
هل هذه الوظيفه مضمونه بعد الله سبحانه بالسعوديه
يعلم الله ان العطاله كومه على قلبي والحمدلله ربي زرقني بشوية فلوس وابي ادرس
هالوظيفه ولكن قلت استشير اخواني بهالمنتدى الرائع وانتظر المشوره

تحياتي

شدعوه مابوه رد !

اهلا بك كابتن
من ناحية الوظيفة فهي بيد الله سبحانه وتعالى وحده
اما من ناحية دراسة الترحيل الجوي افيدك برأيي الشخصي ان دراسة الترحيل ما يحتاج تسافر لأمريكا وتتبهدل بالفيزا وغيره بالاضافة الى المصزوفات الباهظة من الدراسة والمعيشة وغيرها، لديك في السعودية في مدينة جدة تحديدا "الرواد للطيران" ورخص معتمدة من هيئة الطيران السعودي مباشرة ومدة الدراسة 3 اشهر والله اعلم والقيمة تقريبا 25000 ريال الرجاء الاتصال بهم للتأكد ، بدل ان تدرس بأمريكا وترجع وتدخل مرة تانية امتحانات هيئة الطيران المدني للعمل في السعودية .
الخيار الآخر في دبي - الامارات - كلية طيران الامارات تعطيك رخص اماراتية وترجع تعادلها في هيئة الطيران المدني في السعودية في جدة.

ارجوا من الاخوان التصحيح ان كان هناك خطأ.

والله اعلم

طيار محترف

وغير "الرواد" فيه نفس الكورسات باعتماد من هيئة الطيران المدني في شركة (نكسس) والله اعلم. تكلفة الدورة 5,000 دولار أمريكي سواء في الرواد أو في الشركة المذكورة.

اذا تبي النصيحة فالاستخارة أفضل مشورة .. وإذا قررت تدرس في جدة مشوار بسيط لهيئة الطيران المدني واسأل عن الافضل من المعهدين وهم بيعطونك الجواب.

بالنسبة للوظائف، طبعا الرزاق سبحانه ، ومن واقع خبرة السوق يحتاج ولازال يحتاج خصوصا بعد دخول شركات خليجية في المنافسة المحلية وإلزام الهيئة لهم بنسب سعودة في كل الوظائف.

هذا والله أعلم وبالتوفيق لك وين ما قررت تروح.

الف شكر لك على هالمعلومات القيمه هذا اولاً
وثانياً عندي مشكله فاللغه
اللغه جداً ضعيفه وتحتاج إلى تقويه فحصلت اكادميه لغه انجليزيه في ميامي بيتش
قيمة الدراسه لمدة6 شهور و 4 ساعات يومياً بَ 12 الف ريال
ودراسة الترحيل الجوي ايضاً في ميامي لمدة شهرين او ثلاث اشهر بَ 4900 دولا
السكن ما زلت ابحث
فَ والله ما ادري إلى الآن وانا محتاج شخص يقنعني لجل هالدراسه اللي انا متعلق فيها

اللغة انت تحتاجها سواء لهذي الوظيفة أو لأي وظيفة غيرها سواء كانت في الطيران أو في غير قطاع الطيران. وبالنسبة لدراسة الترحيل الجوي، فأقترح انك تعرف أكثر عن هذي الوظيفة. بمعنى تقابل مرحلين جويين وتفهم منهم أكثر عن طبيعة الوظيفة واحتياجاتها عشان يكون عنك فهم كامل وتقدر تاخذ قرار واضح فيها ... ان زانت لك بكل تفاصيلها يظل عليك انك تتوكل على الله وتختار المكان اللي بتدرس فيه سواء المملكة او امريكا.

اللغة الانجليزية دراستها اسهل بكثير طبعا وفيه اختيارات كثير غير امريكا. وفي النهاية الموضوع بين استخارة وتفضيلات شخصية للمكان والميزانية.

أرجو ان يوفقك الله في الدراسة أما عن اللغة فعندي نفس المشكلة معها مع أنها للغة ضرورية وشكرا